2 Timoti 1:9 - Natqgu9-10 X Nrpakxmrlz lc nide sele. Gct arlapxle x kqlele nigu nzngini-krgu doa kxnztr nedeng, mz nzvz-nqblq-krde me pnz drtwrde x zmrlz ngrde kxmyalz. A' trvzpxpuu mz da kx aleku. Murde mzli kc nrlc trnzwzka-ngrde, Gct pnzpe drtwrde kx Mevalu Jiszs Kxnzmcpx na-arlapxle nigu. X mz nzvzo-krmle mz nrlc, aovxiole zmatq ngr nzbzngr. X Nrpakxmrlz aelwapx-ngrde kxnamu nzprtrngr mz nzlungr kxboi. အခန်းကိုကြည့်ပါ။ |
Naglqlzku Gct kc tqkrlzle Nzatu-amqngingr nimu amrlx Mz nzlxngiti-krmu nrpa ngr Jiszs Kxnzmcpx kc tqyapwxtipxx. Nrpakxmrlz lcde yc-kapq pnz Mzli kc nrlc trnzwzka-ngrde. A' mzli ka sc tqaelwapxpengr Gct Kx suti drtwrde leplz amrlx. Na-arlapxle kxnzlxngitilr Kraes, Kxmule-esz' nidr lr Jiu o trtingr. Gct kc tqlu zvz kapxle natq Kx natqde kcng pnz na-atutrpeng. Da kcng tzyro-pnzlr profet mz Nzryrngrkxtr na-atutrng mzli ka. Murde leplz mz nrlc tulvzo Nalxngitilr Kraes mz nzmnc-krdr.
Mz nzmu-krde lcde, trpnzngr leplz kx natubq mz nzobqkr Gct mz nzvz-nqblq-krde natqdeng amrlx, murde rblxbz mz leplz amrlx nzale-zvz-krdrle. Loukxtr trngiu dalr nzatubqtingr leplz mz nzobq-krde, a' ngi dalr nzaelwapxngr kx leplz kcng trnzyatrpwzung mz nzvz-nqblq-krdrle takitrde nzayrplapxngr nidr murde nzaleng alwx.
X mzli ka abrtzlvz Gct nzaelwapx-krmle bagu drtwr kxmyapxbz kc tqyrlq-kaile mzli kc bqnc, tqyc-kapqbz mz kxnzlung amrlx krlzmle mzli ka. Kraes nide nou drtwr lc x atutrle. Murde mz nzkrlz-krbzle mzli kx mcpx Gct, Gct sa na-ayrlwr-lxblrle mz dzbede kxesz' kxnzlung amrlx mrkc Heven x mz nrlc ka, murde namnclzbzng mz Kraes kc nangi nardr.
Nim la Timoti, ninge Pol, aposol kc tqmcpx Mevalu Jiszs, mz nzvz-nqblq-krde natq Gct kc tqarlapxle nigu, ncdr Mevalu Jiszs kc tqbrti drtwrgu. Nzatwzlr-ngrdr ninge mz nzwztr-krbo badr. Apubo bam trtem angidr mz nzrlxngiti-krgi. X krka'-ngrne kx Gct Trtegu x Kxetu rgu Mevalu Jiszs nayc mz drtwrdr nim x naokatrlr nim mz zmrlz ngrdr kxmyalz x namnc-zpwxq.
A' nimu “nqvi kc tqmcpx Gct,” x “pris kcng tzwztrpzng mz King rgu” Jiszs. X ni-kzpu' “dzbede kxtr kc tzamnc-bekapx Gct,” murde nanginimu “angidr leplz ne Gct esz'-krde.” X kqlele nimu mz nzyapwxtipx-krbzmu mz leplz zmrlz ngrde kxmyalz. X kapxmle nimu mz zmatq ngr alwx, murde naprtramu mz nzkrlz-angidr-krmu nide.
Mrlx Kc Tqdrka'ngr tqmcq, lu mzli kc kai, a' trlupeu mzli ka, x mzli trnaboiu sa navzdzm mz gq kc trpnzngr noude. X sa nao-zlile lrpzki kx vztr mz nzodatingr nide. Lr nrlc kcng drtqdr tryclzpuu mz Buk ngr Nzlungr, yzuo pnz mzli kc Gct tqwz-ngrde nrlc, sa nakctipxlr Mrlx Kc Tqdrka'ngr tqlu mzli kc kai a' trlupeu mzli ka mz nzyzlu-kr-mople. Murde mz drtwrdr krlc ngi rkx kxmatq.”