Aposol 18:15 - Natqgu

¹⁵ A' wztramu elr esz'-krmu, murde tqycmnelvz-zvzamu nzalvztrngr x drtq x loukxtr scmu esz'-krmu, nimu lr Jiu. Pxtxpx-ngrne nzrpipxngr da kxtubq mz da kxmule la!”

Aposol 18:15 ပူးပေါင်းရင်းမြစ်များ

Matiu 27:24

Paelzt krlzpele kx rblxpebz bade nztekqtr-krbzle drtwrdr, x ycpe pipz nzotablrkr leplz kxkqlu mz nzngyatikr drtwrdr nide mz nzycmne-krde. Zbz otile lue, sc tqycpqpele mqde, x rpibzle badr kx, “Krlc rkx kx aelwapx-ngrde kx nzbzkr ncblo lc trtutrpuu bange. A' nzbz-krde tutrpz bamu.”

Matiu 27:4

X rpibzle badr kx, “Alex alwx kxetu zlwz mz nzamwatx-krbo bamu ncblo kc trvz-rbru. X mzli ka sa nabzpe-ngrde da kc tqalex.” Nzayzlu-ngrbzlr natqde kx, “Trpnzngr scgr da kx yctrpz mz da la tqpiq. Krla me pnz drtwrm.”

Nrpakxmrlz Kx Yr Jon 18:31

Rpibz Paelzt badr kx, “Vzmiamu x ayrplapxamu nide mz nzvz-nqblq-krde Loukxtr scmu.” A' nzrpibz kxnzetu r lr Jiu kx, “Eu, a' trpnzngr scgr zmatq ngr nzrnibqngr leplz.”

Aposol 18:13

Nzrpibzlr mz Galio kx, “Ncblo lc kxmu alvztr-ngrde leplz mz nzangio-krdr Gct trtubqtru mz Loukxtr scgr.”

Aposol 23:29

Mcpex kx trpnzngr da kxtrka kx alele kx nananide mz nzbz-krde o nzadwatrngr nide mz presin, murde nzotablr-ngrdr dalr lou scdr.

Aposol 25:11

A' nzmu kx tqvz-rbrpex mz lou sc lr Rom, x alepex dq da kx nanibq-ngrnge, e tr-rlxtiwxu nzplcsz-krngele. A' nzmu kx trpnzngr da kx ngi da angidr mz natq lcng tzpiti-ngrdr ninge, e mz nzvz-nqblq-krde lou ngr Rom, trpnzngr kx nakaobzle ninge badr. Mzli ka rlxtibo atwzlr-ngrbz ninge mz king kc Rom mz nzkotq-krnge elr.”

Aposol 25:19

Murde nzpipxlr kx nzvz-rbrkr Pol tutr mz kzdung da mz nzrlxngiti-krdr, x mz kzdq ncblo drtqde Jiszs, bzpe, a' Pol rpile sa tqlu.

Aposol 26:3

Myapxbz murde krlzq nqmq krgu, nigu lr Jiu, x da kcng tresz'ti-ngru drtwrgu. Mz nzmu-krde lcde, rlxtibo bam, lalztq-kaip ena bange.

1 Timoti 1:4

Pibz badr kx bzkq nzamatqlr be kc bqnc tzpokiangr x pepz kc tqyrlwrlz-ngrm drtq melrmqdrng. Da lcng tqrkatrpz nzakipx-lzbqkr leplz, a' trnzokatrlru nzwzkr Gct kc tqvzpxm mz nzrlxngitingr.

1 Timoti 6:4

Ncblo kxnzmulr lcng, nzglqpx-lzbqng x trtakitrdeu nidr nzalvztr-krdr. Murde nzaokr drtwrdr trkape. X nzryapwxtr-zvzng mz nzalvztrngr kcng tqbatrpzle nzaki-lzbqngr x nzotablr-zvz-krdr mz kzdung natq. X nzapqtrlr nzdobungr, nzotablrngr, nzrpikitingr, x nztrkakr drtwr. Ncblo lcng trnzesz'ti-zvz-kru drtwrdr, murde nardr lukurnrngr x rblx da angidr nzvztr-krde mz nabzdr. X mz drtwrdr nzvz-nqblq-krdr Gct ngi dalr nzrngisc-krdr da kxkqlu, murde na-abrtzng mz nzngini-krdr bcnyrng.

2 Timoti 2:23

Eu, navz zvz mz nzpxtxpx-krm nzaongr drtwr kcng tqangqngu-ngrde leplz, murde nzbatrpzlr nzotablrngr.

Taetus 3:9

Kapx-lzbq mz nzlcpliti-lzbqngr, x nzycmne-lukurnrngr, x nzrnqniti-lzbqngr mz nqvi lr ncblo x nzalvztrkr Mosis. Murde trpnzngr da kxmrlz kx naprpxm mz da lcng.