Aposol 8:13 - Natqgu

¹³ Saemon nide esz'-krde rlxngiti kz, x mz nibr nzwrkxtr-krde, mzli kqlutx nzmnctilr badr Filip. Kx mcpele rkx x da kxmatq kcng tqale Filip, sc tqkctipxpeleng.

Aposol 8:13 ပူးပေါင်းရင်းမြစ်များ

Matiu 3:6

Nzplxtipxbzlr alwx ngrdrng mz Gct, x sc tqawrkxtrpeng Jon mz LueJodzn.

Nrpakxmrlz Kx Yr Mak 16:17

Kxnzlxngitilr ninge sa nartwzng zmatq mz nzale-krdr rkx lcde seng: mz drtqnge sa narmaszlrpx-ngrng drka', x naycmneng mz natq lr mrkzbleng mz zmatq ngr Mqngrkxtr.

Nrpakxmrlz Kx Yr Luk 8:13

Drtc' kc tqmelx drtwr ngrde leplz kcng nabzdr tqngrgo. Nzxlrlr natq Gct x nzabrtzlvzlr nztwz-krdrle, a' natq Gct trpnzngr dzbrde. Nzrlxngiti-krdr mrbcnepwz, murde rblx nzlolvz-amqngi-krdrle mzli kc tqprtztingr nzatalzngr.

Nrpakxmrlz Kx Yr Jon 5:20

Krlzx nzalengr da lcng murde Trtenge mrlztile ninge. X aelwa-kz-ngrmle bange da amrlx kcng tqaletileng. X mz da kx na-alex, sa na-aelwapx-mou-ngrbzle rkx kxkqlu kxmyapxbzng, murde nakctipxamu kalr.

Nrpakxmrlz Kx Yr Jon 7:21

Rpibz Jiszs mz kxnzetu r lr Jiu kx, “Kzdq mzli wzx mz Sabat mz nzamrlz-krnge ncblo. A' yrkelvzamu ninge. A' nimu wz-kzamu mz Sabat mzli kznikeng vz-nqblq-ngrnamu Lou sc Mosis, mz nzrpakrngr doa ncblo. (A' lou lc vz-pnz-kaip x lou sc Mosis kc ate.) Murde nzmu zbq ngr nzrpakrngr kx tqtaole mz Sabat, sc tqrtrngztipebzmu nzrpakrngr. X da lc tubq mz drtwrgu. ?A' memule tqngyatingr drtwrmu ninge, mz nzamrlz-atwrnr-krnge ncblo mz Sabat?

Aposol 13:44

Zbz Sabat kx kaputrple, ycpwz pipz lr taon Pisidia Adiok amrlx nzvz-krmlr mz nzxlr-krdr Nrpa ngr Jiszs.

Aposol 19:11

Gct batrpzle mz Pol nzale-krde da kxmatq kxmyapxbzng.

Aposol 3:10

Kx nzkrlzlr kx nide ncblo kc tqwxbune, tqrlx zvz da mz Naonrx Kxluli, nzkctitxpx-atwrnr-pnz-ngrdr.

Aposol 8:21

Trpnzngr scm da kx yctrp bagr, murde nzao-krm drtwrm vz-rbr mz nzobqkr Gct!