2 Timoti 2:11 - Natqgu

^11-13 Murde natq angidr deseleng. Mz nzbzmi-krgu Kraes, sa nalu-aloku badr. Mz nztu-amqngi-krgu mz nzrlxngitingr, sa na-aclveku badr mz nrlc kc navzm. A' nekeng nzpxtxpx-ngrdr nide, sa napxtxpx-kz-ngrde nidr. Kxmule-esz' taoku mz nzatutr-krgu da kx esalz-ngrbzku bade, a' trtxpnzngr nztao-krde mz nzatutr-krde da kx esalz-ngrmle bagu. Murde nqmq kr Kraes trpnzngr nztekqtr-krde, a' vz-nqblq-zvzle nqmq krde lc tqmrlz.

2 Timoti 2:11 ပူးပေါင်းရင်းမြစ်များ

Nrpakxmrlz Kx Yr Jon 14:19

Ycpe pipz trnzmcpeu lr nrlc ninge. A' sa namc-mouamu ninge. Murde nzlu-krmu kxmrna vzpxm mz nzlu-mou-krnge.

Nzryr-krbz Pol Mz Lr Rom 6:5

X mz nzaxvctr-krbzku bade mz nzbzngr mzli ka, sa na-axvctr-zpwx-kzpzku bade Heven, mzli kc na-atulz-kzngr Gct nigu mz nzbzngr, da kc tqwaisrpe-ngrde Kraes.

Nzryr-krbz Pol Mz Lr Rom 6:8

X mz nzbzpe-krgu lc badr Kraes, lxngitiku kx sa nalu-kzku badr.

2 Korint 13:4

Mzli kc tztqlvztrngr Kxnzmcpx mz kros, opxm kx trpnzngr scde zmatq. A' mzli ka lupe mz zmatq ngr Gct. Mz nqmq lcpwz, mz nzaxvctr-krbzkr bade, rpiamu kx trpnzngr scgr zmatq mzli kc tqmnc-ngrgu. A' sa namcamu kx prtr-kzpzkr mz zmatq kc tqatulzmle nide mz nzbzngr, mzli lc na-ayrplapxngr nimu.

2 Korint 4:10

Drlve keng vzkikr, prtrkr mz nzatrkatingr kcng pwz tqprtzbz mz Jiszs. X rlrpx-lzbqgr mz nzbz-krgr, da kc tqwaile, murde leplz nakrlzlr kx zmatq kcpwz tqalu-moule Jiszs, dekc tqwz mz nabzgr x nrkrdrtqgr.

1 Tesalonika 4:17

X mz nibrde, nigu kcng tzlubeng x kxnzlu-moung sa navzdz-lxblrku mz nabz dcbz, mz nzyrlwrpx-lxblr-krgu badr Kxetu mrlc mzlilxlr. X sa namnc-lxblr-aloku badr Kxetu!

1 Tesalonika 5:10

Kxmule-esz' bzpeku o lubeku mzli kc nayzlu-ngrm Jiszs, a' bz-ngrde murde nalu-zvzku badr.

1 Timoti 1:15

Da zpwxtx, x takitrde nzrlxngitingr mz nabz atwrnrngr kx Mevalu Jiszs vzm mz nrlc mz nzarlapx-krde kxnzaleng alwx. X ninge kx myapxbz mz alwx kcng tqale-zvzx mzli kc.

1 Timoti 3:1

Da angidr lc tqpibo. Mrlx kc tqpq zlwz mz drtwrde nzwzngr mz nzaclve-krde dzbe lrmakxtr, suti drtwrde nzwzngr kxmrlz-esz'ngr.

Taetus 3:8

Nzalvztrngr lc da angidr. Delc nayapwxtipx-zpwx-ngrbzmele mz kxnzlxngitilr Gct. Murde mz nzvz-nqblq-krdrle, na-alelr da kxmrlz. Nzalvztrngr lcng nzmyalzng x takitrde nzokatr-krdr leplz amrlx.