2 Timoti 1:8 - Natqgu

⁸ Delc, bzkq mwxlrq nzpipx-krbzme Kxetu rgu mz leplz, x bzkq myangr drtqm nzmncpx-krmc mz presin mz nzwztr-krbo bade. A' narlrpx-lzbq-ngrn mz nzyapwxtipx-krm Nrpakxmrlz mz zmatq ngr Mqngrkxtr, kxmule-esz' drtqm nzaetqbz da kc tqwaix.

2 Timoti 1:8 ပူးပေါင်းရင်းမြစ်များ

Sam 119:46

X trtxpnzngr nzmyamikr naonge Nzpipx-krbo natqm mz kxnzetung.

Sam 19:7

Natq Yawe amrnale nzlukr nabz leplz mz nzmrlzvxi-krde. Akrlztrle kxnzngqngung murde trycngrlru.

Nrpakxmrlz Kx Yr Mak 8:38

Leplz ngr nrlc ka nidr kxdrka'-ngrng kcng trnzangiolru Gct. Krkcng tzpxtxpx-ngrdr ninge x natqngeng mz nzngini-krnge Mrlx Leplz, sa napxtxpx-kz-ngrne nidr mzli kc nayzlu-ngr-mopwc' mz nzvzmi-krmc enjrl kxnztrng mz zmatq ngr Trtenge.”

Nrpakxmrlz Kx Yr Luk 9:26

Doa kx pxtxpx-ngrde ninge x natqngeng mz nzngini-krnge Mrlx Leplz, sa napxtxpx-kz-ngrne nide mzli kc nayzlu-ngr-mopwc' mz zluli rnge x zluli r Trtenge x enjrl kxnztrng.

Nrpakxmrlz Kx Yr Jon 15:27

X mzli lcde, nayapwxtipxamu ninge, murde mnctrpa'mu bange abzo mz mzli kc ayrnrngr tqwz-ngrne mz nrlc.

Nrpakxmrlz Kx Yr Jon 19:35

Da lcng tqyapwxtibo ngi da angidr, murde mctx-angidrx. Delc tqpi-ngrbole bamu murde nalxngiti-kzamu Jiszs Kxnzmcpx.

Aposol 5:41

Aposol kcng nzdwaszlr Kansrl kc. Tzabrtzlvzlr nzrlr-krbz Gct badr nzetqkr drtqdr mz nzvz-nqblq-krdr Jiszs.

Nzryr-krbz Pol Mz Lr Rom 1:16

Glqpx-lzbq-ngrne Nrpakxmrlz, murde angidatile me pnz drtwrnge. Nrpakxmrlz lc tqngi nou zmatq ngr Gct mz nzarlapx-krde leplz amrlx kcng tzbrti zvz drtwrdr Jiszs mz nzlxngiti-krdr Nrpa lc. Lrpzki r nzarlapxngr lc navzki leplz amrlx, abzo mz lr Jiu x kxtrngiulrJiu kc ate.

Nzryr-krbz Pol Mz Lr Rom 16:25

Naglqlzku Gct kc tqkrlzle Nzatu-amqngingr nimu amrlx Mz nzlxngiti-krmu nrpa ngr Jiszs Kxnzmcpx kc tqyapwxtipxx. Nrpakxmrlz lcde yc-kapq pnz Mzli kc nrlc trnzwzka-ngrde. A' mzli ka sc tqaelwapxpengr Gct Kx suti drtwrde leplz amrlx. Na-arlapxle kxnzlxngitilr Kraes, Kxmule-esz' nidr lr Jiu o trtingr. Gct kc tqlu zvz kapxle natq Kx natqde kcng pnz na-atutrpeng. Da kcng tzyro-pnzlr profet mz Nzryrngrkxtr na-atutrng mzli ka. Murde leplz mz nrlc tulvzo Nalxngitilr Kraes mz nzmnc-krdr.

Nzryr-krbz Pol Mz Lr Rom 9:33

Da kc tqwai nzpikr Gct le mz Nzryrngrkxtr kx, “Obqmamu! Murde yrlqpex kc doa mrkc Jerusalem kx apule rplz kx nayrputrngr leplz, mz nzobqszo-krdr nide. X nide nou rplz kc tzpxtxpx-ngrdr. Kxmule-esz', a' doa kx lxngitile nide drtqde trnamyau mz nzbrtikr drtwrde nide.”

1 Korint 1:6

X nzrngisc-krmu zmatq lcng atutrle natqnge mz nzpipx-krbo bamu da kx na-alebz Kraes bamu.

2 Korint 6:7

Alvztr-ngrgr Nrpa ngr Kxnzmcpx mz zmatq ngr Gct x mz natq angidrng. X nztubq-krgr apule toki r vea mz mqgrng. Murde rblxbz mz leplz nzatrkati-krdr Nrpakxmrlz mz nzpipx-krdr kx nqmq krgr trka. X krlzkr nzaovxiongr leplz amrlx kcng tzrpilr narpwa'-ngrdr nzvzpxkr Nrpa lc.

Efiszs 3:1

Mevalu Jiszs yrlqle ninge nzyapwxtipx-krbo Nrpakxmrlz bamu, nimu kxtrngiulrJiu. X dekc tqmnc-ngrne mrka mz presin, murde alex da lc mz nzokatr-krnge nimu.

Efiszs 3:13

Mz nzmu-krde lcde, bzkq nabzmu talvzo mz nzetqkr drtqnge mz nzyapwxtipx-krbo Nrpakxmrlz bamu, nimu kxtrngiulrJiu. Murde da kx prtzm bange ngi dalr nzokatrngr nimu.

Efiszs 4:1

Lalztqmamu bange. Mncpxmc mz presin murde wztrpo mz Kxetu. Naxplrmibz natqnge mz nzpi-angidr-krbo bamu kx nqmq krmu x nzmnc-krmu natakitrde nzkqlekr Gct nimu mz nzngini-krmu doa nedeng.

Efiszs 4:17

Mz nzmu-krde lcde, pibo bamu mz drtq Kxetu rgu x mz nzngini-krnge aposol nede, kx bzkq apupeamu kxtrnzrlxngitiung, murde nzaoti zvz drtwrdr da kxmane x trpnzngr nrade.

Filipae 1:7

Nimu la tqyc zvz mz drtwrnge. X takitrde nzaoti-zvzkr drtwrnge lc nimu amrlx ngrmu. Murde nargu tutr-lxblrpe mz nzwzngr kxmrlz mzli ka tqmncpx-ngrmc mz presin, x mzli kc tqaxplrtr-ngrne Nrpakxmrlz mz nzalvztr-krnge.

Filipae 3:10

Suti drtwrnge kx nakrlzx nide x natwz-kzx zmatq kc tqtulz-mople nide mz nzbz-krde murde navz-nqblq-zvzx nide. Kxmule-esz' drtqnge etq x bzx, a' suti drtwrnge kx na-apu-zpwxx nide mz nzvz-nqblq-krnge me pnz drtwr Gct.

Filipae 4:13

Krlzx nzalengr da amrlx mz nzvz-nqblq-krde me pnz drtwr Gct, mz nzokatrkr Jiszs Kxnzmcpx.

Kolosia 1:11

X krka'-kz-ngrgr kx nzetukr zmatq ngr Gct na-axplr-zlwzle nzrlxngiti-krmu, kxmule-esz' da kx prtz, a' natu-amqngi-zvzamu mz nzabrtzngr.

Kolosia 1:24

Kxmule-esz' mncx mz presin, a' abrtztx-ngrne nzetqtr-krbz drtqnge. Murde drtqnge naetq kz mz nzkxpu-krngeng da kc tqwai Kraes, mz nzokatr-krnge nrkrdrtqde kc tqngi leplz nedeng.

1 Tesalonika 3:4

Murde pi-pnzbzkr ena bamu mzli kc tqmnc-ngrgu, kx leplz sa na-atrkatilr nimu kalr. X mzli ka da kc tqpi-ngrbzkrle sc tqtutrpe.

2 Timoti 1:12

X mzli ka, mz nzwztr-krnge lc mz Nrpakxmrlz, dekc tqaetqmle drtqnge x tqmncpx-ngrmc mz presin. A' trmya-ngru drtqnge. Murde krlzx Gct kc tqabrkitrx drtwrnge. X lxngitix kx sa nabatrple Nrpakxmrlz kc tqaprcmle bange nzryapwxtipx-zvzngr nakrlzbzle nzyzlu-krm Jiszs.

2 Timoti 1:16

A' abrtz-zlwz-ngrne Onesiforzs. Krlzpeq kxmu nzokatr-krde ninge mztea Efiszs. X mzli kc tqkaputr-ngrmle Rom, rtangrtile ninge, vz vz mzli kx rmcti-ngrde ninge. X trmya-ngru drtqde nzmncpx-krmc mz presin. A' okatr-zvzle ninge. X delc, mz nzkrka'-krnge, tqrlxti-ngrbo mz Kxetu rgu kx na-amrlzle lr ma nyzde mzli ka. X krka'-ngrne kx Kxetu rgu nayc mz drtwrde nide mzli kc nayzlu-ngrm Jiszs.

2 Timoti 2:3

Rlrpx-lzbqngr, da kc tqwaix, mz nzwztr-krbzki mz Mevalu Jiszs, kxmule-esz' drtqgi nzaetqbz.

2 Timoti 2:8

Delc, nayc-zvz-ngrde mz drtwrm Nrpakxmrlz lc tqyapwxtipxx mz nzwztr-krbo bade, kxmule-esz' nzaetqbz drtqm. Murde Jiszs Kxnzmcpx kc tqvzpxm mz nqvi lr King Devet, drtqde nzaetq-kaipz mz nzrnibqngr nide, a' tulz-mop mz nzbzngr.

2 Timoti 2:9

X drtqnge nzaetq-kzpz mz nzamyati-ngrm drtqnge x nzamncpx-krmlr ninge mz presin. X nzapusr-ngrdr ninge ncblo kx xpqbrlrngr lou murde lepxx Nrpakxmrlz. A' natq Gct rblx nzapqbrlvzngr mz presin.

2 Timoti 4:17

Murde Kxetu txpwz kx tum mz nibrnge x abrmle nelznge. Delc tqyapwxtipx-zpwx-ngrbo Nrpakxmrlz mz leplz amrlx kcng trngiulrJiu tzmncng mz kot. X Gct arlapxle ninge murde trnznibqkalr ninge.

2 Timoti 4:5

A' nim, kx Timoti, namnc-nrwx-ngrn mz da amrlx. Kxmule-esz' nzaetqbz drtqm, a' navz zvz mz nzale-krm nzwzngr kcng tqaprcbo bam. Ryapwxpxbz Nrpakxmrlz mz leplz kcng trnzlxngitikalr Jiszs, mz nzrlrpx-lzbq-krbzme mz Kxetu rgu, da kc tqwaix.

1 Pita 1:5

A' mzli ka mz nrlc ka, zmatq ngr Gct o-ngalelvzpele nimu murde abrtrpzmu drtwrmu bade mz nzarlapx-krde nimu. X sa na-aclve-angidrle nimu navz nakrlzbzle nzyzlu-krm Jiszs. X mzli lcde, sa na-aelwapx-ate-ngrbzle bamu da kxmrlzting amrlx lcng tzvzpxmqng mz nzarlapxpe-krde nimu.

1 Jon 4:14

Nigr aposol pipx-zvzbzkr mz leplz kx Gct Trte atwzlr-ngrmle Mrlxde mz nzarlapx-krde lr nrlc. Murde mc-angidrkr mz mzkr da lcng tqprtzting mzli kc.

Nzryrkr Jud 1:24

Naglqpxku Yawe, Gct kc esz'txu, kc tqarlapxle nigu mz Kxetu rgu Jiszs Kxnzmcpx. Nide kc tqlolvz-amqngile nigu, murde ma tqtaoku mz alwx. X alqngile nabzgu, murde na-abrtz-ngrgu nztubq-krgu mzli kc tqvzmi-ngrde nigu mz nztutr-krbzku mz mzte, mz zluli rde Heven. Murde sc tqtakitrde nzangiongr, tqmyalz-esz'ngr, tqxplr-esz'ngr, x tqmatq-esz'ngr, da kc tqwai-pnzle mz noude, krlzmle mzli ka, x kxnamu-zvzpele lc, tqyc tqyc. Eu, angida. Delape. Ninge Jud.

Nzaelwapxngr 1:2

Mz nzmu-krde lcde, sc tqyropex da amrlx kcng tqmcxng x tqxlrxng. Krlcng natq Gct x nrpa angidr ngr Jiszs Kxnzmcpx.

Nzaelwapxngr 1:9

Ninge Jon, x prtrku mz dzbede kc esz' mz nztu-amqngi-krgu kxmule-esz' nzaetqbz drtqgu murde mnclzbzku mz Jiszs mz nzngini-krde King rgu. Nzadwatrlr ninge presin mz trmctu Patmos, murde yapwxtipx-zvzx natq Gct x Nrpa ngr Jiszs.

Nzaelwapxngr 19:10

Zbz ninge kc tqrweopebo zpr mz enjrl lc, a' rpimle bange kx, “Bzkq! Angio txpwz Gct! Murde wztr-kzpo bade Gct, apu-kzx nim x kztemqng kcng tzabrtr-zvzbzlr drtwrdr mz Nrpa ngr Jiszs Kxnzmcpx. X nrpa lc tqngi nou da amrlx kcng tzpipxlr profet.”