Aposol 13:29 - Natqgu

²⁹ Zbz kx yrkrpxpebz nzale-krbzlr bade da amrlx kcng tzyrngr nide mz Nzryrngrkxtr mzli kc, sc tzglqopemlr nrkrdrtqde mz kros x nzglqtrlr mz butqbr.

Aposol 13:29 ပူးပေါင်းရင်းမြစ်များ

Nrpakxmrlz Kx Yr Mak 15:42

Zbqkranzlvqn ngi zbq ngr nzoliqtikr lr Jiu mz Sabat. Sabat yzutr mzli kc tqtaopengr nepi. Josip kc Arimatia trmwxlru, vzbz mz Paelzt x sc tqrlxtipebzle nrkrdrtq Jiszs mz nzyrtzmq-krdele. Josip lc nide kzdq kxetu mz Kansrl nyzdr lr Jiu. X tqobqtipxle mzli kc Kxnzmcpx ne Gct nangini-ngrde King r lr Jiu.

Nrpakxmrlz Kx Yr Luk 23:50

Kzdq lr Jiu drtqde Josip, dalr taon Arimatia, nide ncblo kxbrngz x tubq. X tqobqtipxle mzli kc Kxnzmcpx ne Gct nangini-ngrde King r lr Jiu. Kxmule-esz' prtr mz Kansrl nyzdr lr Jiu, a' drtwrdr tresz'tiu badr mz nzrnibqngr Jiszs.

Nrpakxmrlz Kx Yr Luk 23:53

Rlr-ngrbzle, zbz sc tqkaopem Josip nrkrdrtq kc. X bxtile kzdq lrpz kxprki kxboi mz nzvz-nqblq-krde nqmq krdr. X sc tqyrlqtr-anipele mz kzdq gq lr kxbz kx nzekqtitr mz butqbr. Butqbr lc trgalr kx nzayrbqpxm elr.

Nrpakxmrlz Kx Yr Luk 24:44

Zbz rpibzle badr kx, “Da kcng ena lc tqpitibo mzli kc tqmncbe-ngrgu. Rpibo kx da kcng amrlx tzyrngr ninge mz Lou sc Mosis, mz nzryr-krdr profet, x mz Sam kcng, na-atutrng.”

Nrpakxmrlz Kx Yr Jon 19:28

Jiszs krlzpele kx nzwz-krdeng amrlx kcng tqkabz Trtede yrkrpxpe. X mz nzatutr-krde Nzryrngrkxtr, sc tqrpipele kx, “Drtwrnge brlxkz.”

Nrpakxmrlz Kx Yr Jon 19:30

Kx abztrpz Jiszs waen kc, sc tqrpipele kx, “Nzwz-krnge yrkrpxpe.” X biole narde x sc tqrlrpe-ngrbzle mqngrde mz Gct mz nzbz-krde.

Aposol 13:27

A' lr Jiu mrkc Jerusalem x kxnzrmailz ngrdrng trnzlxngitilru kx Jiszs nide Kxnzmcpx. X mz nznibq-krdrle, nzatutrlr natqng profet neng Gct kcng tzrlwx zvz mz Sabat amrlx.

Aposol 2:23

Ncblo lc tqaprcbz Gct bamu mz nzvz-nqblq-krde me pnz drtwrde x pnzpe kai drtwrde da kx na-alebzmu bade. Nide kc tqtqlvztramu mz kros mz nzaprc-krbzmule mz mq ncblo kxdrka'-ngrng.

Aposol 26:22

A' Gct okatrle ninge krlzmle mzbq ka. Mz nzmu-krde lcde, tux mrka, tqpipxbo da lcng mz leplz amrlx, kxmule-esz' kxnztopwzng o kxnzetung. Da kcng tqyapwxtipxx trblepxu mz nikeng nzpilr profet x Mosis kx nangida.

Aposol 4:28

Mz nzvz-nqblq-krde me pnz drtwrm x zmatq ngrm, nzatutrlr da kcng amrlx tqyrlq pnz drtwrm kx nangida.

Aposol 5:30

Kxmule-esz' amyabzmu drtq Jiszs mz nztqlvztr-krnamule mz kros, a' Gct kcpwz tqangio kz trtegung atulz-mople nide.

1 Korint 15:4

X nzyrtzmq x Gct atulz-mople nide mz zbq kratq ngr nzbz-krde, da kc tqwai nzpikr Nzryrngrkxtr le.