Aposol 12:1 - Natqgu

¹ Mzli lcdeng, King Herot Agripz Kc Kai rkabz natq mz ncblo ngr vea nedeng kx nalolvztilrng kzdung lrmakxtr, murde na-atrkatilr nidr.

Aposol 12:1 ပူးပေါင်းရင်းမြစ်များ

Sam 125:3

X tr-rlr-ngrpwzleu mz kxdrka'-ngrng nzaclve-alo-krdr mrnyzgu, nigu kxnztubqng. Murde ma tqvz-nqblqku nqmq krdr kxtrka.

Matiu 14:1

Mzli lc King Herot Antipas, kc tqaclvele lr Gzlili, xlrle nrpa ngr da kcng tqaleti Jiszs.

Matiu 14:3

Nzbzkr Jon kxmule sele. Herot twzle olvz r mzlede Filip. X Filip lc sc tqlube, kx tqyrlzti Herot kc olvz rde. Drtq olvz lc Herodizs. A' Jon pi-zvzbzle mz Herot kx ngibz alwx mz nzobqkr Gct mz nzyrlzti-krde olvz r mzlede. Zbz Herot atwzlr-ngrbzle ncblo ngr vea nedeng, nzlolvzlr Jon x na-adwatrlr mz presin.

Matiu 14:6

Zbz mz zbq kc tqkaputr-ngrm nzrmcngr mz Herot, alebzle kc nzmungr mz ncblo nedeng. Zbz abrtzlvzle inyx Herodizs, mz nzela-krbzle badr mz nzelangr kx batrpzle ncblo nzrkcmnzngr nide.

Matiu 24:9

“Mzli lc sa na-aetqbzlr drtqmu, x sa nalolvzlr nimu, x nanibqlr nimu. Murde leplz mz natq amrlx x drtc' amrlx mz nrlc kcng tzmwati drtwrdr ninge sa namwati kz drtwrdr nimu mz nzngini-krmu leplz nengeng.

Nrpakxmrlz Kx Yr Luk 22:53

Murde mz zbq kang kqlu mnc-zvzku mz Mangr-nzangiongr. ?Memule trlolvz-ngrwamuu ninge elr? Kxmule-esz', a' Gct rlrpx-ngrde nzaovxio-krmu ninge mzli ka mz zmatq ngr Setzn.”

Nrpakxmrlz Kx Yr Jon 15:20

Nadcpx mz drtwrmu da lc tqpibo bamu, ‘Trpnzngr kxnzawz kx myaszlzle kxetu rde.’ Nzmu kx tzatrkatilr ninge kc tqngi kxetu rmu, sa na-atrkati-kzlr nimu mz nzngini-krmu kxnzawz nengeng. A' nzmu nayrlqlr natqnge, sa nayrlq-kzlr natqmu.

Nrpakxmrlz Kx Yr Jon 16:2

Sa nayrlqtrpzlr nimu yz mz mangr-nzkrka'ngr x namapulrpx-ngrdr nimu mztea. X mzli kc navzm, sa nanibqlr nimu, mz nzrpi-krdr kx nzwztrpzng mz Gct.

Aposol 11:30

Nzatakqtilr da kc naokatrngr, x sc tzatwzlrpe-ngrbzlr, nzmalenepe-krbz Banabas x Sol, murde nakabzlr mz kxnzaclvelr dzbe lrmakxtr kcng Jerusalem.

Aposol 12:2

X pibzle badr kx nalakipxbzlr mz toki r vea nar aposol Jemes, mzle Jon.

Aposol 4:30

X aelwapxngr zmatq ngrm mz nzamrlzngr zyagox x nzalengr da kxmatq kxnzkctipxngr zmatq ngr Jiszs, kxnzawz nem kxtr. Eu, angida.”

Aposol 9:31

Zbz lrmakxtr talvzpxle Provins kcng Judiz, Gzlili, x Szmariz nzmncng mz nrwx. X mzli lcde, lrmakxtr nzaxglrtr mz nzrlxngitingr x nzkqlunepxng, murde nzamrluelr Kxetu, x Mqngrkxtr apqtrle drtwrdr.