2 Pita 3:5 - Natqgu

⁵ A' leplz lcng mrbrtr mz drtwrdr da kc tqprtz mzli kc bqnc. Murde mzli lcde Gct tqycmnetx-ngrpwzle x bongavz ncdr nrlc sc tzycpeng. X mz natqde wznedz-ngrmle drtc' me boongr prla, murde prla nayc-ngale-ngrde drtc'.

2 Pita 3:5 ပူးပေါင်းရင်းမြစ်များ

Sam 136:6

Aodu-zvzle nigu. Wznedz-ngrmle drtc' Me boongr prla. Aodu-zvzle nigu.

Sam 24:2

Murde nide Kxrpalz kc tqwz-ngrde nrlc, X yrlqbzle prla x drtc' mz zmatq ngrde.

Sam 33:6

Yawe wz-ngrde bongavz mz natq kx kapxle, X nepi, temz, x vri amrlx mz nzycmne-krde.

Nzryr-krbz Pol Mz Lr Rom 1:28

Zbz Gct sc tqaprcpebzle badr mz zmatq ngr drtwr kxtrka mz nzrtrngzti-zvz-krbzlr da kx trtakitrpleu nzalekr leplz le. Murde aoti drtwrdr kx trtakitrpedeu nzlxngiti-krdr nide.

Kolosia 1:17

Doa x da amrlx nzwz-atengr, a' Jiszs mnc pnz kai, x da amrlx lolvz lxblr zmatq ngrde.

Hibru 11:3

X mz nzbrtikr drtwrgu Gct, dekc tqkrlzpe-ngrgu kx wz-ngrde mz natqde nrlc atwrnrngr, vzmi nepi, temz x vring. Drtwr ngrde kx Gct wz-ngrde da lcng amrlx tqmcku mz natqde kx trnzmcu.