2 Pita 1:13 - Natqgu

^13-14 Murde Kxetu rgu Jiszs Kxnzmcpx aopx-angidrmle bange kx nzmnc-krnge mz nrlc ycpe pipz nzyrkrpx-krde. Delc, mrlzvxitx nzpi-mou-krboleng bamu, mzli ka tqlube-ngrne mz nrkrdrtqnge, kc tqapule matelq nyznge mz nzmnc-krnge mz nrlc.

2 Pita 1:13 ပူးပေါင်းရင်းမြစ်များ

2 Korint 5:8

X trmwxlrtikru nzbzngr, murde mz drtwrgr nzmnctr-krbzku mz Kxetu Heven myaszpxle nzmnc-krgr mrka.

Filipae 1:7

Nimu la tqyc zvz mz drtwrnge. X takitrde nzaoti-zvzkr drtwrnge lc nimu amrlx ngrmu. Murde nargu tutr-lxblrpe mz nzwzngr kxmrlz mzli ka tqmncpx-ngrmc mz presin, x mzli kc tqaxplrtr-ngrne Nrpakxmrlz mz nzalvztr-krnge.

Filipae 3:10

Suti drtwrnge kx nakrlzx nide x natwz-kzx zmatq kc tqtulz-mople nide mz nzbz-krde murde navz-nqblq-zvzx nide. Kxmule-esz' drtqnge etq x bzx, a' suti drtwrnge kx na-apu-zpwxx nide mz nzvz-nqblq-krnge me pnz drtwr Gct.

2 Timoti 1:6

A' mzli ka nadcpx mz drtwrm mzli kc tqyrlqo-ngrbo mqnge bam, x Gct avzomle bam zmatq ngr Mqngrkxtr mz nzwztr-krbzme bade. X drtwrm napqtr zvz mz nzwz-nqblq-krm zmatq lc.

Hibru 13:3

Okatramu x krka'-ngrnamu kxnzmncng mz presin x kx drtqdr etq, na-apule kx mncamu badr x drtqmu etq lxblr badr, myapxbz kxnzrlxngiting.

2 Pita 1:12

Kxmule-esz' krlzpeamu x lolvz-amqngipe-kzamu da amrlx lcng tzalvztr-ngrmu, a' sa navz zvz mz nzadcpx-krboleng mz drtwrmu, murde nayc zvz.

2 Pita 3:1

Mzlengeng x inwengeng, mz letz lcng li tqyrbo bamu, tqadcpx-mopwo kzdung da kx krlz-angidrpeamu, murde nzaotikr drtwrmu leng natubq.