1 Korint 3:21 - Natqgu

²¹ Mz nzmu-krde lcde, bzkq glqpx-lzbqq mz nzvz-nqblq-krm kzdq ncblo. Murde Gct kabzle bamu da kxmrlzting amrlx mz nzaxvctr-krbzle nimu mz Kxnzmcpx.

1 Korint 3:21 ပူးပေါင်းရင်းမြစ်များ

Nzryr-krbz Pol Mz Lr Rom 4:13

Esalz-ngrbz Gct mz Ebraam kx sa nakabzle nrlc atwrnrngr bade x doa nedeng mz nzrnginyz-krdrle. Nzmu Gct na-atutr-txpwzle nzesalz-krdeng mz leplz kx nzvz-nqblq-zvzlr Lou scdeng, drtwr ngrde kx mane nzbrtikr drtwrgu nide. X mane kz da kx esalz-ngrbzle murde rblx nzvz-nqblq-zvzngr Lou scdeng. A' Gct tresalz-ngrpwzleu da lc murde Ebraam vz-nqblq-zvzle Lou scdeng, a' murde nztubq-krde mz nzobq-krde vzpxm mz nzbrtikr drtwrde nide. Gct esalz-kai-ngrbzle da lc mz Ebraam, x sc tqka-atebzle Loukxtr mz Mosis. Delc rblx nztubqkr Ebraam nzvzpx-krmle mz nzvz-nqblq-krde Lou sc Mosis.

Nzryr-krbz Pol Mz Lr Rom 8:28

Gct kqlele nigu mz nzngini-krgu leplz nedeng, mz nzvz-nqblq-krde drtwr kx yrlq-pnzle. Delc kxmule-esz' da kx prtzm bagu, nakrlzku kx Gct yrlqle drtwr lc mz nzamrlz-krde nigu kcng tzmrlztilr nide.

Nzryr-krbz Pol Mz Lr Rom 8:32

X krlz-angidrku kx sa naka-kzple bagu da amrlx kcng tqpimle, murde trlolvzleu Mrlxde kc esz'txu, a' atwzlr-ngrmle nide mz nztekqtr-krde nigu amrlx mz nzbzngr.

1 Korint 4:6

Mzlengeng x inwengeng, ycmne-ebzpx-ngrbo kxpipz nigr ncdr Apolos, mz nzatubqti-krnge nimu. Navz-nqblqamu natq kc tqrpile kx, “Kxnamu nzaolvz-krmu leplz navz-nqblq-txpwzle da kx pi Nzryrngrkxtr,” murde ma tqglqpx-lzbqamu mz nzrpi-krmu kx kzdq ncblo myaszpxle kztede mz nzobq-krmu.

2 Korint 4:15

Da lcng amrlx tzprtzmqng bagr ngi dalr nzokatrngr nimu x leplz kc-kzng tqalvztrkr. Murde mz nzkqlunepxkr leplz kcng tzlxngitilr nzmrlzkr Nrpa ngr Jiszs, nzawi-krbzlr mz Gct x nzangio-krdr nide naetunepx kz.

2 Korint 4:5

X Jiszs Kxnzmcpx lc tqyapwxtipxkr mz nzngini-krde Kxetu kc tqaclve-zvzle leplz amrlx. A' trycmnetr-ngrgru nigr esz'-krgr, a' ngi txpwz mz nzrpi-krgr kx kqle Jiszs nigr mz nzwztr-krbzkr bamu.

2 Korint 6:10

Nzavztibzlr drtwrgr, a' drtwrgr elalz-ngrmle Kxetu rgr. Kxmule-esz' trpnzngr scgr da, a' prtr-kzkr mz da kxmrlzting amrlx kx kam Gct bagr mz nzaxvctr-krbzkr mz Kxnzmcpx. X okatrkr leplz mz nzprtr-kz-krbzlr bade.

Nzaelwapxngr 21:7

Sa nakabo da lcng mz leplz kcng tzaovxiong mz nzvec-krdr badr zmatqng kxtrka. X sa nanginibo Gct rdr, x sa nanginidr doa nengeng.