Aposol 10:3 - Natqgu

³ Kzdq zbq mz nabznepi kc tqtq mz mzli r nzkrka'ngr, kzdq enjrl ne Gct adcpx-lzbqbz mz Konilias mz nzobq-rwmible-krde. X rpibzle bade kx, “Konilias!”

Aposol 10:3 ပူးပေါင်းရင်းမြစ်များ

Sam 55:17

Murde sa naxlrme natqnge mz nourla, bea, x mz nrlckxbq, Mz nzkalz-zvz-krbo bam nzlckr drtwrnge x nztalvzokr nabznge.

Matiu 27:46

X mzli lcpwz, Jiszs sc tqetumipe natqde, nzrpi-krde kx, “Eli! Eli! ?Lama sabaktani?” Drtwr ngrde kx, “Gct! Gct o! ?Memule tqvzszpe-ngrn ninge?”

Nrpakxmrlz Kx Yr Luk 1:11

Kzdq enjrl ne Yawe adcpx-lzbqbz mz Sxkaraezs. Enjrl kc tukibzle me nzamatqngr mz nrlar olta kxrtc, mrkc tqngcngr bqlr nc ninz.

Nrpakxmrlz Kx Yr Luk 2:13

Nzpwrkilvc-ngrdr dzbe enjrl kxetu kx ngi ami kx vzom Heven, nzadcpx-lzbqpe-kzpzng. X enjrl lcng amrlx nzangrlvzlr Gct.

Aposol 10:17

Mzli kc Pita tqaoti-zlwzngr drtwrde nike drtwr ngrde, ncblo kcng tqatwzlr-ngrm Konilias sc tzkaputrpemqng. Nzpipebz badr me tungr ma nyz Saemon x sc tztutrpebzng mz naonrx ngr nabxbz.

Aposol 10:19

Mzli lcdepwz rpibz Mqngrkxtr bade kx, “Lalztq, ncblo nztqng la tzrtangrtilr nim.

Aposol 10:30

Rpibz Konilias kx, “Zbq tq yrkrpxpe, mncx mz ma nyznge mzli lcde kapwz mz nabz nepi kc tqtq, mzli r nzkrka'ngr. Mzli kc tqkrka'-ngrne, kzdq enjrl adcpx-lzbqm bange x lrpzde pnapr.

Aposol 10:9

Nrlc ngrlxobz x mzli kc bea, sc tzesonetrpebzng Jopa mz nzvzne-krbzlr. Mzli lcpwz Pita sc tqvzdzpe mz nibr ma mz nzkrka'-krde.

Aposol 11:13

Pimle bagr kx mcle kzdq enjrl tune ma nyzde x rpibzle bade kx, ‘Atwzlrngr kzdung ncblo nemqng Jopa, kx napibzlr nzvz-krm dq ncblo drtqde Saemon Pita.

Aposol 27:23

Murde kau Gct kc tqngi nede ninge x tqangiox, enjrl nede vzm bange.

Aposol 3:1

Kzdq zbq Pita x Jon nzvzdzng mz Mangr-nzangiongr Yawe mz nzkrka'ngr mz nabznepi kc tqtq.

Aposol 5:19

A' mz nrlckxbq, atwzlr-ngrm Gct kzdq enjrl nede mz nzlvxpx-krde naonrx ngr presin x mailztxpxle nidr.

Aposol 9:10

Mzli lcde, kzdq ncblo ne Jiszs mnc Damaskzs, drtqde Ananaeas. Kxetu Jiszs ycmnebz bade mz nzobq-rmwiblengr, rpibzle kx, “Ananaeas!” Rpibzle kx, “Kxetu rnge, ninge se.”

Aposol 9:4

X tatxo pnz. Xlrle kc natq rpibzle bade kx, “?Sol, Sol o, nike tqatrkati-ngrn ninge?”

Hibru 1:14

Murde enjrl lcng nidr kxnzmncng mzlilxlr kxnzmrlzng kcng tzwztrpzng mz Gct, kc tqatwzlr-ngrmqng mz nzokatr-krdr leplz kx na-arlapxleng.

Hibru 1:4

Mz nzmu-krde lcde, Jiszs myaszlz-zlwzle enjrl amrlx mz nzngini-krde Mrlx Gct. X zmatq kc tqaprcbz Gct bade myaszlz-kzle zmatq ngr enjrl amrlx.