Aposol 7:58 - Natqgu

⁵⁸ Kxnzetu lcng sc tzkilzpxpelr nide yz mz nibr Jerusalem, x sc tzvaebrtipelr nide mz rplz. X ncblo kcng tzpokiatilr nide sc tzrvaebrti-kzng nide. X nzayrlwrtrpzlr lrpzdr mz kzdq obla drtqde Sol, mz nzaclve-krdeleng.

Aposol 7:58 ပူးပေါင်းရင်းမြစ်များ

Nrpakxmrlz Kx Yr Luk 4:29

Nztulzmqng sc tzapepxpelr Jiszs mz mztea kc. Nzvzmilzbzlr mz nar newz kc tqyco-ngrm mztea kc. Murde nzrpilr na-apeolr mz nqngitrlqli kc.

Aposol 22:20

X mzli kc Stivin tqpipx-ngrde nim, x tznibq-ngrde, tu-kzx mrkc, x abrtzlvz-kzx nzrnibqngr mz nzaclve-krnge lrpz scdr krkcng tzrnibqng nide.’

Aposol 22:23

Mzli kc tzne-ngrdr, tzayaglqlr lrpzdrng mz zngya ngr drtwrdr, x tzrlxlzng bq r nrlc wq.

Aposol 22:4

Atrkatixng kxnzrvz-nqblqng ‘Lrpzki ngr Kxetu’ x batrpo nzbz-krdr. Olvz x ncblo lolvzxng x adwatrxng mz presin.

Aposol 26:10

X alex da lc Jerusalem. Kxnzetu rdr pris nzkamlr bange zmatq, mz nzadwatr-krnge leplz mz presin nedeng kxnzkqlung. X mzli kx nzrpi-ngrdr narnibq-ngrdr, drtwrnge esz'ti badr.

Aposol 6:11

Zbz nzxpe-kapqtxdr kzdung ncblo mz nzpokiatitr-krdr Stivin. X ncblo lcng tzrpibzlr mz leplz kx, “Xlrkr Stivin nzpibqti-krde Mosis x Gct!”

Aposol 6:13

Zbz nzvzmilzmlr kxnzpokia lcng x nzrpilr kx, “Ncblo lc tresakiu nzrpingr natq ngr nzatrkatingr Mangr-nzangiongr nyzgu x Lou sc Gct kc tqkabzle mz Mosis.

Aposol 7:57

Nzkabopxng mz natqdr kxetu x nzapqbrtrlr nradrtqdr mz mqdr, murde ma tzxlrlr nzpivxi-krde Gct. Zbz mz zngya kxetu nzyrkrtx-lxblrbzng amrlx ngrdr bade.

Aposol 8:1

Mz nibr nzrnibqngr Stivin, kzdung lr Jiu kx nzangio-zvzlr Yawe, Gct rdr, nzyrtzmqlr nrkrdrtqde. X trmyamiu drtqdr nzryrnimingr. X natqdr betx mz nzyrni-krdr. X Sol lc abrtzlvzle nzrnibqngr Stivin. X sc tqabzopele nzodati-krde lrmakxtr. Dwatrngr kc ma, dwapxm, x dwatr-mou-ngrde kc ma, mz nzrkilzpx-krmle leplz neng Jiszs, vz-ngrde ncblo x olvz tqadwatrleng mz presin. X abzo mz zbq lc, nzatrkati-zlwzlr lrmakxtr kcng tzmncng Jerusalem. Zbz kxnzrlxngiting amrlx nzangiliating x nzplckilr me blepx-lxblrng mz provins kcng Judiz x Szmariz. A' aposol kcng, nidr kc txpwz kx trnzplcpx-pnzung Jerusalem.