Aposol 12:11 - Natqgu

¹¹ Zbz mzte kc tqopxpe, x mz drtwrde sc tqrpipele kx, “Mzli ka krlz-angidrx kx Gct atwzlr-ngrmle enjrl nede kc tqarlapxpebzle ninge mz mq Herot x mz da amrlx kcng tqpnz drtwrdr kxnzetu r lr Jiu na-alemlr bange.”

Aposol 12:11 ပူးပေါင်းရင်းမြစ်များ

Sam 109:31

Murde nim kc tqtubz mz nibr ncblo txne, Mz nzarlapx-krm nide mz mq kxnzabetitrlr nide, murde nabz-ngrde.

Sam 33:18

A' Yawe kc tqaclvele krkcng tzamatqlr nide, X nzbrti drtwrdr nzaodu-zvz-krde nidr.

Sam 33:19

Arlapxle nidr mz nzbzngr, X axplrle nidr mz mzli r dzbi.

Sam 34:22

Zvz Yawe nztu-krbzle mz nibr kxnzawz nedeng. X trpnzngr nzayrplapx-krde krkcng tzabrtrpzlr drtwrdr bade.

Sam 34:7

Ili! Enjrl ne Yawe arlapxle leplz mzli kc drtqdr tqetq-ngrde, Murde aclvele krkcng tzmyatitrlr Yawe.

Sam 41:2

Sa na-aclvebzle nzlu-krdr. X trtxpnzngr nzrlr-krbzle nidr mz mq enqmi rdrng. Delc tzrpi-ngrbz kx Yawe amrlzpele lr mrnyzdr Israel.

Sam 97:10

Nigu kcng tzmrlztilr Yawe napxtxpx-ngrgu da kxtrka. Murde tu-zvzbz mz nibr kxnztubqng mz nzarlapx-krbzle nidr mz mq kxdrka'-ngrng.

Nrpakxmrlz Kx Yr Luk 15:17

Zbz mz nzngqngu-krde kc, drtwrde kc tqopxpe. X sc tqdctipxpe drtwrde ncblo kcng amrlx tqamcti trtede. Tzrnginating dakxnzng kxkqlu, a' nide nabzpe-ngrde nade.

Aposol 12:7

Zbz kzdq enjrl ne Gct adcpx-lzbq. X zyzlr ngrde pnamilxle mrkc tqmncngr Pita. X sc tqtapztrpzle nrlar Pita mz nzadwalz-krmlele, x rpibzle bade kx, “Tulz-anim!” Zbz sen kcng nztatitxpx-pnzng mz mqde.

Aposol 24:27

Yiz li kaputxpx. X mz nibrde Posizs Festzs sc tqtekqtrpele Filiks nzngini-krde gavzna. Filiks rpile namrlzti lr Jiu kcng, murde ma tzota-zvzng. X sc tqrlaszpebzle Pol mz presin.

Aposol 25:9

Kxmule-esz', a' Gavzna Festzs rpile namrlzba lr Jiu kcng, murde ma tzota-zvzng. X sc tqveapebz mz Pol tqrpipebzle kx, “?Mrlz nzvzdz-krm Jerusalem, x na-abzpxm mz da lcng elr?”

Aposol 5:19

A' mz nrlckxbq, atwzlr-ngrm Gct kzdq enjrl nede mz nzlvxpx-krde naonrx ngr presin x mailztxpxle nidr.

Hibru 1:14

Murde enjrl lcng nidr kxnzmncng mzlilxlr kxnzmrlzng kcng tzwztrpzng mz Gct, kc tqatwzlr-ngrmqng mz nzokatr-krdr leplz kx na-arlapxleng.

2 Pita 2:9

Krlcng nzaelwapx-ngrdr kx Gct krlzle nzarlapx-krde leplz nedeng kxnztubqng mz nzetqkr drtqdr. X krlz-kzle nzlolvz-amqngi-krde leplz kxdrka'-ngrng mz nzamnclz-krbzle nidr mz zmatq ngr nzayrplapx-krde nidr, vz-krlzbzle mzli kc nayzlu-ngrm Jiszs mz nzayrplapx-zpwx-krdeleng.