2 Timoti 1:3 - Natqgu

³ Wztrpo mz Gct mz nabz kxtubq, da kc tzwai melrmqngeng. X mzli kang kqlu krka'-ngrne nim, x awi-zvz-ngrbo bade.

2 Timoti 1:3 ပူးပေါင်းရင်းမြစ်များ

Nrpakxmrlz Kx Yr Luk 2:37

Yiz ngrde nzpnu-rtqmz-nrade-pwx (84). X olvz lc vz zvz mz Mangr-nzangiongr. X mzli kang kqlu, nzangio-krde Gct vzmi nzaxtx-krbzle dakxnzng mz nzkrka'-krde.

Aposol 22:3

Rpibzle kx, “Ninge kzdq lr Jiu, x mzke' nzmc Taszs, taon kxetu ngr provins kc Silisia. Nzabutinge mrka Jerusalem. Siklutrpo mz Gamaliel x nzalvztrp bange nzrma-nqblq-angidrngr Lou sc melrmqgung. Mz nzmu-krde lc, drtwrnge pqtr-zlwzbz mz Gct, da kc tqwai nimu amrlx mzbq ka.

Aposol 23:1

Pol mzte tutxpwz mz ncblo kcng tzprtrng mz Kansrl, sc tqrpipebzle badr kx, “Mzlengeng! Narnge opx angidr mz da amrlx kx alepex mz nzwztr-ngrbz mz Gct.”

Aposol 24:14

A' naplzpxbo da lc. Angiox Gct ngr melrmqgrng mz nzvz-nqblq-krnge ‘Lrpzki r Kxetu.’ A' tzrpilr kx dzbede lc nzvz-rbrng. A' lxngiti-kzx da kcng amrlx tzyro mz buk ngr Lou x Profet.

Aposol 24:16

Mz nzmu-krde lcde, nabztq-ngrde etum bange kx narnge naopx-zvzbz mz Gct x leplz.

Aposol 26:4

“Lr Jiu amrlx nzkrlzlr nqmq krnge, vzne-pnzm mzli kc tqoblabe-ngrne. Mnckr badr mrnyznge, x mnc-kzkr badr Jerusalem.

Aposol 27:23

Murde kau Gct kc tqngi nede ninge x tqangiox, enjrl nede vzm bange.

Nzryr-krbz Pol Mz Lr Rom 9:1

Mzli kang kqlu drtqnge etq zlwz x drtwrnge vztx-ngrde kxnginingeng, lr Jiu, mz nzpxtxpx-krdr Kraes. Pibo da lc bamu x krlzamu kx ngi da angidr murde nede ninge Kraes. X Mqngrkxtr ncdr nzao-krnge drtwrnge, nzpimlr mz nabznge kx trpokiawxu.

2 Korint 1:12

Krlz-angidrx mz nabznge kx nqmq krnge mz nzmnc-krgr badr leplz mrlz x tubq, myapxbz mz nzmnc-krgu. X abrtzlvzx da lc. Murde trvzpxpuu mz nzyrplapxkr leplz, a' vzpxm mz zmrlz ngr Gct kc tqokatrle ninge.

Galesia 1:14

X myaszpxx nrpr kztengeng mz nzpqlz-krmle mz nabznge nzalvztrkr melrmqgrng.

1 Tesalonika 3:10

X nzkrka'-krgr pq zvz, ngrlx x nrlckxbq. Krka'-ngrgr kx namc-moukr nimu x na-alvztr-ngrbzkr bamu da amrlx kcng tqmrbrpxm mz nzrkrlz-krmu nzrlxngiti-krgu.

1 Timoti 1:19

X nalolvz-amqngi-zvzq nzrlxngiti-krm, x nabzm nalqngi. Murde krkcng tzpxtxpx-ngrdrng nzrlxngiti-krdr yrkrpxpebz.

1 Timoti 1:5

Timoti, suti drtwrnge kx nivz navzpxm mz nzalvztr-krgi, murde nabz leplz neging natubq, nqmq nr drtwrdr trnavz-rbru, x nzrlxngiti-krdr natu-amqngi mz nzmrlzti-lzbq-krdr.

1 Timoti 5:5

Olvz kxnzabzong kcng trpnzngr kxnginidr nzabrtr-txpwzlr drtwrdr mz Gct. X vz zvz nzrlxti-krbzlr nzokatr-krde nidr, x mz nzkrka'-krdr leplz.

2 Timoti 1:5

Krlz-angidrx kx lxngiti-zpwxq Kxetu rgu. Murde blrkqm Lois x lxem Yunis, nzalvztr-ngrdr nim, mz nzlxngiti-krm Jiszs Kxnzmcpx. X krlz-kzx kx nzrlxngiti-krm sc tqxplrpe krlzmle mzli ka.

2 Timoti 3:15

Abzo mzli kc tqtopwzbe-ngrn, krlz-zpwxq Nzryrngrkxtr. X zmatq ngrde alvztrpele nim kx nabrti drtwrm Mevalu Jiszs mz nzarlapx-krde nim.

Hibru 13:8

Jiszs Kxnzmcpx nqmq krde kc pnz, sc tqvzbe mzli ka, x tqvzpe tqvzpe. Murde trpengr nztekqtr-krde nqmq krde.