2 Pita 2:8 - Natqgu

⁸ X nabzde talvzo zlwz mz zbq kang kqlu tqmnc-ngrbzle mz mzlirdr. Murde mcle x xlrle nzxpqbrlr-zvz-krdr lou scng Gct.

2 Pita 2:8 ပူးပေါင်းရင်းမြစ်များ

Sam 119:136

Trtakitrdeu nzrnzlvzongr Loukxtr scm. X yrnitx-zlwz-ngrne alwx ngrdr lc.

Sam 119:139

Zngya ngr drtwrnge apule nyr kc tqngc, Murde enqmi rngeng mrbrtr mz drtwrdr Nzryrngrkxtr.

Sam 119:158

Pxtxpx-ngrne kx drtwrdr litrpz bam, Murde trnzlxngitilru da kxtubq mz nzobq-krm.

Hibru 11:4

Ebol, mz nzbrtikr drtwrde Gct, dekc blz kc tqkabzle mz Gct tqmyaszpx-ngrde blz kc tqkabz Ken, kc trbrtiu drtwrde nide. X nzbrkr drtwrde atubqtile nide mz nzobqkr Gct, dekc tqabrtzlvz-ngrde animol kc tqkabz Ebol bade. Ebol alvztr-ngrde leplz kxmu nzbrtikr drtwrdr Gct krlzmle mzli ka, kxmule-esz' bzpe.

Jemes 5:16

Mz nzmu-krde lcde, plzpxbzmu alwx ngrmung mz kztemung, x krka'-lzbq-ngrnamu, murde namrlz-mouamu. Murde nzkrka'kr doa kxtubqbz mz nzobqkr Gct matq-esz'ngr x ngidati kz.