1 Pita 1:6 - Natqgu

⁶ Delc kxmule-esz' prtramu mz da kxtrka kxnzkqlung mzli kxmrbcne, a' sc tqabrtzpe-ngrnamu da lcng.

1 Pita 1:6 ပူးပေါင်းရင်းမြစ်များ

Sam 119:28

Nzrtxlvzlzkr nzvzkr drtwrnge etutx-zlwzpe. Amqtrp drtwrnge da kc tqwai nzesalz-krmle.

Sam 119:75

Yawe, krlzx kx takitrde nzayrplapx-krm ninge Murde vz zvz nzokatr-krm leplz nemqng.

Sam 34:19

Wzpxtx zlwz nzkxpukr ncblo kxtubq. A' Yawe sa na-arlapxle nide mz da lcng amrlx.

Sam 35:10

X mz nabznge atwrnrngr, sa narpix kx, “Trpnzngr kx apule nim. Murde arlapxq kxtrnzxplrung mz mq kxnzxplrng, X kxtrpnzngr scdr zmatq mz kxnzrngiscng zmatq.”

Sam 69:20

Nzobqszo-krdr ninge yrnibungr nabznge. Yrni-ngrne nzvzkr drtwrnge, A' trpnzngr kxnaokatrle x na-amqtrple drtwrnge.

Sam 9:14

Kxarlapx, naelalz-ngrm drtwrnge nzarlapx-krm ninge. Leplz kxkqlu Jerusalem sa naxlrlr nzglqlz-krnge nim.

Sam 95:1

Nangrbzku mz Yawe mz nzabrtzngr. Murde nide butqbr kc tqrlakitrku.

Matiu 11:28

Mz nzmu-krde lc, nimu amrlx navzmamu bange. Murde nzkxpu-krmung nzmrlepu-zlwzbzng bamu, x rblxbz bamu nzvz-nqblq-krmu natq amrlx kcng tzkapxbz kxnzetu rmung bamu. X sutitx zlwz drtwrnge naokatrpo nimu mz nzmnc-zpwx-krmu.

Matiu 26:37

Vzmile Pita, x mrlx Sebedi kcng nzling. Mzli lc nabz Jiszs talvzope x mrlepupe-ngrde nzvzkr drtwrde.

Matiu 5:12

Mzli ka na-abrtzlvzamu nzapu-krmu profet ne Gct kcng tzatrkati pnz melrmqmung. Murde mz nrlc kc navzm, sa natwz-kzamu da kc tqmyapx-esz'ngr.”

Nrpakxmrlz Kx Yr Luk 1:47

X drtwrnge elalzm mz Gct, mz nzarlapx-krde ninge.

Nrpakxmrlz Kx Yr Luk 10:20

A' bzkq abrtz-ngramu drka' kcng nzlxngiti-krdr nimu. Na-abrtz-kz-ngrnamu ye kx Gct yropele drtqmu mz buk ngr nzlungr mrkc Heven.”

Nrpakxmrlz Kx Yr Luk 2:10

A' rpibz enjrl kc badr kx, “Bzkq mwxlramu. Murde rtwzmc bamu nrpa kxmrlz. Nrpa lc narkabz nzabrtzngr kxetu mz leplz amrlx.

Nrpakxmrlz Kx Yr Jon 16:22

Mz nzmu-krde lcde, mzli ka drtwrmu vzpe. A' sa namc-moux nimu mzli kc natulz-mou-ngrne mz nzbzngr, x nabzmu sa na-abrtz zlwz. X trpnzngr kx narkatxpxbz nzabrtzngr lc bamu.

Nrpakxmrlz Kx Yr Jon 16:33

Krlc tqpipx-pnz-ngrbo da lcng bamu, murde nabzmu naycngr nrwx, mz nzaxvctr-lzbq-krmamu bange. Kxmule-esz' lr nrlc sa na-atrkatilr nimu, a' bzkq mwxlramu, murde odatipex zmatq ngr Setzn mz nrlc.”

Aposol 14:22

Nzaxglrlr leplz neng Jiszs kcng, mz nzrpi-krbzlr kx natu-amqngi-zvzng mz nzabrtr-krbzlr drtwrdr bade, kxmule-esz' drtqdr nzaetq. Murde mz nrlc ka, nzetqkr drtq kxkqlu naprtzm bagu, x sc tqprtr-ateku Heven.

Nzryr-krbz Pol Mz Lr Rom 12:12

Naelalz-zvz-ngrm drtwrm nzobqtipx-krm da amrlx kcng tqesalz-ngrbz Gct bam. Tu-amqngi mz nzrlxngiti-krm mz mzli r nzkxpungr. Bzkq nzkrka'-krm esaki.

Nzryr-krbz Pol Mz Lr Rom 5:11

X mou, mzli ka abrtzlvz-zvzku Gct mz nzmnc-lxblr-krgu badr mz nrwx, mz nzwzkr Kxetu rgu Jiszs Kxnzmcpx.

Nzryr-krbz Pol Mz Lr Rom 5:2

Mz nzlxngiti-krgu Kraes, dekc tqmnc-aepztr-ngrbzku mz Gct. X okatr-zvzle nigu murde nzaxvctrpebzku mz Kraes. X abrtzlvzku nzobqtipx-krgu nzyzlu-krm Kraes, murde mzli lc sa naprtr-kzku mz nzmyalz-krde.

2 Korint 4:17

Mz nzobqtipx-krgu nzetukr da kxmrlzting amrlx kx natwz-aloku Heven, nzaetq-krmlr drtqgu mz nrlc ka topwz, x mzli rde mrbcnepwz.

2 Korint 6:10

Nzavztibzlr drtwrgr, a' drtwrgr elalz-ngrmle Kxetu rgr. Kxmule-esz' trpnzngr scgr da, a' prtr-kzkr mz da kxmrlzting amrlx kx kam Gct bagr mz nzaxvctr-krbzkr mz Kxnzmcpx. X okatrkr leplz mz nzprtr-kz-krbzlr bade.

Galesia 5:22

A' nra Mqngrkxtr mz nabz leplz kcng tzvz-nqblqlr nide, nidr seleng: nivz, nzelalz-krm drtwr, nzmnczpwxngr, nzaenzli-zpwxngr, nzokatrngr, nzrmrlzngr, nzatukztrngr natq, nzvz-nrwxngr, x nzaclve-lzbqngr. X Lou sc Mosis tr-rpwa'-ngrdeu nzale-krmu da lcng.

Filipae 2:26

Sutitx zlwz drtwrde nzmc-krde nimu amrlx, x nabzde talvzo murde nzxlr-krmu nzyagox-krde.

Filipae 3:3

A' nzrpakrngr angidr mz Nzesz'tikr Gct Kc Ate delc tqtwzku mz nabzgu, nigu amrlx, a' trnztwzlru. Twzku nzrpakrngr angidr murde da kcng tq. Nzangio-krgu Gct vzpxm mz Mqngrde. Abrtz-ngrgu nzaxvctr-lzbq-krbzku mz Mevalu Jiszs. X trabrtrpwzkuu drtwrgu mz nzrpakrngr nrkrdrtq.

Filipae 4:4

Naelalz-zvz-ngrm drtwrmu Kxetu rgu. X napi-mopwc' kx, naelalz-ngrm drtwrmu.

1 Tesalonika 1:6

X nigr badr Kxetu kx ngibz lrpzki bamu kx navz-nqblqamu. Kxmule-esz' sc tzatrkatimu, a' sc tqlxngitiamu Nrpakxmrlz mz nzabrtzngr kx vzpxm mz Mqngrkxtr.

Jemes 1:2

Mzlengeng x inwengeng, mzli kznikeng nzprtz-ngrbz nzkxpungr bamu, na-abrtzlvzamung.

Jemes 1:9

Kxrlxngiti kx ngi doa txne na-abrtz murde nide doa kxmyalz mz nzobqkr Gct.

Jemes 4:9

Nabzmu natalvzo zlwz murde nzpxtxpx-krmu Gct. Drtwrmu navz x nayrnimiamu alwx ngrmung. Natekqtramu nzyrpale-krmu mz nzalz-krmu. X natekqtr-kzamu nzabrtzlvz-krmu da kxtrka mz nzyrni-kato-krmu.

1 Pita 3:17

Nzaetqngr drtqmu mz nzale-krmu da kxmrlz kx pnz drtwr Gct myaszpxle nzaetqngr drtqmu mz nzale-krmu da kxtrka.

1 Pita 4:7

Ycpe pipz nzyrkrpx-krbz nrlc ka. Mz nzmu-krde lcde, aclvetio-lzbqamu murde nzkrka'-krmu nawz-angidrng.

1 Pita 5:10

A' mz nibr mzli kxmrbc kcng tqetqti drtqmu, Gct esz'-krde sa na-amrlz-moule nimu, sa na-amqngile nzbrtikr drtwrmu nide, x sa na-axplrle nabzmu, murde navz zvz nzyatr-krbzmu. Murde zmrlz x nzokatrngr amrlx nzvzpxmqng bade. X kqlele nimu mz nzaxvctr-krbzle nimu mz Kxnzmcpx, murde rpile naprtr-alo-kzamu mz nzmyalz-krde.