Aposol 7:36 - Natqgu

³⁶ Mosis sc tqmailzpxmle nidr Ijipt, mz nzale-krde da kxnzkctipxng x rkx kxmatqng mrkc Ijipt, mz nzkawi-krdr Prla Bla, x mz nzvzne-krdr lzke yiz nzpnu-pwx (40).

Aposol 7:36 ပူးပေါင်းရင်းမြစ်များ

Sam 95:10

Mz yiz lcng nzpnu-pwx ngyati zvz ngr drtwrnge nidr. Murde nidr leplz kx nzvz-rbrng mz nabzdr x trnzvz-nqblqlru nqmq krngeng.

Sam 95:8

“Bzkq nabzmu mqngipe, da kc tzwailr melrmqmung. Murde kxmule-esz' nzmc-zvzlr nzrkati-krbo da kxmrlzting badr, Mz nzmnc-krdr mrkc lzke, a' otablrkr badr mrkc Meriba, X nzatalzlr ninge mrkc Masa, mz nzxpqbrlr-krdr ninge.

Nrpakxmrlz Kx Yr Jon 4:48

Rpibz Jiszs bade kx, “Trpnzngr nimu kx lxngitile ninge, a' krlc tqrlxngiti-ngrnamu nzmc-krmu rkx kcng tqalex.”

Aposol 13:18

Nzmnctilr badr mrkc lzke yiz nzpnu-pwx (40). X tr-rlaszleu nidr, kxmule-esz' trnzvz-nqblqlru natqde.

Aposol 7:42

Mz nzmu-krde lc, Gct esablqti-kzle nidr x kaobzle nidr mz nzangio-krdr nepi, temz, x vri. Krla Natq Gct kx yr profet Emos mzli kc pnz mz nzrpi-krde kx, ‘Mzli kc nimu lr Israel tqmnc-ngrnamu lzke yiz nzpnu-pwx, trnginipwc'u kc tqmulvzamu x tqangioamu mz blz kcng tznibqti.

Hibru 3:8

‘Bzkq nabzmu mqngipe, da kc tzwailr melrmqmung. Murde kxmule-esz' nzmc-zvzlr nzrkati-krbo da kxmrlzting badr, mz nzmnc-krdr mrkc lzke mz yiz kcng nzpnu-pwx, a' otablrkr badr x nzatalzlr ninge mz nzxpqbrlr-krdr ninge.’

Hibru 8:9

Murde melrmqdrng kcng tqvzmipxmc nidr Ijipt, trnzvz-nqblqlru lou ngr Nzesz'tikr Drtwr Kc Kai. Delc tqesablqtipe-ngrne nidr krlzmle mzli kx nayzlu-ngrmlr bange. Krkc Tqate sa nablepxbz mz Krkc Kai.