2 Timoti 3:10 - Natqgu

¹⁰ Timoti, vz-nqblqpeq nzalvztr-krnge, nqmq krnge, me pnz drtwrnge, nzrlxngiti-krnge, trnzngya-ani-kru drtwrnge, nivz lrnge, x nztu-amqngi-krnge.

2 Timoti 3:10 ပူးပေါင်းရင်းမြစ်များ

Nrpakxmrlz Kx Yr Luk 1:3

Mz nqmq kcpwz, aoti drtwrnge kx mrlz nzryr-krbo, mz nzaopx-krbo bam da lcng amrlx. Murde veati-angidrpex da amrlx, abzo mz nzayzuokr nzryapwxngr, vz-krlzbzle me yrkrkipxle. X krlzx nzryr-angidrngr.

Aposol 11:23

Kx kaputrpebzle mrkc, mcpele kx Gct okatrle leplz lcng mz zmrlz ngrde kxmyalz. X sc tqabrtzpe, x axglrle nidr amrlx mz nzmnctr-zvz-krbzlr mz Kxetu Jiszs mz nabzdr atwrnrngr.

Aposol 2:42

Nzavzti-zvzlr nzyrlwr-lxblrngr mz nzlalztq-ngrbz mz nzalvztrkr aposol, mz nzaodutr-lxblrngr, mz Nzmungrkxtr, x mz nzkrka'ngr.

Aposol 20:18

Kx nzkaputrpemlr kc, rpibzle badr kx, “Krlzamu kxmu nzmnc-krbo bamu mzli kcng tqmnc-ngrgu, abzo mzbq kc ayrnrngr tqkaputr-ngrmc Esia Provins, krlzbzle mzli kc tqrkalz-ngrmc.

Aposol 26:4

“Lr Jiu amrlx nzkrlzlr nqmq krnge, vzne-pnzm mzli kc tqoblabe-ngrne. Mnckr badr mrnyznge, x mnc-kzkr badr Jerusalem.

Nzryr-krbz Pol Mz Lr Rom 16:17

Mzlengeng x inwengeng, xplrmibz natqnge bamu, kx aclvetioamu leplz kcng tzakipxlr kxnzrlxngiting. Murde nzatrkatilr nzrlxngiti-krmu mz nzrpi-krbzlr da kx blepxngr mz nzalvztrngr kc tqkrlz-kaiamu. Kapx-lzbqmamu badr.

2 Korint 1:17

Kxmule-esz', a' mz nibrde tekqtrx drtwrnge. A' trngiu drtwr ngrde kx nzycmne-krnge ycmne-abeanene. Murde mz nztekqtr-krnge drtwrnge, trvz-nqblqwxu da kx mrlzm bange, da kc tzwai kxtrnzrlxngitiung, a' vz-nqblqx me pnz drtwr Gct. Trpnzngr nzpokia-krnge mz nzrpi-krnge da kx na-alex.

Efiszs 4:14

Mzli lcpe nzmnc-krgu trapupeleu doa kxnztopwzng kx nztekqtr-ebir-ngrdr drtwrdr apule drtwrdr lcng tqtwzne nrc. Doa lcng tztwzlr nzalvztrngr kzbleng mzli kznikeng nzxlr-ngrdrle, apule da kx tqtwzne nenq. A' trapupekuu nidr, murde mzli ka rblxbz mz kxnzalvztr-rbrng nzesabrti-krdr nigu murde mc-zpwxku nzpokia-krdrng.

Filipae 2:20

Trpnzngr ncblo mrka kx apule Timoti, kx yc zlwz mz drtwrde nimu.

Filipae 2:22

Krlz-angidramu nzmrlzkr nqmq krde. Okatrle ninge mz nzryapwxtipxngr Nrpakxmrlz apule doa kxtopwz kx nzwzng ncdr trtede.

1 Tesalonika 1:5

Murde mzli kc lemgr bamu Nrpa ngr Jiszs Kxnzmcpx, trpi-txpwzkru mz natq. A' aelwapx-kz-ngrgr mz zmatq, mz nzokatrkr Mqngrkxtr, x mz nzrlxngiti-angidrngr. X krlz-kzamu kx aelwapx-ngrgr Nrpakxmrlz lc mz nzmnc-krgr, mzli kc tqmnc-ngrbzkr bamu. Da kcng amrlx tqalebzkr bamu, ngi dalr nzokatrngr nimu.

1 Timoti 1:3

Mzli kc tqmncbe-ngrgi mz taon Efiszs, pibo bam kx namncme elr, x ninge kc tqvzpex mz provins kc Masedonia. X mzli ka suti drtwrnge kx namncbeq elr, murde na-atubqtibzme nzalvztrkr leplz kcng tzalvztr-rbrng.

1 Timoti 4:6

Timoti, xplrpeq murde vz-nqblqq natq ngr nzrlxngitingr x nzalvztrngr angidr. Pibz da lcng mz lrmakxtr mz nzaelwapx-krm kx nim kxnzawz kxmrlz ne Mevalu Jiszs.

1 Timoti 6:11

Timoti, nim ncblo ne Gct. Kapx-lzbqm mz da kxtrka lcng amrlx. X lolvz-amqngipwz da kxmrlz lcde seng, nztubqngr, nqmq kr Gct, nzrlxngitingr, nivz, nztu-amqngingr, x nzaodungr.

2 Timoti 2:22

Mz nzmu-krde lcde, kx Timoti, esablqti da kxtrka amrlx kcng tzmrlzbz mz obla. A' mz nzokatrkr leplz kcng tzlxngitilr Kxetu rgu x tzsuti drtwrdr nzabrtzlvz-krde nidr, navz zvz nzale-krm da kxtubq, nztu-amqngi-krm mz nzrlxngiti-krgu, nzmrlzti-krm Gct x leplz, x nzmnc-zpwx-kz-krmu badr.

2 Timoti 4:3

Murde kalr, leplz trnavz-nqblqlru nzalvztrngr angidrng. A' sa navz-nqblq-txpwzlr me pnz drtwrdr x nalalztq-lzbzng mz kxnzalvztrng kcng drtwrdr tqesz'ti badr.

Taetus 2:7

Taetus, nanginibzme lrpzki mz leplz nemqng mz da amrlx, mz nzale-krm da kxmrlz x mz nzalvztr-angidr-krmqng, murde na-amatqlr nim.

Hibru 13:9

Bzkq rlr-ngrbzmu mz leplz kxnzalvztr-ngrdr da kzbleng nzmailz-krdr nimu mz nzvz-rbr-krmu. Nzxplr-krmu mz nzvz-nqblq-krmu nqmq kr Gct vzpxm mz zmrlz ngrde kxmyalz, a' trvzpxpuu mz nzvz-nqblq-krmu lou kcng mzli kc tqpipxle dakxnzng kx takitrde nzmungr. Murde nzvz-nqblqngr lou kxnzmulr lcng trokatrleu leplz mz nzmnc-nqblq-krdr Gct.

2 Pita 3:11

Mz nzaotikr drtwrmu nzodatingr lc, na-aoti kz drtwrmu nzmnc-krmu. Murde mzli ka tqaenzli-ngramu nzkaputr-krm mzli lc, suti drtwr Gct kx nzmnc-krmu natr mz nzvz-nqblq-krmu me pnz drtwrde. Murde mz nzayrkrpx-krmu nzwz-krde mz nrlc, sa nabatrpzle nzkaputr-ani-krm mzli lc, mzli kc bongavz nangc-atwrnr-ngrde x dalrdeng sa nayrleniting mz nzrbqkr nzulr nyr.