1 Pita 5:7 - Natqgu

⁷ X twzbzmu mz Gct nikeng nzatalvzobzlr nabzmu, murde sa tqaclve-angidrle nimu.

1 Pita 5:7 ပူးပေါင်းရင်းမြစ်များ

Sam 34:15

Rlxtibz ncblo kxtubq mz Yawe nzokatr-krde nide. X Yawe sa naxlrbzle nzkrka'-krde mz nzaclve-krde nide.

Sam 37:5

Clveti-lzbq, x aenzli-lrpi mz nzabrtr-krbzme drtwrm mz Yawe. Bzkq nabzm talvzo mz nzrmc-krm leplz kxnzrngiscng nzvz-nqblq-krdr nqmq krdr kxtrka. Da kx na-aleq, mnc-xgle txpwz Yawe, X abrtrpz drtwrm bade, murde sa naokatrle nim. Delc sa na-aelwapx-ngrbzle nzopxkr nztubq-krm, Mz nzapu-krde nilz r nepi kc tqvz-esz'ngr mzli kc bea.

Sam 40:17

Kxetu, trxplrwxu x trpnzngr scnge zmatq. Bzkq mrbrtr mz drtwrm ninge. Murde nim txpwz Mevalu rnge. Bzkq asaq nzokatr-krm ninge.

Sam 55:22

Yawe, napipxbzkr nzkxpu-krgrng bam, murde nalolvz-amqngiq nigr. X tr-rlrpx-ngrwq leplz kxnztubqng nzaxtx-krbzlr nzlxngiti-krdr nim.

Matiu 6:27

Mane nzyc-zvzkr drtwrmu da, murde trokatrleu nimu x rblxbz bamu nzaboinepx-krmu nzlu-krmu.

Matiu 6:28

“X mane nzyc-zvzkr drtwrmu mz trnzrngisc-ngru lrpz. Na-aoti drtwrmu nzpqpxkr mqmya. Trnzwzung x trnzrkxsilvzung scdr lrpz.

Matiu 6:31

“Mz nzmu-krde lc, bzkq yc zlwz mz drtwrmu da kx nangqamu, lue kx namnqamu, x lrpz kx napxi-ngrnamu.

Nrpakxmrlz Kx Yr Mak 4:38

A' mzli lc Jiszs sc tqmwi mz mrtwz' kxrm, glz mz pilo. Nzvzbzng bade sc tzameopelr. Nzrpibzlr kx, “Kxakrlz, okatr nigu! Nabzpeku!”

Nrpakxmrlz Kx Yr Luk 12:22

Zbz sc tqrpipebz Jiszs mz ncblo nedeng kx, “Da kx tqrpi-ngrbo lc bamu kx bzkq da kx nakxne drtqmu mz nzmnc-krmu, mz da kx nangqnamu x lrpz kx napxi-ngrnamu.

Nrpakxmrlz Kx Yr Luk 12:26

“Mz nzmu-krde lc, mane nzkxkr drtqmu da, murde trokatrleu nimu.

Nrpakxmrlz Kx Yr Jon 10:13

Ncblo kxnzawz dwa murde yc txpwz mz drtwrde nzatatr-ngrm trau, a' tryc-ngru drtwrde sip.

Filipae 4:6

Bzkq drtwrmu yclwz mz da, a' rlxtibzmu mz Gct mz nzkrka'ngr x awibzmu bade mz da amrlx.