2 Timoti 4:17 - Natqgu

¹⁷ Murde Kxetu txpwz kx tum mz nibrnge x abrmle nelznge. Delc tqyapwxtipx-zpwx-ngrbo Nrpakxmrlz mz leplz amrlx kcng trngiulrJiu tzmncng mz kot. X Gct arlapxle ninge murde trnznibqkalr ninge.

2 Timoti 4:17 ပူးပေါင်းရင်းမြစ်များ

1 Pita 5:8

Aclvetio-lzbqamu x oliq-zvzamu, murde enqmi rmu Setzn kc tqotaamu badr apule laion kc tqamwxlr-ngrde leplz mz nztukr natqde. X sc tqvz zvz nzrtangrti-krde doa mz nzatrkati-krde nide.

Sam 22:21

X mnc-ngalelvz ninge, murde ma tzluplxtilr ninge mz toki r vea scdr Tzapulr nqngi poi kz peto.

Aposol 9:15

Rpibz Kxetu kx, “Kxmule-esz', a' vzbz, murde mcpxpex nide mz nzwztr-krmle bange. Sa nalepxbzle nrpa rnge mz leplz kxtrngiulrJiu x king rdrng x lr Jiu kz.

Hibru 11:33

Mz nzbrtikr drtwrdr Gct, dekc tzale-ngrdr da kxetuting. Nzaovxiolr lr mrkzbleng mz vea. Nzaolvz-krdr x nzaclve-krdr leplz tubq. X nztwzlr nike pipx Gct nakabzle badr. Nzrlapxng mz nao laion.

Sam 109:31

Murde nim kc tqtubz mz nibr ncblo txne, Mz nzarlapx-krm nide mz mq kxnzabetitrlr nide, murde nabz-ngrde.

Aposol 23:11

Mz nrlckxbqtrpz, Pol mcle Kxetu Jiszs. X sc tqrpipebzle bade kx, “Nelzm nabr! Murde sa napipx-kzq ninge mrkc Rom, da kc tqwaipeq mrka Jerusalem.”

2 Pita 2:9

Krlcng nzaelwapx-ngrdr kx Gct krlzle nzarlapx-krde leplz nedeng kxnztubqng mz nzetqkr drtqdr. X krlz-kzle nzlolvz-amqngi-krde leplz kxdrka'-ngrng mz nzamnclz-krbzle nidr mz zmatq ngr nzayrplapx-krde nidr, vz-krlzbzle mzli kc nayzlu-ngrm Jiszs mz nzayrplapx-zpwx-krdeleng.

Matiu 10:19

Mzli kc nalolvz-ngrmu, bzkq da kx nakxne drtqmu mz nrpa kx napiamu x kxnamu nzycmne-krmu. Murde mzli lcde Gct sa nakabzle bamu nrpa kc napiamu.

2 Timoti 3:11

X krlzpeq kxmu nzatrkati-krdr ninge, x nzaetq-krdr drtqnge mzli kc tqmnc-ngrne mztea Adiok, Ikonizm, x Listra. Kxmule-esz' sc tzatrkatilr ninge, a' Kxetu rgu sc tqokatrpele ninge x arlapxle ninge murde ma tqbzx.

1 Timoti 1:12

Awibo mz Kxetu rgu Mevalu Jiszs, murde abr drtwrde ninge mz nzwztr-krbo bade, x axplrle ninge mz nzale-krnge nzwzngr lc.

Efiszs 3:8

Kxmule esz' leplz nedeng amrlx nzmyaszpxlr ninge, a' mz zmrlz ngrde kxmyalz rlr-ngrmle bange nzyapwxtipx-krbo mz kxtrngiulrJiu da kxmrlzting kx twzku mz Kraes, kx trnzkrlzu me yrkrkipxle.

2 Korint 12:9

A' rpimle kx, “Zmrlz rnge kxmyalz takitr-zvzde nzokatr-krde nim, kxmule-esz' da kx nzprtzng. Murde zmatq rnge wz angidr mz nzmnc-xgle-krm ninge mz mzlir nzkxpu-krmqng.” X mz nzlxngiti-krnge da lc, abrtzlvzx nzngini-krnge ncblo kxmane. Delc tqgqlpx-lzbq-ngrne mz da lc, murde zmatq ngr Kxnzmcpx na-aelwapx-ngrne mz nzlu-krnge.

Nrpakxmrlz Kx Yr Luk 21:15

Murde sa nakabo bamu natqngeng x nzyrplapx-krnge kx rblxbz badr nzayzlu-krbzlrle.

Nrpakxmrlz Kx Yr Luk 1:1

Ninge Luk, ryrbo bam kx Kxetu Teofilzs. Krlc be ngr da kcng amrlx tqprtz mzli kc tqabzongr nzwzkr Jiszs, krlzbzle mzli kc tqvzdzpe-mou-ngrde Heven. Da lcng nzaprcpe-mop bagu, mz nzryrngr nzalvztrkr leplz kcng tzrmc-angidrng da lcng nzngida-krde. X nznginipedr kxnzryapwxpxng Nrpakxmrlz. Leplz kqlupe nzabzlr mz nabztq, nzryrngr kzdq da kx naycmnetrngr nzmnckr Jiszs Kxnzmcpx, x da kcng tqalemleng mz mzlirgr.

2 Timoti 2:1

Mrlxnge Timoti, nzrlxngiti-krm naxplr mz nzokatrkr Mevalu Jiszs nim.

2 Timoti 2:9

X drtqnge nzaetq-kzpz mz nzamyati-ngrm drtqnge x nzamncpx-krmlr ninge mz presin. X nzapusr-ngrdr ninge ncblo kx xpqbrlrngr lou murde lepxx Nrpakxmrlz. A' natq Gct rblx nzapqbrlvzngr mz presin.

2 Timoti 4:5

A' nim, kx Timoti, namnc-nrwx-ngrn mz da amrlx. Kxmule-esz' nzaetqbz drtqm, a' navz zvz mz nzale-krm nzwzngr kcng tqaprcbo bam. Ryapwxpxbz Nrpakxmrlz mz leplz kcng trnzlxngitikalr Jiszs, mz nzrlrpx-lzbq-krbzme mz Kxetu rgu, da kc tqwaix.

Taetus 1:3

Zbz kx krlzbzle kc mzli kc tqyrlqle, sc tqaelwapx-ngrde nzlungr lc tqboi mz Nrpa ngr Kxnzmcpx. Delc, Gct rgu tqmcpx-ngrde ninge mz nzyapwxti-krbo Nrpakxmrlz lc.