1 Pita 4:19 - Natqgu

¹⁹ Mz nzmu-krde lcde, nimu kcng tzaetqbz drtqdr mz nzvz-nqblq-krde me pnz drtwr Gct, navz zvz nzale-krmu da kxtubq, mz nzabrtr-zvz-krbzmu drtwrmu mz Kxrpalz kc tqwz-ngrde nrlc x na-angidatile natqdeng amrlx.

1 Pita 4:19 ပူးပေါင်းရင်းမြစ်များ

Sam 138:8

Yawe, krlzx kx sa na-angidatiq drtwr amrlx kcng tqyrlq-pz'liti-ngrn ninge. Murde nzaodu-krm tqyc tqyc. Bzkq esaki nzaclve-krm krkcng amrlx tqwz-ngrn.

Sam 31:5

Yawe, aprcbo mqngrnge mz mqm. Murde nim Gct kc tqbrti drtwr mz nzxpepx-krm ninge.

Sam 37:5

Clveti-lzbq, x aenzli-lrpi mz nzabrtr-krbzme drtwrm mz Yawe. Bzkq nabzm talvzo mz nzrmc-krm leplz kxnzrngiscng nzvz-nqblq-krdr nqmq krdr kxtrka. Da kx na-aleq, mnc-xgle txpwz Yawe, X abrtrpz drtwrm bade, murde sa naokatrle nim. Delc sa na-aelwapx-ngrbzle nzopxkr nztubq-krm, Mz nzapu-krde nilz r nepi kc tqvz-esz'ngr mzli kc bea.

Nrpakxmrlz Kx Yr Luk 23:46

Jiszs kqtxpxbz mz Gct mz natqde kxetu, rpibzle kx, “Trtenge! Aprcbo mqngrnge mz mqm! X sc tqbzpe.

Aposol 7:59

Mzli kcpwz tzvaebq-ngrdr Stivin, sc tqkrka'pe tqrpipele kx, “Jiszs, Kxetu rnge, rlr-ngrbo mqngrnge bam!”

Nzryr-krbz Pol Mz Lr Rom 2:7

Sa nakabzle nzlungr kxboi mz leplz kcng tzvz zvz nzale-krdr da kxtubq, mz nzaenzli-krdr nzamatqkr Gct nidr x nzprtr-krdr mz nzlungr kc tqyc zvz.

2 Timoti 1:12

X mzli ka, mz nzwztr-krnge lc mz Nrpakxmrlz, dekc tqaetqmle drtqnge x tqmncpx-ngrmc mz presin. A' trmya-ngru drtqnge. Murde krlzx Gct kc tqabrkitrx drtwrnge. X lxngitix kx sa nabatrple Nrpakxmrlz kc tqaprcmle bange nzryapwxtipx-zvzngr nakrlzbzle nzyzlu-krm Jiszs.

1 Pita 2:15

Murde nzale-krmu da kxmrlz awx-nabule leplz kxdrka'ngr kcng tzpibqtilr nimu. X krlc me pnz drtwr Gct.

1 Pita 3:17

Nzaetqngr drtqmu mz nzale-krmu da kxmrlz kx pnz drtwr Gct myaszpxle nzaetqngr drtqmu mz nzale-krmu da kxtrka.