Aposol 28:10 - Natqgu

^10-11 Mnctikr Malta temz tq, mz nzaenzli-krgr nrlc kxmrlz. X lr Malta lcng nzkamlr bagr da kxkqlu mz nzamrlue-krdr nigr. Kzdq lcsu dalr taon kxetu Aleksadria nzrpibz ‘Gct kc Tqlipxm’ yc-kapq-kz-ngrde nenq mz trmctu kc. X mzli kc na-alilvcpe-ngrgr mz lcsu lc, lr Malta nzyrlqlzbzlr elr nikeng amrlx nasuti drtwrgr prla, mz nzokatr-krdr nigr. Zbz sc tqalilvcpekr.

Aposol 28:10 ပူးပေါင်းရင်းမြစ်များ

Sam 15:4

Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.

Aposol 28:9

Kx nzmc lr trmctu kc nzmrlzkr trte Pzblizs, leplz amrlx kxnzyagoxng sc tzvzpemqng x Pol amrlzbzle nidr.

Filipae 4:19

X Gct rnge sa nakabzle bamu da amrlx kx takitrde nzmnc-krmu, mz nzaxvctr-krbzmu mz Mevalu Jiszs, murde nide bcnyr kx myapx-esz'ngr.

1 Tesalonika 2:6

X trsutiu drtwrgr kx naglqlzamu nigr o naglqlz kzdung kz leplz nigr. Kxmule-esz' nigr aposol neng Kraes, x takitrde nzokatr-krmu nigr x nzamatq-krmu nigr, a' trwaipwzkru lc bamu.