1 Timoti 3:2 - Natqgu

² Kxacvle lc nangi ncblo kxtubq, kx trnzpibqtiu leplz. Nayrlzti-txpwzle olvz naesz', mz mzli kxesz' bzkq aoti drtwrde nzvz-krbzle mz olvz kzbleng. Na-aclve-lzbq, nayrplapx, x na-amrlue leplz. X naokatrle lr narnrlc mz nzadwatr-krde nidr mz ma nyzde. X nzalvztr-krde natq Gct natubq.

1 Timoti 3:2 ပူးပေါင်းရင်းမြစ်များ

Nrpakxmrlz Kx Yr Luk 1:6

Nqmq krdr tubq-esz'ngrbz mz nzobqkr Yawe, murde nzvz-nqblq-angidrlr Loukxtr scde. X nzvz-nqblq-angidr-kzlr natqde.

Nrpakxmrlz Kx Yr Luk 2:36

X kzdq kc blang, mncne kz mzli lcde. Drtqde Ana kc tqngi profet. Nide inyx Fanwel, vzpxm mz nqvi lr Asz. Ana yrlz pnz mzli kc tqnginibe-ngrde olvi, x nzmnctilr mz ncblo ngrde yiz rlimz x ncblo kc sc tqbzpe.

Nzryr-krbz Pol Mz Lr Rom 12:13

Akiamu dztumu badr leplz ne Gct kcng takitrde nzokatrngr. X abrtzlvz nzadwatr-krbz leplz ma nyzm mz nzvz-krdr mrkzbleng.

Filipae 2:15

Kxmule-esz' mncamu mz mzlir kxtrnzrlxngitiung x kxdrka'-ngrng, a' nabzmu natr x natubq mz nzngini-krmu doa neng Gct. Murde nqmq krmu na-aelwapx-ngrbzle badr lrpzki angidr mz nzkrlz-krbzlr Gct.

1 Timoti 3:12

Ncblo kxaclvele dalr makxtr nalzde olvz naesz'txu x bzkq aoti drtwrde nzvz-krbzle mz olvz kzbleng. A' namailz-angidrle doa nedeng x lrmanyzdeng amrlx murde navz-nqblq-kzlr nzrlxngitingr angidr.

1 Timoti 3:8

Mz nqmq lcpwz, ncblo kx nzyrlq mz nzaclve-krde dalr makxtr nangi kz ncblo kx nzamrlue leplz. Bzkq kx natqde tresz'tiu. Bzkq rmnq zlwz. X bzkq mrlz zlwz bade nzrngiscngr trau kxkqlu.

1 Timoti 4:3

Trnzrlrpx-ngrdru nzyrlzngr x nzmungr kzdung dakxnzng, mz nzrpi-krdr kx Gct trabrtzlvzleu da lcng. A' nqmq nr drtwrdr lc trvz-nqblqleu me pnz drtwrde. Murde mzli kc tqwz-ngrde nrlc, rpile kx doa x da amrlx kcng tqwz-ngrdeng mrlz. Delc trpnzngr da kxtrka mz da kcng tqwz-ngrde. Kamle dakxnzng bagu, nigu kcng tzlxngitilr nzalvztrngr angidr, mz nzamrlz-krde nigu. X na-awi-ngrbzku bade da lcng x sc tqngq-ateku. Mz nzmu-krde lcde, mz nzvz-nqblq-krde natqde, dakxnzng amrlx mrlz x takitrde nzngq-krguleng, mz nzawi-kai-ngrbz bade.

1 Timoti 5:10

X nakrlzq kx nqmq krdr kcng mzli kc nzmrlz-zvzng, mz nzaodu-krdr leplz, nzaclve-angidr-krdr doa nedrng, nzadwatr-krdr lr narnrlc mz ma nyzdr, nzavzo-lzbq-krdr mz nzwztr-krbzlr mz leplz neng Gct, nzokatr-krdr leplz kcng trnzmnc-zpwxu, x mz nzvqtikr drtqdr nzalengr da kxmrlz.

1 Timoti 5:22

Timoti, drtwrm ao angidr, bzkq rnekitiq nzyrlqo-krbzme mqm mz kxacvle mz nzwzkr Kxetu. Murde nzmu kx tqyrlqobzme mqm mz kxacvle kx ale zvz alwx, opxm kx drtwrmu esz'ti kz badr mz alwx ngrde. A' natubq-zvzq.

1 Timoti 5:9

Olvz kxnzabzong kcng naokatrng lrmakxtr nakrlzbzlr yiz kx nzpnu-esz'mz (60). X mz nzyrlzngr, mzli kc ncblo ngrdr tzlube-ngrdr, bzkq nzaoti drtwrdr nzvz-krbzlr mz ncblo kzbleng. A' nzmnc-krdr badr natubq zvz.

2 Timoti 2:24

Murde kxnzawz ne Kxetu, bzkq nzotablrng x drtwrde ngya ani mz nzatrkatikr leplz nide. A' nanginide mrlx kx okatrle leplz amrlx x alvztr angidr.

Taetus 2:2

Pibz badr lrtzlvzng amrlx na-aclve-lzbqng, x nayrplapxng, x nqmq krdr natakitrde leplz nzamatq-krdr nidr. X mou natu-amqnging mz nzalvztrngr angidrng, mz nzmrlzti-krdr leplz x mz ale-krdr da kxtubq, kxmule-esz' da kx prtz.

Hibru 13:2

Adwatramu lr narnrlc mz ma nyzmung. Murde kzdu leplz kx nzalelr da lc mzli kc, nzadwatrng enjrl mz ma nyzdr, kxmule-esz' trnzglxlru nidr, murde mz drtwrdr kx leplz txneng.

Hibru 3:14

Murde nztwz-krgu da kxmrlzting amrlx kcng tqesalzngr Kraes mz nzaxvctr-krbzku bade, nzvzpxmqng mz nzlolvz-amqngi-krgu nzlxngiti-krgu nide, da kc tqwai mzli kc tqrlxngiti-ayrnr-ngrgu, nakrlzbzle nzbz-krgu.

1 Pita 4:7

Ycpe pipz nzyrkrpx-krbz nrlc ka. Mz nzmu-krde lcde, aclvetio-lzbqamu murde nzkrka'-krmu nawz-angidrng.

1 Pita 4:9

Abrtzlvzamu nzadwatr-krm kztemung ma nyzmung.

1 Pita 5:8

Aclvetio-lzbqamu x oliq-zvzamu, murde enqmi rmu Setzn kc tqotaamu badr apule laion kc tqamwxlr-ngrde leplz mz nztukr natqde. X sc tqvz zvz nzrtangrti-krde doa mz nzatrkati-krde nide.