Aposol 7:45 - Natqgu

⁴⁵ Mz nibrde, melrmqgung kcng tzrtwzng Tentkxtr kc, kaobz trtedrng, nzglqmlr mrka Kenzn, nidr badr Josua mzli kc. Josua mailzbzle nidr mz nzota-krdr badr lr Kenzn. X mz nzokatrkr Gct nidr, nzmaneutitxpxlr nidr mz drtc' lc. Tentkxtr kc tqycbz badr mrka, x yc kz mzli kc melrmqgu Devet tqngi-ngrde king.

Aposol 7:45 ပူးပေါင်းရင်းမြစ်များ

Sam 44:2

Nzayrplapx-krm lr mrkzbleng apule lxbi kc tzbolvzti mz nrlanc nyzm. X petio-alzuq leplz nemqng mz drtc' nyzdr mz nzamnc-zpwx-krm nidr.

Sam 78:55

Maneutipxle leplz kxnzmnc-mrbrng mrlcde, mz nzvztrkr leplz nedeng mz drtc' lc. X sc tqakipxpebzle drtc' lc mz neidu lr Israel kcng nzpnu-esz'-nrade-li, x nzmncpx-alzupq'ng mz ma nyzdr.

Sam 80:8

Apusr-ngrn nigr nqvi lr grep ngr nrlanc nyzm. Murde mz nzvzmipx-krme nigr Ijipt, Apule kx bolvztipeq leplz kxnzmnc-mrbrng mrkc Kenan, Murde nqvi lr grep nyzm natu-amqngi mz drtc' lc.

Aposol 13:19

Zbz odatile neidu rlimz kxnzmnc-mrbrng kx nzmncng mz drtc' ngr Kenzn. X kabzle drtc' lc bagu, nigu lr Israel, murde nangi nyzgu, mz nzngini-krgu leplz nedeng.

Hibru 4:8

Zbz mz nibr yiz kcng nzpnu-pwx lzke, Josua mailzle leplz nedeng mz nzprtr-krdr mz drtc' kc Kenzn tqesalz-ngrbz Gct badr. Krlc atutr-ngrde kxpipz natq lc tqngi ‘nzmnc-zpwxngr.’ A' trngiu drtwr ngrde kx myapxbz. Murde Devet ycmnetr-mou-ngrde nzprtrngr mz nzmnc-zpwxngr lc mz Sam kc tqyrle mz nibrde.