1 Timoti 3:1 - Natqgu

¹ Da angidr lc tqpibo. Mrlx kc tqpq zlwz mz drtwrde nzwzngr mz nzaclve-krde dzbe lrmakxtr, suti drtwrde nzwzngr kxmrlz-esz'ngr.

1 Timoti 3:1 ပူးပေါင်းရင်းမြစ်များ

Nrpakxmrlz Kx Yr Luk 15:10

Mz nqmq kcpwz, napibo bamu, Gct nidr badr enjrl nedeng nzabrtzlvzlr kzdq doa kxale alwx kx tekqtrle nqmq nr drtwrde.”

Aposol 1:20

Rpi-mopwz Pita kx, “Da la ngida murde Devet yrle mz buk ngr Sam kx, ‘X batrpz nzbz-krde murde ma nyzde namznrtx-alongr.’ Nzyr kz kx, ‘Natekqtr ncblo kzble mz nzngini-krde kxrmailz.’

Aposol 20:28

“Aclvetio-lzbqamu x aclve-kzamu leplz neng Gct mz nzapu-krdr sip. Murde Mqngrkxtr aprcbzle nzwzngr lc bamu. Aclve-angidramu lrmakxtr neng Gct kc tqxpepeleng mz mepyr ngr Mrlxde.

Nzryr-krbz Pol Mz Lr Rom 11:13

Pibo da lcng amrlx bamu, myapxbz nimu kcng trngiulrJiu. Gct mcpxle ninge mz nzngini-krnge aposol mz nzalvztr-krnge kxtrngiulrJiu. X nzwz-krnge lc matq zlwz mz drtwrnge.

Efiszs 4:12

mz nzoliqti-krdr leplz neng Gct murde nawztrpzng bade. X mz nzwz-krdr lcng, sa na-axplrlr leplz kcng tqngi nrkrdrtq Kraes,

Filipae 1:1

Ninge Pol, nigr ncdr Timoti, kxnzawz-nrbalqng ne Mevalu Jiszs. Ryrbzkr bamu, nimu leplz kxnztrng ne Gct amrlx kx nzaxvctrpzng mz Mevalu Jiszs. Nimu kcng tzmncng mz taon Filipae, badr kxnzaclvelr nimu x kxnzaclveng dalr makxtr.

1 Tesalonika 5:14

Mzlegrng x inwegrng, lalztqmamu bagr. Axplrbzmu natqmu mz krkcng drtqdr tqsa. Apqtrpzmu drtwr krkcng tzmwxlrng. Okatramu krkcng nabzdr tqbao mz nzlxngiti-krdr. X mnc-zpwxamu badr leplz amrlx.

1 Timoti 1:15

Da zpwxtx, x takitrde nzrlxngitingr mz nabz atwrnrngr kx Mevalu Jiszs vzm mz nrlc mz nzarlapx-krde kxnzaleng alwx. X ninge kx myapxbz mz alwx kcng tqale-zvzx mzli kc.

1 Timoti 4:9

Da lc tqpibo da zpwxtx x takitrde nzrlxngiti-zpwxngr.

2 Timoti 2:11

Murde natq angidr deseleng. Mz nzbzmi-krgu Kraes, sa nalu-aloku badr. Mz nztu-amqngi-krgu mz nzrlxngitingr, sa na-aclveku badr mz nrlc kc navzm. A' nekeng nzpxtxpx-ngrdr nide, sa napxtxpx-kz-ngrde nidr. Kxmule-esz' taoku mz nzatutr-krgu da kx esalz-ngrbzku bade, a' trtxpnzngr nztao-krde mz nzatutr-krde da kx esalz-ngrmle bagu. Murde nqmq kr Kraes trpnzngr nztekqtr-krde, a' vz-nqblq-zvzle nqmq krde lc tqmrlz.

Taetus 1:7

Ncblo kx na-aclvele dzbe lrmakxtr nangi ncblo kxtubq mz nzobqkr leplz. X bzkq kx mz drtwrde natqde nangidati zvz, trlalztqpwzu mz kztedeng, drtwrde trka ani, rmnq zlwz, ota zvz, x prlvz mzte trau.

Taetus 3:8

Nzalvztrngr lc da angidr. Delc nayapwxtipx-zpwx-ngrbzmele mz kxnzlxngitilr Gct. Murde mz nzvz-nqblq-krdrle, na-alelr da kxmrlz. Nzalvztrngr lcng nzmyalzng x takitrde nzokatr-krdr leplz amrlx.

Hibru 12:15

Aclvetio-lzbqamu, murde ma tqesablqtiamu zmrlz ngr Gct kxmyalz. Trmrlzu kzdq nimu nzapu-krde lxbi kxtrka kx lvcpulzm x aprctile leplz kxkqlu, mz nzatrkati-krde leplz neng Gct mz nzapu-krdr nrlanc nyzde.

1 Pita 2:25

Mzli kc apuamu sip kx nzmrbrng kcng tzmnc-rlrubzng mz kxetu rdr. A' mzli ka yzlupebzmu mz Kxetu kc tqaclve-angidrle nimu mz nznginipe-krmu sip nedeng.

1 Pita 4:15

A' trmrlzu nzmu nzaetq-ngrbz drtqmu mz nzngini-krmu ncblo kxayo, kxpna da, kxale da kxdrka'ngr, x kxrpikiti leplz.

1 Pita 5:2

Na-aclve-angidramu leplz neng Gct kcng tqkatrpzle mz mqmu, mz nzvz-nqblq-krde me pnz drtwrde. Drtwr ngrde kx nzaclve-krmu nidr navzpxm mz nabzmu, a' trngiu da kx nzrtulrtr-ngrbz bamu. X navqti drtqmu nzwztr-krbzmu mz Gct, a' trngiu dalr nzngini-krmu bcnyr o mz nzamatqngr nimu.