2 Tesalonika 1:3 - Natqgu

³ Mzlegrng x inwegrng, takitrde nzawi-zvz-krbzkr mz Gct nimu. Murde nzrlxngiti-krmu sc tqetunepx zvz, x nzmrlzti-lzbq-krmu sc tqatunedz.

2 Tesalonika 1:3 ပူးပေါင်းရင်းမြစ်များ

Sam 84:7

X mz nzesotr-krdr Jerusalem nzxplr-krdr sa naetunepx, Murde ycpe pipz nzkrlz-krbzlr Newz Saeon mz nzangio-krdr nim. X nim Gct rgr kxmyaszlzle krkcng tzmncng mzlilxlr amrlx Tzangiolr lr mrkzbleng.

Nrpakxmrlz Kx Yr Luk 15:32

A' na-aleku kzdq nzmungr x na-abrtzku, murde mzlem apule kx bzszpele nigi, a' mzli ka lupe mou. Mrbrpe, a' mzli ka dcpxpe-mop.’”

Nrpakxmrlz Kx Yr Luk 17:5

Aposol kcng nzkrlzlr kx trnzkrlzlzpwzlru nzipqngr leplz mz nzvz-nqblq-krdr natqde lc, sc tzrpipebzlr mz Kxetu kx, “Aetubz nzrlxngiti-krgr.”

Nrpakxmrlz Kx Yr Jon 15:2

Lakitxpx-atwrnr-ngrdeng nrlangeng amrlx kcng trpnzngr nradr. X nrlangeng kcng nradr tqycbz lvxoleng murde nado zlwz.

Nzryr-krbz Pol Mz Lr Rom 1:8

Mz nzyzutrkr letz lc, napi-kaipo bamu kx awi-ngrbo mz Gct nimu amrlx, murde nrpa ngr nzbrtikr drtwrmu Jiszs Kxnzmcpx krlzpele mrkang kqlu mz nrlc tulvzo.

1 Korint 1:4

Awi-zvzbo mz Gct, murde kabzle bamu zmrlz ngrde kxmyalz mz nzaxvctr-krbzmu mz Mevalu Jiszs.

2 Korint 10:15

Trglqpx-lzbq-ngrgru nzwzngr kx nzale kzdung kz leplz, da kc tzwailr. A' obqtipxkr mzli kc nabrpengr nzrlxngiti-krmu, murde mzli lc nakrlzamu nzokatr-krmu nigr mz nzvzpx-krgr mrkang kqlu mz nzyapwxtipx-mou-krgr Nrpakxmrlz.

Efiszs 5:20

X awi-zvz-ngrbzmu da amrlx mz Trtegu Gct, mz nzngini-krmu leplz neng Kxetu rgu Jiszs Kxnzmcpx.

Filipae 1:7

Nimu la tqyc zvz mz drtwrnge. X takitrde nzaoti-zvzkr drtwrnge lc nimu amrlx ngrmu. Murde nargu tutr-lxblrpe mz nzwzngr kxmrlz mzli ka tqmncpx-ngrmc mz presin, x mzli kc tqaxplrtr-ngrne Nrpakxmrlz mz nzalvztr-krnge.

Filipae 1:9

X krka'-ngrne nimu, kx nivz lrmu naetunepx zvz, mz nzkrlz-angidr-krmu Gct x nzabrtzlvz-krmu da kxtubq.

1 Tesalonika 3:12

X krka'-kz-ngrgr kx na-aetunepxbzmu nivz lrdr mz nzmrlzti-lzbq-krdr x nzmrlzti-krdr leplz amrlx, x namrlztilr leplz da kc tqwai nzmrlzti-krgr nidr.

1 Tesalonika 3:6

A' mzli ka Timoti yzlupe-mop bagr x lemle bagr nrpa ngr nzrlxngiti-krmu x nivz lrmu. Pimle bagr kx dcpx zvz mz drtwrmu nigr x sutitx zlwz drtwrmu nzmc-krmu nigr, da kc tqwai-kzkr nzsutikr drtwrgr nzmc-krgr nimu.

1 Tesalonika 3:9

X rblxm bagr nzpipx-krgr natq ngr nzawi-krbzkr mz Gct mz nzetukr nzabrtzlvz-krgr nimu.

1 Tesalonika 4:1

Mzlegrng x inwegrng, alvztrpekr nimu mz nzmncngr kxtubq, murde na-aelalz-ngrm drtwr Gct, x sc tqvz-nqblqpeamu. X mzli ka rngidrtx-zlwz-ngrbzkr bamu mz zmatq ngr Kxetu rgu Jiszs, kx nzmnc-krmu lc tqtubq navz zvz x naetunepx.

2 Tesalonika 2:1

Mzlegrng x inwegrng, rpikr napi-mopwzkr du dalr mzli kc nayzlu-ngrm Kxetu rgu Jiszs Kxnzmcpx, x mzli kc nayrlwr-lxblr-ngrgu badr.

2 Tesalonika 2:13

Mzlegrng x inwegrng, Gct mrlztile nimu. X abzo mzli kc tzwzngr nrlc, mcpxle nimu murde na-arlapxle nimu kalr. X arlapxle nimu murde lxngitiamu nzalvztrngr angidr x Mqngrkxtr atrle nimu. Mz nzmu-krde lcde, takitrde na-awi-zvz-ngrbzkr bade nimu.

1 Pita 1:22

Mz nzlxngiti-krmu Nrpa Angidr, katxpxbzle da amrlx kcng tzrpwa'-ngrdr nzmrlzti-lzbq-krmu mz nzapupe-krmu mzle-lzbqng x ile-lzbqng. X mzli ka, na-aelwapx-zvz-ngrbzmu nivz angidr lc mz kztemung mz nabzmu atwrnrngr.

2 Pita 1:13

Murde Kxetu rgu Jiszs Kxnzmcpx aopx-angidrmle bange kx nzmnc-krnge mz nrlc ycpe pipz nzyrkrpx-krde. Delc, mrlzvxitx nzpi-mou-krboleng bamu, mzli ka tqlube-ngrne mz nrkrdrtqnge, kc tqapule matelq nyznge mz nzmnc-krnge mz nrlc.

2 Pita 3:18

A' navz zvz nzmnc-aepztr-krbzmu mz Kxetu Mevalu rgu Jiszs Kxnzmcpx. X narlr-zvz-ngrbzmu nzokatr-krde nimu mz zmrlz ngrde kxmyalz. Naglqlzku nide mzli ka tqvzpe tqvzpe. Eu, angida. Delape. Ninge Pita.