Aposol 3:26 - Natqgu

²⁶ Dekc Gct tqatwzlr-kai-ngrmle Jiszs, kxnzawz nede bagu, nigu lr Jiu. Murde na-amrlzle nigu mz nzbatr-krbzle mz doa kxesz', nzesablqti-krde nqmq krde kxtrka x nzlxlvrti-krde Gct.”

Aposol 3:26 ပူးပေါင်းရင်းမြစ်များ

Sam 72:17

King lc nadcpx zvz mz drtwr. X drtqde nayc zvz mz nzapu-krde nzti-zvzkr nepi. Murde sa nanginide nou nzamrlzkr Gct leplz amrlx mz nrlc, Mz nzkrlz-krdr kx matq-esz'ngr mz nzobqkr Gct.

Matiu 1:21

Sa narmc mz doa x napibzme drtqde Jiszs, kc drtwr ngrde Yawe arlapx, murde sa na-arlapxle leplz mz nzbz-krdr mz alwx ngrdrng.”

Matiu 15:24

Zbz sc tqrpipebz Jiszs bade kx, “Gct atwzlr-ngrmle ninge mz nzokatr-krnge txpwz lr Israel kcng tzmnc-mrbrng.”

Nrpakxmrlz Kx Yr Luk 24:47

X nrpa ngr nzrtekqtrngr drtwr x nzipqpxngr alwx, nayapwxtipxbz mz zmatq ngrde, na-abzo Jerusalem, sc tqkrlzpebzle mrkzbleng amrlx.

Aposol 1:8

A' da kx nakrlzamu nide sele. Sa natwzamu zmatq mzli kc navzo-ngrm Mqngrkxtr bamu. X na-aelwa-ngrbzmu ninge mz lr Jerusalem, lr Judiz Provins, lr Szmariz Provins, x nakrlzbzle leplz mz nrlc tulvzo.”

Aposol 13:26

“Mzlengeng, nimu neidu lr Ebraam x nimu kxtrngiulrJiu kcng tzamrluelr Yawe Gct angidr, Gct aelwapx-ngrmle bagu nrpa ngr kxmu na-arlapxle nigu.

Aposol 2:24

A' atulz-mop Gct mz nzbzngr, mz nzaopx-krbzle drtqde mz zvetq ngr nzbzngr, murde rblxbz mz nzbzngr nzaovxio-krde Jiszs.

Aposol 2:32

Jiszs lc ngi Kxnzmcpx kc tqatulzm Gct mz nzbzngr x nigr amrlx ngrgr mckr kx lupe mou.

Aposol 26:20

Ryapwxpx-kaipo mz krkcng Damaskzs, x mz nibrde mz krkcng Jerusalem, mz lr Judiz amrlx, x mz kxtrngiulrJiu. Ryapwxbo kx natekqtrlr nqmq nr drtwrdr mz alwx ngrdr x nalxlvrtilr Gct, x na-aelwapx-ngrdr kx nztekqtrpelr nqmq nr drtwrdr mz da kx nzalelr.

Aposol 3:13

Murde Gct rgu kc tqangio Ebraam, Aesak, Jekop, x melrmqgung, sc tqamrluepele kxnzawz nede Jiszs mz nzatulz-krmlele mz nzbzngr x avzdzpele nide Heven. Aprcbzmu nide mz nzrnibqngr x pxtxpx-ngrnamu nide mz mz Paelzt, kxmule-esz' rpile narlrpx-ngrde nzvz-krde.

Aposol 3:15

Kxmule-esz' nibqtxnamu Mevalu, a' atulz-mop Gct mz nzbzngr x mckr nide mz nibr nztulz-krmle.

Aposol 3:20

X Gct namnc-zvzbz bamu x na-amrna-mopwzle nabzmu. X na-atwzlr-mou-ngrmle Jiszs bamu. Murde Gct mcpxle nide mz nzngini-krde Mevalu rmu.

Aposol 3:22

Murde Mosis, profet ngrgu kc kai, ycmnetr-ngrde Jiszs mz nzrpi-krde kx, ‘Yawe Gct rgu sa na-atulzle kzdq profet kxetu mz mzlirgu kx na-apule ninge. Lalztqbzmu mz nike pibzle bamu.

Aposol 3:25

Da kcng tqesalz-ngrbz Gct mz profet nedeng x mz Nzesz'tikr Drtwrdr badr melrmqgung, twzku mzli ka. Gct rpibzle mz Ebraam kx, ‘Mz nqvi lrm sa na-amrlzx leplz amrlx mz nrlc.’

Nzryr-krbz Pol Mz Lr Rom 1:16

Glqpx-lzbq-ngrne Nrpakxmrlz, murde angidatile me pnz drtwrnge. Nrpakxmrlz lc tqngi nou zmatq ngr Gct mz nzarlapx-krde leplz amrlx kcng tzbrti zvz drtwrdr Jiszs mz nzlxngiti-krdr Nrpa lc. Lrpzki r nzarlapxngr lc navzki leplz amrlx, abzo mz lr Jiu x kxtrngiulrJiu kc ate.

Nzryr-krbz Pol Mz Lr Rom 15:29

Krlzx kx mzli kc navz-ngrmc bamu, Kraes sa na-amrlz-zlwzle nigu mz da kxkqlu.

Nzryr-krbz Pol Mz Lr Rom 15:8

Nadcpx mz drtwrmu kx Kraes vzm mz nzokatr-krde nigr lr Jiu. Suti drtwrde kx na-aelwapx-ngrde kx Gct takitrde nzbrtikr drtwr leplz le. Murde angidatile da kcng tqesalz-ngrbzle mz melrmqgrng, mz da kc tqalepele Mevalu kc Tzmcpx.

Efiszs 1:3

Na-awibzku mz Gct, kc tqngi Trte Kxetu rgu Jiszs Kxnzmcpx. Murde mz nzaxvctr-krbzku mz Kraes, Gct kc Heven kapemle bagu da kxmrlzting amrlx elr, mz nzokatr-krde nabzgu mz nzmncngr kxtr.

1 Pita 1:3

Na-awibzku mz Gct kc tqngi Trte Kxetu rgu Jiszs Kxnzmcpx. Murde mz zmrlz ngrde kxmyalz batrple bagu nzprtr-krgu mz nzlungr kxmrna. Lxngitiku Jiszs Kxnzmcpx kc tqatulz-mop Gct mz nzbzngr x prtr-kzku mz nzlungr kxboi. X obqtipxku da kxmrlzting amrlx kx nzyrlq-bekapxlr mz nzka-krmlrleng bagu Heven. Murde da lcng trnayrkrpxu x trnatekqtru, a' sa nayc-along.

1 Pita 3:9

Bzkq ayzlubzmu da kxtrka mz da kxtrka. X bzkq pibqtiamu krkcng tzpibqtilr nimu. A' rlxtibzmu mz Gct nzamrlz-krde nidr. Murde krlc me pnz drtwrde x sa na-amrlz-kzle nimu mz nzale-krmule.

Nzryrkr Jud 1:24

Naglqpxku Yawe, Gct kc esz'txu, kc tqarlapxle nigu mz Kxetu rgu Jiszs Kxnzmcpx. Nide kc tqlolvz-amqngile nigu, murde ma tqtaoku mz alwx. X alqngile nabzgu, murde na-abrtz-ngrgu nztubq-krgu mzli kc tqvzmi-ngrde nigu mz nztutr-krbzku mz mzte, mz zluli rde Heven. Murde sc tqtakitrde nzangiongr, tqmyalz-esz'ngr, tqxplr-esz'ngr, x tqmatq-esz'ngr, da kc tqwai-pnzle mz noude, krlzmle mzli ka, x kxnamu-zvzpele lc, tqyc tqyc. Eu, angida. Delape. Ninge Jud.