2 Korint 1:1 - Natqgu

¹ Ninge Pol kc tqkqle Jiszs Kxnzmcpx mz nzngini-krnge aposol nede mz nzvz-nqblq-krde me pnz drtwr Gct. Nigr ncdr mzlegu Timoti rpibzkr bamu kx, “Nimu la!” Ryrbo bamu, nimu lr makxtr ne Gct kx nzmncng mz taon kxetu Korint, x kxnzrlxngiting kc-kzng mz provins kc Akaia.

2 Korint 1:1 ပူးပေါင်းရင်းမြစ်များ

Aposol 16:1

Pol mz Saelas nzvzmqng mz taon kc Drbi. Zbz sc tzvzpe-kzng mz taon kc Listra. Kzdq kc ncblo ne Jiszs mnc elr, drtqde Timoti. Lxede ngi kzdq lr Jiu kx lxngitile Jiszs. A' trtede trngiulrJiu.

Nzryr-krbz Pol Mz Lr Rom 15:26

Murde dzbe lrmakxtr ngr provins kcng Masedonia x Akaia nzabrtz-ngrdr nzrkapx-krdr trau kx naokatrngr nra-nzlungr lrmakxtr kcng Jerusalem, mz nzodutr-lxblr-krdr badr.

Nzryr-krbz Pol Mz Lr Rom 16:21

Kzdung lrmakxtr kcng mrka nzrpi-kzpzlr bamu, “Nimu la.” Kzdung nidr seleng, Timoti kc tqwzkr ncdr. X Lusias, Jeszn x Sospata, mrlx lcng nigr badr lr Jiu.

Nzryr-krbz Pol Mz Lr Rom 16:5

X kztenge Epenetzs. Nide kx lxngiti-kaile Kraes mz provins kc Esia.

1 Korint 10:32

Bzkq atrkatiamu drtwr lr Jiu o kxtrnzrlxngitiung, murde ma tzpxtxpx-ngrdr Nrpakxmrlz. X bzkq atrkati-kzamu drtwr kztemung lrmakxtr kxnzrlxngiting.

1 Korint 16:10

Mzli kc Timoti nakrlz-ngrbzle nimu, abrtzlvzamu nzvz-krmle x aclve-angidramu nide. Murde wzkr badr mz nzwzkr Gct, x takitrde nzamatq-krmu nide mz nzngini-kz-krde kxetu mz lrmakxtr.

1 Korint 16:15

Mzlengeng x inwengeng, abrtztx-ngrnge nzvz-krm Stifanas, Fortunatzs, x Akaekzs, mz nzkrlz-krmlr ninge. Murde nzapqtrplr drtwrnge, da kc tzwai-zvzlr mz nzapqtr-krbzlr drtwrmu. X mrlzm bange nzxlr-krnge nrpa scmung. A' mzli ka, mz nztwz-krbzlr letz scnge bamu, rngidrlvz-ngrbo bamu kx na-amatqamu ncblo kxnzmulr lcng. Nadcpx mz drtwrmu kx Stifanas badr lr ma nyzde, nidr kx nzrlxngiti-ayrnrng mz provins kc Akaia. X nzrlrpx-lzbqng mz nzokatr-krdr leplz neng Gct. Namnclzbzmu mz zmatq ngrdr badr kztedrng kcng tzaclveng badr.

1 Korint 16:24

Mrlztix nimu amrlx mz nzaxvctr-krbzku mz Jiszs Kxnzmcpx. Delape. Ninge Pol.

1 Korint 6:11

Mzli kc ena kzdung nimu kxnzmulr lcng. A' mzli ka trtakitrpedeu nzale-krmu da lcng. Murde Gct ipqpele nimu mz nzkatx-krde alwx ngrmung. X kqlepele nimu mz nzngini-krmu leplz nedeng kxnztrng. X atubqtipele nimu mz nzobq-krde mz nzaxvctr-krbzmu mz Kxetu rgu Jiszs Kxnzmcpx mz zmatq ngr Mqngrkxtr.

2 Korint 1:19

Murde vz-nqblq-zvzx Jiszs Kxnzmcpx, Mrlx Gct, x nigr badr Saelas x Timoti yapwxtipxbzkr nide bamu. X Jiszs trpnzngr nzrpi-krmle bagu kx, “Eu” x “Trtingr” mz mzli lcpwz, a' atutr-zvzle natq Gct mz nzmnc-krde.

2 Korint 1:23

X ni-kzde Gct kx krlzle kx trpokiawxu. A' tekqtrx drtwrnge mz nzoklati-krbo nimu nzwrde krali, murde ma tqpnanati-moux nimu mz alwx ngrmung.

2 Korint 11:10

X pi-zvzbo da angidr bamu, da kc tqwai Kxnzmcpx. Murde tr-rlxpou da bamu, nimu lr Akaia Provins, murde ma tzrpi leplz kx pokia-ngrne nzglqpx-lzbq-krnge nzwztr-nrbalq-krbo bamu.

Galesia 1:1

Ninge Pol, ryrbo bamu, nimu kcng tznginidr leplz neng Gct, tzmncng Galesia Provins. Nigr badr mzlegung kcng tzmncng mrka, rpibzkr bamu kx, “Nimu la.” Ninge aposol murde Jiszs Kxnzmcpx nidr mz Gct Trte kc tqatulzmle nide mz nzbzngr, nzmcpxlr ninge. Delc zmatq rnge mz nzaclve-krnge lrmakxtr trvzpxpuu mz leplz.

Galesia 3:26

Mzli ka kxmule-esz' trnginipuu lr Jiu, a' nimu kz doa kxnztopwzng ne Gct, murde lxngitiamu Mevalu Jiszs nzarlapx-krde nimu.

Efiszs 1:1

Ninge Pol kc tqmcpx Gct mz nzngini-krnge aposol ne Mevalu Jiszs. Ryrbo bamu leplz kxnztr neng Gct kcng tzmncng Efiszs, x tzvz-nqblq-angidrlr Mevalu Jiszs.

Filipae 1:1

Ninge Pol, nigr ncdr Timoti, kxnzawz-nrbalqng ne Mevalu Jiszs. Ryrbzkr bamu, nimu leplz kxnztrng ne Gct amrlx kx nzaxvctrpzng mz Mevalu Jiszs. Nimu kcng tzmncng mz taon Filipae, badr kxnzaclvelr nimu x kxnzaclveng dalr makxtr.

1 Tesalonika 1:1

Ninge Pol, nigr ncdr Saelas x Timoti. Ryrbzkr bamu, nimu leplz neng Gct Trte x Kxetu rgu Jiszs Kxnzmcpx, kcng tzmncng taon Tesalonika. Krka'-ngrgr kx Gct naokatrle nimu mz zmrlz ngrde kxmyalz x namnc-zpwxamu.

1 Tesalonika 3:2

x na-atwzlr-ngrbzkr Timoti bamu. Nide mzlegr kx wzkr badr mz nzwztr-krbzkr Gct. Okatrle nigr mz nzyapwxtipx-krbzle Nrpa ngr Kraes. X atwzlr-ngrbzkr nide murde na-axplrle nimu x na-apqtrpzle nabzmu. Murde ma nzrlxngiti-krmu tqrnrc mz nzkxpungr kcng tqprtzmqng bamu mzli ka. Murde krlzpeamu kx da kxmule lcng naprtzmqng bagu.

2 Tesalonika 1:1

Ninge Pol, nigr badr Saelas x Timoti. Ryrbzkr bamu, nimu leplz neng Gct Trtegu, x Kxetu rgu Jiszs Kxnzmcpx, kc tzmncng mz taon Tesalonika.

1 Timoti 1:1

Nim la Timoti, ninge Pol, aposol kc tqmcpx Mevalu Jiszs, mz nzvz-nqblq-krde natq Gct kc tqarlapxle nigu, ncdr Mevalu Jiszs kc tqbrti drtwrgu. Nzatwzlr-ngrdr ninge mz nzwztr-krbo badr. Apubo bam trtem angidr mz nzrlxngiti-krgi. X krka'-ngrne kx Gct Trtegu x Kxetu rgu Mevalu Jiszs nayc mz drtwrdr nim x naokatrlr nim mz zmrlz ngrdr kxmyalz x namnc-zpwxq.

2 Timoti 1:1

Nim la Timoti. Ninge Pol, aposol ne Mevalu Jiszs. X mcpx Gct ninge mz nzyapwxtipx-krnge nzlungr kxboi kc tqesalz-ngrbzle mz leplz kcng tzlxngitilr Mevalu Jiszs.

Taetus 1:1

Nim la Taetus. Ninge Pol. Wztrpo mz Gct x ninge aposol ne Jiszs Kxnzmcpx, murde nzwz-krnge na-aetunepxle nzrlxngitikr leplz ne Gct kcng tqmcpxleng. X nayokaetipxbo nzalvztrngr angidrng, mz nzokatr-krnge nidr mz nzvz-nqblq-krdr me pnz drtwr Gct.

Filimon 1:1

Nim la Filimon. Ninge Pol. Ninge ka tqmncx mz presin mz mzteadau Rom murde yapwxtipxbo nrpa ngr Mevalu Jiszs. Nigr mz mzlegi Timoti. Nigu mzle-lzbq mz nzwztr-krbzku mz Gct.

Hibru 13:23

Nakrlzamu kx mzlegu Timoti nzrlrpxpe-ngrm mz presin. Nzmu kx tqkrlz-animle mrka, sa navzbzkr rlilrgr mz nzoklati-ngrbz nimu.