2 Tesalonika 3:16 - Natqgu

¹⁶ Krka'-ngrgr kx Kxetu r Nrwx namncbz bamu x naka-zvzbzle bamu nrwx, murde namnc-zpwxamu.

2 Tesalonika 3:16 ပူးပေါင်းရင်းမြစ်များ

Sam 29:11

X mz zmatq lc axplrle nigu leplz nedeng Murde namnc-zpwxku.

Sam 46:11

Yawe kc tqrninr mncpem bagu, X nide lrpalvc nyzgu.

Sam 46:7

Yawe nide ngrlrvea ngrgu, X nide lrpalvc nyzgu.

Sam 72:3

X nigr amrlx sa namnc-zpwxkr, Mz nzmnclz-krbzkr mz nztubqkr nzaclvekr king rgr.

Sam 72:7

Mzli kc tqngini-ngrde king nztubqngr naetunepx mz nrlc, X nzmnc-zpwxkr leplz navz zvz da kc tqwai nzyzlr-zvzkr temz.

Matiu 1:23

“Kzdq doa olvz kxmnc-kamelr, narngine doa ncblo, x drtqde narpibz Imanuel,” kc drtwr ngrde Gct mncm bagu.

Matiu 28:20

X alvztramu nidr mz nzvz-nqblq-krdr natq amrlx kcng tqkabo bamu. X sa namnc-zvzbo bamu mz nzokatr-krnge nimu, navz nakrlzbzle mzli kc tqmcpx Trte nayzlu-ngr-mopc'.”

Nrpakxmrlz Kx Yr Luk 2:14

Nzrpilr kx, “Takitrde nzamatqngr Gct kc tqmnc Heven kc tqyctxlz. X mz nrlc, nzmnc-zpwxngr sa naycbz mz leplz kcng tqabrtzlvzleng!”

Nrpakxmrlz Kx Yr Jon 14:27

“Amnqlvz-ngrne nimu nzmnc-zpwxngr kc tqycm bange. Murde nzmnc-zpwxngr kc tqkabo bamu, trapuleu nzmnc-zpwxngr mz nrlc, a' yc-amqngi zvz. Bzkq nelzmu taprlzm x ayo, x bzkq mwxlramu.

Nrpakxmrlz Kx Yr Jon 16:33

Krlc tqpipx-pnz-ngrbo da lcng bamu, murde nabzmu naycngr nrwx, mz nzaxvctr-lzbq-krmamu bange. Kxmule-esz' lr nrlc sa na-atrkatilr nimu, a' bzkq mwxlramu, murde odatipex zmatq ngr Setzn mz nrlc.”

Nzryr-krbz Pol Mz Lr Rom 1:7

Mz nzmu-krde lcde, tqryr-ngrbo bamu, nimu amrlx kcng tzmncng Rom, tqmrlzti Gct nimu x tqkqlele nimu mz nzngini-krmu leplz kxnztr nedeng. X krka'-ngrne kx Gct Trtegu badr Kxetu rgu Jiszs Kxnzmcpx naokatrlr nimu x na-amnc-zpwxlr nimu.

Nzryr-krbz Pol Mz Lr Rom 15:33

Krka'-ngrne kx Gct kc tqngi nou nzmnc-zpwxngr, namncbz bamu amrlx ngrmu. Eu, angida.

Nzryr-krbz Pol Mz Lr Rom 16:20

Murde ycpe pipz Gct kc tqngi nou nzmnc-zpwxngr, nzodati-krde zmatq ngr Setzn, mz nzokatr-krde nzaovxio-krmu leplz kcng tzrpilr na-akipxlr nimu. Krka'-ngrne kx Kxetu rgu Jiszs Kxnzmcpx naokatr-zvzle nimu mz zmrlz ngrde kxmyalz. Eu, angida.

1 Korint 14:33

Murde mz dzbe lrmakxtr amrlx nyz Gct, trsutiu drtwrde lrmakxtr nzale-krdr da kx tropxu mz nzrkrlzkr leplz. A' suti drtwrde kx da amrlx namwitr-lxblrng mz nrwx.

2 Korint 13:11

Mzli ka, kx mzlengeng x inwengeng, naelalz-ngrm drtwrmu Kxetu. X nzrlxngiti-krmu nabr mz nzvz-nqblq-krmu natqngeng, mz nzesz'tikr drtwrmu, x mz nzmnc-zpwx-lxblr-krmu. Murde mz nzale-krmu da lcng, Gct kc tqrkam nivz x nzmnc-zpwxngr, sa namnc mz mzlirmu.

Efiszs 6:23

Krka'-ngrne kx Trtegu Gct x Kxetu rgu Jiszs Kxnzmcpx na-amnc-zpwxlr nimu badr mz nrwx. X nabatrpzlr nzmrlzti-lzbq-krmu x nzbrti-zvzkr drtwrmu Kraes.

1 Tesalonika 3:11

Krka'ngr mz nzrpi-krgr kx, “Gct Trtegr x Kxetu rgr Jiszs, rlxtibzkr bamu naoliqtipxbzmu lrpzki kc nakrlz-ngrbzkr lr Tesalonika.

1 Tesalonika 5:23

Nzkrka'-krgr nimu nide sele: “Gct, nim kc tqrkam bagr nzmnc-zpwxngr. Krka'-ngrgr kx na-atrq nidr mz da amrlx. Murde nztubq-krdr mz mqngrdr, nabzdr, x nrkrdrtqdr navz nakrlzbzle nzyzlu-krm Kxetu rgr Jiszs Kxnzmcpx.

2 Tesalonika 3:18

Krka'-ngrgr kx Kxetu rgu Jiszs Kxnzmcpx naokatrle nimu amrlx ngrmu mz zmrlz ngrde kxmyalz. Delape. Ninge Pol, nigr badr Saelas x Timoti.

2 Timoti 4:22

Krka'-ngrne kx Kxetu rgu namnc zvz mz nabzm. X naokatrle nimu amrlx mz zmrlz ngrde kxmyalz. Eu, angida. Delape. Ninge Pol.

Filimon 1:25

Krka'-ngrne kx zmrlzkxmyalz ngr Kxetu rgu, Jiszs Kxnzmcpx, nayc zvz mz nabzmu. Delape. Ninge Pol.

Hibru 13:20

Krka'-ngrne kx Gct kc tqngi nou nzmnc-zpwxngr nakabzle bamu da amrlx kcng trpnzngr bamu mz nzale-krmu me pnz drtwrde. X nabatrpzle bamu nzaelalz-krmamu drtwrde, mz nzokatrkr Jiszs Kxnzmcpx. Murde Gct yrlqpele Nzesz'tikr Drtwr Kc Ate tqyc tqyc, mz nzyrlekr mepyr ngr Kxetu rgu Jiszs. X atulz-mople nide mz nzbzngr, murde nanginide Kxaclve Sip Kxmyapxbz. X nzrglqlzngr Mevalu Jiszs navz zvz. Eu, angida.

Hibru 7:2

Mzli lc Ebraam kabzle mz Melkesidek da kranzpnu ngr da amrlx kcng tqtwztimleng mrkcng tqaovxioleng. Drtq lc Melkesidek drtwr ngrde ‘King Kx Tubq-esz'ngr.’ X mz nzngini-krde King r Salem, drtwr ngrde kx ni-kzde ‘King r Nrwx.’ Murde Salem drtwr ngrde ‘nrwx.’

Rut 2:4

Mz nourla lcdepwz, Boas rkalzm Betleem x kaputrpz mz lclr bali nyzde. X sc tqrpipebzle mz kxnzawz nedeng amrlx kx, “Nimu la.” X nzayzlu-ngrbzlr natqde kx, “Nim la.” X rpi-mopwzle kx, “Rlxtibo mz Yawe kx naokatrle nimu.” X nzrpi-kzpzlr kx, “X nim kz!”