1 Timoti 5:14 - Natqgu

¹⁴ Mz nzmu-krde lcde, suti drtwrnge olvz kx nzabzong kcng trnznginidru blang nayrlz-moung, narmikang doa, x na-aclvelr ma nyzdr. Nzmu nartrngztibzlr da lcng, trpnzngr da kx narmctitrpz Setzn, enqmi rdr, kx nzvz-rbr-ngrdr.

1 Timoti 5:14 ပူးပေါင်းရင်းမြစ်များ

Nzryr-krbz Pol Mz Lr Rom 14:13

Mz nzmu-krde lcde, bzkq vz zvz nzpikiti-lzbq-krmu. A' na-aoti drtwrmu kx bzkq aleamu da kx na-atrkatile nzrlxngitikr kztemung o na-ataole nidr mz alwx.

2 Korint 11:12

Ncblo lcng tzpibqtilr ninge nzrpilr kx rsakrlrkr badr mz nzprtr-krdr mz nzwzngr kcpwz tqalekr. A' sa na-ale-zvzx nqmq krnge mz nzwztr-nrbalq-krbo mz leplz, murde na-awx-nabux nzglqpx-lzbq-krdr lc.

1 Timoti 2:8

X suti zlwz drtwrnge kx ncblo neng Kraes ngr mrlcng amrlx nakrka'ng. Murde nzkrka'ngr atubxlzle nzwzkr Nrpakxmrlz. Bzkq ncblo nzbubzlr mqdr mz enqmi rdr, a' naglalzbzlr mqdr mz Gct mz nzkrka'ngr kxtr.

1 Timoti 4:3

Trnzrlrpx-ngrdru nzyrlzngr x nzmungr kzdung dakxnzng, mz nzrpi-krdr kx Gct trabrtzlvzleu da lcng. A' nqmq nr drtwrdr lc trvz-nqblqleu me pnz drtwrde. Murde mzli kc tqwz-ngrde nrlc, rpile kx doa x da amrlx kcng tqwz-ngrdeng mrlz. Delc trpnzngr da kxtrka mz da kcng tqwz-ngrde. Kamle dakxnzng bagu, nigu kcng tzlxngitilr nzalvztrngr angidr, mz nzamrlz-krde nigu. X na-awi-ngrbzku bade da lcng x sc tqngq-ateku. Mz nzmu-krde lcde, mz nzvz-nqblq-krde natqde, dakxnzng amrlx mrlz x takitrde nzngq-krguleng, mz nzawi-kai-ngrbz bade.

1 Timoti 5:11

Olvz lcng naesalz-ngrbzlr mz Kraes kx trpengr nzyrlz-mou-krdr mz nzwztr-krbzlr bade. Mz nzmu-krde lcde, bzkq rlr-ngrbzme mz olvz kcng nrkrdrtqdr trbrka nzprtr-krdr mz dzbede lc. Murde mzli kc drtwr ngr nzyrlzngr mou navzdz-ngrmle mz nabzdr, trna-aotipeu drtwrdr Kraes, a' sa na-aotitxpepwz drtwrdr nidr esz'-krdr.

1 Timoti 6:1

Kxnzawzng amrlx kcng tzrlxngiting na-amatq-zvzlr kxetu rdrng, murde ma tzpibqti drtq Gct rgu x nzalvztr-krdeng.

Taetus 2:5

X mou, na-alvztr-ngrdr olvz lcng kx nayrplapxng x nzmnc-krdr natr, x nawz-angidrng mrnyzdr. X naokatrlr leplz x namnclzbzng mz ncblo ngrdr, murde leplz kxtrnzrlxngitiung ma tzpibqtilr natq Gct.

Taetus 2:8

Tubqpwz mz nzycmne-krmqng amrlx, murde enqmi rgung ma tzmctrplr da kxtrka bagu. A' drtqdr namya murde sa narblxbz badr nzpibqti-krdr nigu.

Hibru 13:4

Ncblo x olvz kxnzyrlzng nayrlq-angidr-zvzlr nzesalz-krdr mz nzyrlz-krdr. X bzkq rmwimiamu doa kx trngiu krnalzmu. Murde Gct sa na-ayrplapx-zlwzle leplz kxnzmulr lcng.