1 Korint 15:24 - Natqgu

²⁴ X mz nibr da lc, sc tqkrlzpebzle nzyrkrpxkr nrlc ka. Mzli lc, Kraes sa naodati-kaile enqmi rdeng amrlx, kxmule-esz' ncblo o drka' x kxmule-esz' kxnzetung, kxnzmatqng, o kxnzaclveng. X sc na-aprc-atebzle doa x da amrlx mz Gct Trtede.

1 Korint 15:24 ပူးပေါင်းရင်းမြစ်များ

Matiu 10:22

Leplz kxnzkqlung sa napxtxpx-ngrdr nimu, murde nimu leplz nengeng. A' nzmu natu-amqngi-zvzamu mz nzrlxngiti-krmu krlzbzle nzbz-krmu, sa na-arlapx Gct nimu.

Matiu 11:27

Jiszs rpi-mopwzle kx, “Nzrkrlzngr x zmatq amrlx kapem Trtenge bange. Trpnzngr leplz kx rkrlzti angidr ninge, a' ngi txpwz Trtenge. X trpnz-kzngr leplz kx rkrlzti angidr Trtenge, a' nitxpwo, x leplz kcng tqmcpxx mz nzaelwapx-krbo nide badr.

Matiu 24:13

A' nimu kcng tztu-amqngi-zvzng mz nzrlxngiti-krmu krlzbzle mz nzbz-krmu, sa na-arlapx Gct nimu.

Matiu 28:18

Jiszs vzm bagr x rpimle kx, “Gct aprcpemle bange zmatq mz doa x da amrlx Heven x mz nrlc ka.

Nrpakxmrlz Kx Yr Luk 10:22

Rpibz Jiszs mz leplz kcng tzmncng mrkc kx, “Nzrkrlzngr x zmatq amrlx kapem Trtenge bange. Trpnzngr leplz kx rkrlzti angidr ninge, a' ngi txpwz Trtenge. X trpnz-kzngr leplz kx rkrlzti angidr Trtenge, a' nitxpwo, x leplz kcng tqmcpxx mz nzaelwapx-krbo nide badr.”

Nrpakxmrlz Kx Yr Jon 13:3

A' Jiszs krlzle kx aprcpebz Gct zmatq ngr da amrlx kcng naprtzbzng bade. X krlz-kzle kx prpxm mz Gct x nayzlu-mopwz bade.

Nrpakxmrlz Kx Yr Jon 3:35

Trte mrlztile Mrlxde, x aprcbzle bade zmatq ngr nzaclve-krde doa x da amrlx.

Nzryr-krbz Pol Mz Lr Rom 8:38

Murde lxngiti-angidrx kx trpnzngr doa x da kx na-aovxiole nivz lrde. Kxmule-esz' nzlungr o nzbzngr, a' xngi-zvzpebzku nivz lrde. Kxmule-esz' kxnzmncng mzlilxlr kxnzxplrng x kxnzmatqng, a' trnzkrlzlru nzodati-krdr nivz lc. Kxmule-esz' da kx prtz mzli ka o mzli lc navzm, a' nivz lrde tqyc tqyc. Kxmule-esz' lr Heven, o lr Hxl, o doa x da kznikeng kz wzngr Gct, a' nivz lrde talvzpxle da amrlx. Trtxpnzngr doa o da kx na-aovxiole nivz lr Gct kc tqrmctiku mz Kxetu rgu, Mevalu Jiszs.

Efiszs 5:20

X awi-zvz-ngrbzmu da amrlx mz Trtegu Gct, mz nzngini-krmu leplz neng Kxetu rgu Jiszs Kxnzmcpx.

Kolosia 2:10

X mz nzaxvctr-lzbq-krbzmu mz Kraes, trpnzngr da kx mrbrpxm mz nzlu-krmu angidr. Murde sc tqaclvele zmatqng x kxnzetung amrlx.

Kolosia 2:15

X mz kros lcde Kraes aovxiole kxnzmncng mzlilxlr kxnztrkang, x katxpxbzle zmatq ngr drka' lcng amrlx. X amyatibzle drtqdr mz mz leplz amrlx.

1 Timoti 6:15

Murde mz mzli kc tqyrlq, Gct sa na-aelwapx-ngrmle da lcng. Leplz amrlx nzmnclzbzng mz Gct, Mz nzngini-krde King r king amrlx, X Kxetu r kxnzetung amrlx. X nide txpwz nou nzlungr kxboi. Nilz r nzpnaprkr zyzlr ngrde Xplr-esz'ngr mz zmatq ngrde. X rblx nzesotr-ngrbz bade. Trnzmcu x trnamcu leplz nide. X nide kx naglqlz-zvzku, X na-angio-zvz-kzku. Murde amnclz-zvzbzle nigu Amrlx mz zmatq ngrde. Eu.

1 Pita 4:7

Ycpe pipz nzyrkrpx-krbz nrlc ka. Mz nzmu-krde lcde, aclvetio-lzbqamu murde nzkrka'-krmu nawz-angidrng.

2 Pita 1:11

X Gct sa na-abrtzlvz-zlwzle nimu, mz nzprtr-krmu mz nzlungr kxboi Heven, mrkc tqaclve Kxetu Mevalu rgu Jiszs Kxnzmcpx mz nzngini-krde King.