Aposol 3:25 - Natqgu

²⁵ Da kcng tqesalz-ngrbz Gct mz profet nedeng x mz Nzesz'tikr Drtwrdr badr melrmqgung, twzku mzli ka. Gct rpibzle mz Ebraam kx, ‘Mz nqvi lrm sa na-amrlzx leplz amrlx mz nrlc.’

Aposol 3:25 ပူးပေါင်းရင်းမြစ်များ

Sam 22:27

Yawe, lr mrkzbleng amrlx sa na-aoti drtwrdr nim mz nzplzpx-krbzlr alwx ngrdr bam. X neidu lcng amrlx sa na-angiolr nim,

Sam 96:7

Napibzku mz lr mrkzbleng kx naglqlz-kzlr nide Mz zmatq, zluli, x zmrlue lcng. Murde takitrde nzale-krgu da lcng, Mz nzrtwz-krmgu da bade mz makoa nyzde.

Nrpakxmrlz Kx Yr Luk 1:72

X aelwapx-ngrmle nzyckr drtwrde melrmqgung, mz nzatutr-krde Nzesz'tikr Drtwrdr badr,

Aposol 13:26

“Mzlengeng, nimu neidu lr Ebraam x nimu kxtrngiulrJiu kcng tzamrluelr Yawe Gct angidr, Gct aelwapx-ngrmle bagu nrpa ngr kxmu na-arlapxle nigu.

Aposol 2:39

Murde Gct esalz-ngrbzle Mqngrkxtr bamu, nimu badr doa nemung, x leplz kznikeng kx nzmnctrpqng rlru, nimu kcng tqkqleleng mz nzlxngiti-krmu Jiszs.”

Nzryr-krbz Pol Mz Lr Rom 15:8

Nadcpx mz drtwrmu kx Kraes vzm mz nzokatr-krde nigr lr Jiu. Suti drtwrde kx na-aelwapx-ngrde kx Gct takitrde nzbrtikr drtwr leplz le. Murde angidatile da kcng tqesalz-ngrbzle mz melrmqgrng, mz da kc tqalepele Mevalu kc Tzmcpx.

Nzryr-krbz Pol Mz Lr Rom 4:13

Esalz-ngrbz Gct mz Ebraam kx sa nakabzle nrlc atwrnrngr bade x doa nedeng mz nzrnginyz-krdrle. Nzmu Gct na-atutr-txpwzle nzesalz-krdeng mz leplz kx nzvz-nqblq-zvzlr Lou scdeng, drtwr ngrde kx mane nzbrtikr drtwrgu nide. X mane kz da kx esalz-ngrbzle murde rblx nzvz-nqblq-zvzngr Lou scdeng. A' Gct tresalz-ngrpwzleu da lc murde Ebraam vz-nqblq-zvzle Lou scdeng, a' murde nztubq-krde mz nzobq-krde vzpxm mz nzbrtikr drtwrde nide. Gct esalz-kai-ngrbzle da lc mz Ebraam, x sc tqka-atebzle Loukxtr mz Mosis. Delc rblx nztubqkr Ebraam nzvzpx-krmle mz nzvz-nqblq-krde Lou sc Mosis.

Galesia 3:16

Gct esalz-ngrbzle da lc mz Ebraam x mz doa nede. Tresalz-ngrpwzleu mz doa nedeng, kcng tzngi lr Israel. A' mz Nzryrngrkxtr rpibz Gct mz Ebraam kx, “Mz doa nem.” Ycmnetile doa esz'txu, kc tqngi Jiszs Kxnzmcpx.

Galesia 3:29

X mz nzesz'ti-krgu mz Kraes, twzku da kcng tqmrlzting, tqesalz-ngrbz Gct mz Ebraam, x mz Kraes, doa lc tqvzpxm mz nqvi lrde.

Galesia 3:8

Mz Nzryrngrkxtr, Gct aopx-pnzle kx sa na-atubqtile kxtrngiulrJiu amrlx mz nrlc mz doa kx vzpxm mz nqvi lr Ebraam, krlc Kraes. Murde rpibz Gct mz Ebraam kx, “Mz nqvi lrm, sa na-amrlzx neidu amrlx mz nrlc ka.”

Nzaelwapxngr 14:6

Zbz mcx kc enjrl kx lvc mrkc wq mzlilxlr, x rlem nrpa kxmrlz kc tqycpe, tqycpe mz lr nrlc, x mz nou, natq, neidu, x drtc' amrlx. Nrpa lc nrpa ngr nzaclve-angidrkr Gct.

Nzaelwapxngr 5:9

Zbz sc tzngr-ngrdr kc nabz kxmrna, mz nzrpi-krdr kx, “Nipem ncblo kx rtwz skrol la, X takitrde nim, Nzrniglcngr kadol ngrdeng X nzrkawxpx-kzngr. Nim blz kx nznibqng. Mepyr ngrm yrleo. Xpetrle leplz neng Gct. Leplz lcng nzprpxmqng mz nou, natq, drtc', x Neidu amrlx mz nrlc. “Nim kx rvzmimqng leplz lcng amrlx, Nidr kxnzprpxmqng Mz nou, natq, x neidu, x drtc' amrlx Mrka mz nrlc tulvzo, Murde nangini-ngrdr Pris neng Gct rgu, Mz nzwztr-krbzlr bade. X nidr kx na-aclveng ncdr mz nrlc, Mz nrlc tulvzo, eu.”

Nzaelwapxngr 7:9

Mz nibrde, obq-rmwible-moux, x mcx kc zbo ngr leplz kxetu-esz'ngr. Nzkqlu-zlwzng x trpnzngr kx yatrpz nzrlwxngr. Nzprpxmqng mz nou, natq, neidu, x drtc' amrlx mz nrlc. Nztutrpeng mrkc tqlxlvrkipx Nei Sip mz tron. Nzkq-lxblrng lrpz kxprki x nzrmale-lxblrng nabx nc paam mz nzabrtz-krdr.