1 Korint 2:4 - Natqgu

⁴ Nrpa kc tqyapwxtipxbo opx angidr x nzycmne-krnge trapuleu natq ncblo kxrkrlz x kxyrplapx. A' nzyapwxtipx-krbole bamu vzmi da kx nzaelwapx-ngrdr zmatq ngr Mqngrkxtr.

1 Korint 2:4 ပူးပေါင်းရင်းမြစ်များ

Aposol 20:27

Murde trmnc-lrpiwxu, a' pi-zpwxbo bamu me pnz drtwr Gct.

Aposol 26:28

Rpibz Agripz mz Pol kx, “?Mzli ka mrbcne, rpiq na-aprtrpeq ninge mz nzlxngiti-krnge Jiszs?”

Nzryr-krbz Pol Mz Lr Rom 15:13

Gct nide nou nzobqtipx-krgu da kcng sa na-alele kalr. X krka'-ngrne kx sa nakabzle bamu nzabrtzngr x nzmnc-zpwxng kcng tzvzpxmqng mz nzbrtikr drtwrmu nide, murde nzrlxngiti-krmu naetunepx zvz mz zmatq ngr Mqngrkxtr.

Nzryr-krbz Pol Mz Lr Rom 16:18

Murde leplz kxnzmulr lcng trnzwztrpwzung mz Kraes, Kxetu rgu. A' nzvz-nqblq-txpwzlr alwx kznikeng nzaoti drtwrdr kx namrlzbz badr. Nztamiti-krdr leplz mz natq x nzalvztr-krbzlr badr da kxmrlz mz nzxlr-ngrbz, a' nzkrlzlr nzesabrtingr leplz kx trnzaclvetio-lzbqung mz nzalvztr-rbr-krdr lc.

1 Korint 1:17

Trawrkxtrwxu leplz kxkqlu murde Kraes atwzlr-ngrmle ninge mz nzpipx-krnge Nrpakxmrlz. X mz nzpipx-krngele, trapuwxu ncblo kx rkrlz-angidr x aetu-lzbq mz nzycmne-krde. A' yrlqkixle me mrlzkibzle nzxlrkr leplz le, murde nayrplatitr angidr nardr. Murde ma tqrpwa'-ngrne zmatq ngr Nrpa ngr Kraes nzbzo-krmle mz kros mz nzarlapx-krde leplz.

1 Korint 2:1

Mzlengeng x inwengeng, nadcpx mz drtwrmu kx vz-nqblq-kzx da lc tqpipebo bamu. Murde mzli kc tqvz-ngrmc bamu mz nzyapwxtipx-krbo nrpa ngr Gct, trglqpx-lzbqpou bamu mz nzrpi-krnge kx ninge ncblo kxyrplapx x kxsiklu. X tryapwxtipxpou bamu mz nzapu-krnge ncblo kx rkrlz-angidr x aetu-lzbq mz nzycmne-krde.

1 Korint 2:13

X mz nzpipx-krbzku da lcng tqmrlzting, natq kcng tqpipxbzku kam Mqngrkxtr bagu. A' trnzvzpxpwung mz nzyrplapxkr leplz. Murde yokaetipxbzku da mz nzvz-nqblq-krde kxmu nzyokaetipx-krm Mqngrkxtr le bagu.

1 Korint 4:20

Murde zmatq ngr Gct trtuo mz nzycmnengr, a' ycbz mz leplz kcng tzmnclzbzng bade mz nzngini-krde King rdr. X zmatq lc tqaelwapx-lzbq-ngrde mz nzale-krdr nzwzkr Gct.

2 Korint 6:6

Suti drtwrgr kx Gct na-abrtzlvzle nigr mz da amrlx. Mz nzmu-krde lcde, nzmnc-krgr tubq, krlzkr nzmrlzkr nqmq krdeng, x drtwrgr trngya-anipwzu mz leplz, a' okatrkr nidr mz nivz angidr mz zmatq ngr Mqngrkxtr.

Galesia 1:10

Tryrpou bamu da lc murde suti drtwrnge nzabrtzlvz-krmu ninge, da kc tqwai nzpi-krdr ninge. Murde nzmu leplz nzabrtzlvz-zvzlr ninge mz nike pibo badr, trtakitrdeu nzngini-krnge kxnzawz ne Kraes. A' da kx myapxbz kx Gct na-abrtzlvzle ninge.

Kolosia 2:4

Da lc napibo bamu murde ma tzesabrtilr nimu mz da kx nzaoti drtwrdr kx vz-rbr, kxmule-esz' mz nzxlr-krbzmuleng opxm kx ngi da angidr.

1 Tesalonika 1:5

Murde mzli kc lemgr bamu Nrpa ngr Jiszs Kxnzmcpx, trpi-txpwzkru mz natq. A' aelwapx-kz-ngrgr mz zmatq, mz nzokatrkr Mqngrkxtr, x mz nzrlxngiti-angidrngr. X krlz-kzamu kx aelwapx-ngrgr Nrpakxmrlz lc mz nzmnc-krgr, mzli kc tqmnc-ngrbzkr bamu. Da kcng amrlx tqalebzkr bamu, ngi dalr nzokatrngr nimu.

1 Pita 1:12

X aelwapx-ngrbz Gct badr kx natq kcng tzpipxlr trngiu dalr nzokatr-krde nidr esz'-krdr, a' ngi dalr nzokatr-krde nimu lcng tzvzmqng mz nibr nzngidatikr natqdr. Murde Mqngrkxtr kc tqatwzlro-ngrm Gct Heven rpibzle bamu kx natq profet lcng nzngidatipeng mz Jiszs Kxnzmcpx, kc tzyapwxtipxbzlr bamu mz Nrpakxmrlz. X mzli boipe enjrl nzsuti-kzngr drtwrdr nztwz-krdr drtwr ngr da lcdeng.

2 Pita 1:16

Mzli kc nigr aposol tqpi-ngrbzkr bamu zmatq ngr Kxetu rgu Jiszs Kxnzmcpx mz nzmnc-krde mz nrlc ka x nzyzlu-mou-krmle kalr, trvz-nqblqkru nzryapwxtxnengr. A' pi-txpwzkr da kx mc-angidrkr mz mzkr x da kx xlrkr, myapxbz mzli kc nigr mz Jemes x Jon tqmc-ngrgr nzmyalz-esz'ngrkr Kxnzmcpx.

2 Pita 2:18

Leplz lcng nzglqpx-lzbq-zvzng mz nzycmne-krdr kx trpnzngr noude. X nztamitilr leplz kxnzrlxngiti-ateng mz nzamqmiti-rbr-krdr mz nrkrdrtqdr. Murde leplz lcng tzrlxngiti-ateng, tr-rblxu nzataongr nidr mz alwx.