1 Korint 14:2 - Natqgu

² Mzli ka suti drtwrmu kx leplz amrlx naycmnebzng mz Gct mz natq lr mrkzbleng. A' doa kxmule lc trycmnepwzu mz lrmakxtr. Murde mqngr doa lc ycmnetr-ngrde da kx yc-kapq x leplz trnzkrlzlru drtwr ngrde.

1 Korint 14:2 ပူးပေါင်းရင်းမြစ်များ

Sam 78:2

Sa naryapwxbo bamu mz nzycmne-ebzpxngr. X sa nayokaetipxbo dalr mzli kc bqnc kx trgalr kxrkrlz.

Matiu 13:11

Rpim Jiszs kx, “Ayrbq-angidrbo bamu nqmq kr Gct mz nzngini-krde King r leplz nedeng, kc tqyc-kapq mzli kc. Murde neke lxngitile Gct, Gct sa na-aetunepxbzle nzrkrlz-krde da angidr x sa na-axplrbzle nzrlxngiti-krde. A' leplz kcng trnzrlxngitiung, rblxbz badr nzkrlz-krdr da angidr, murde drtqdr sa nzlalztq-krmlr bange. Mz nzmu-krde lcde, Gct sa nakatxpxbzle nzrkrlzngr kznike ycbz badr.

Nrpakxmrlz Kx Yr Mak 16:17

Kxnzlxngitilr ninge sa nartwzng zmatq mz nzale-krdr rkx lcde seng: mz drtqnge sa narmaszlrpx-ngrng drka', x naycmneng mz natq lr mrkzbleng mz zmatq ngr Mqngrkxtr.

Nrpakxmrlz Kx Yr Mak 4:11

Sc tqrpipebz Jiszs kx, “Ayrbq-angidrbo bamu nqmq kr Gct kc tqyc-kapq mzli kc mz nzngini-krde King r leplz nedeng. Murde doa kx lxngitile Gct, Gct sa na-aetunepxbzle nzrkrlz-krde da angidr x sa na-axplrbzle nzrlxngiti-krde. A' mz leplz kcng tzpxpx-ngrdr nzxlr-krdr da angidr, napipxbo badr mz nzycmne-ebzpxngr.

Aposol 10:46

Murde nzxlrbzlr Konilias badr kxnginideng x kztedeng naglqlz-krdr Gct x nzycmne-krdr mz natq lr mrkzbleng tqbatrpebz Mqngrkxtr.

Aposol 19:6

Zbz yrlqobz Pol mqdeng badr, x Mqngrkxtr vzom badr. X mz zmatq ngrde, sc tzycmnepeng mz natq lr mrkzbleng, x tzrplzpxng nrpa kx kabz Gct.

Aposol 22:9

Ncblo kcng tqnginigr badr nzmclr zyzlr kc, a' tryrplatitru nardr natq kc tzpim bange.

Nzryr-krbz Pol Mz Lr Rom 16:25

Naglqlzku Gct kc tqkrlzle Nzatu-amqngingr nimu amrlx Mz nzlxngiti-krmu nrpa ngr Jiszs Kxnzmcpx kc tqyapwxtipxx. Nrpakxmrlz lcde yc-kapq pnz Mzli kc nrlc trnzwzka-ngrde. A' mzli ka sc tqaelwapxpengr Gct Kx suti drtwrde leplz amrlx. Na-arlapxle kxnzlxngitilr Kraes, Kxmule-esz' nidr lr Jiu o trtingr. Gct kc tqlu zvz kapxle natq Kx natqde kcng pnz na-atutrpeng. Da kcng tzyro-pnzlr profet mz Nzryrngrkxtr na-atutrng mzli ka. Murde leplz mz nrlc tulvzo Nalxngitilr Kraes mz nzmnc-krdr.

1 Korint 12:10

zmatq ngr nzalengr da kxmatq, nzrplzpxngr nrpa kx kabz Gct, nzrglxngr namrlzur kxnzmncng mzlilxlr kc tqwz, nzycmne-ngrbz mz Gct mz natq lr mrkzbleng, x nzrpipxngr drtwr ngr natq lr mrkzble lcng.

1 Korint 12:28

Mz nzwzkr nzaclvengr lrmakxtr, Gct yrlq-ayrnr-ngrde nzwzkr aposol, krali nzwzkr profet, x kratq nzwzkr kxnzalvztrng mz natq Gct x mz nqmq krde. X yrlq-kzle zmatq kxbletipx-lxblrng lcde seleng: nzalengr da kxmatq, kzdung zmatqng ngr nzamrlzngr kxnzyagoxng, nzokatr-zlwzngr leplz, nzrmcngr lrpzki kx navzki lrmakxtr, x nzycmne-ngrbz mz Gct mz natq lr mrkzbleng.

1 Korint 13:1

Doa kx traelwapx-ngrpwzleu nivz mz leplz, mane zmatq ngr nzycmne-krde mz natq lr mrkzbleng x natq enjrl kz. Murde apule nzrliplakr natq dram kxmznrngr mz nzrtztrngr.

1 Korint 13:2

X doa kx trmrlztileu leplz, mane kz zmatq ngr nzplzpx-krde nrpa kxkabz Gct, x nzrpipx-krde nrpa ngr nzrkrlzngr, x nzkrlz-krde da angidr kx yc-kapq. X mane kz nzxplrkr nzrlxngiti-krde kx krlzle nzabrkalz-ngrm newz.

1 Korint 14:16

Murde mz nzglqpx-krm Gct x nzawi-krbzme bade mz natq lr mrkzbleng, rblxbz mz kztemqng nzesz'tikr drtwrmu badr mz nzkrka'-krm lc.

1 Korint 14:26

Mzlengeng x inwengeng, da kx navzpxmqng mz nzalvztr-krnge lc nide sele. Mz nzyrlwr-lxblr-krmu takitrde doa kxesz' mz nimu nzprtr-krde mz nzangiongr lc, mz nzrlwx-krbzle kzdq nabz kxtr, o mz nzalvztr-krbzle kzdq da, o mz nzaelwapx-krbzle kzdq da kxyc-kapq, o mz nzycmne-krbzle mz Gct mz natq lr mrkzbleng, o mz nzrpipx-krbzle drtwr ngr natq lr mrkzble lcng. Murde da kxmyapxbz nzokatr-krmu lrmakxtr atwrnrngr.

1 Korint 15:51

Gct aelwapx-ngrmle bagu kx mzli kc nayzlu-ngrm Kxnzmcpx, kzdung kxnzrlxngiting nalubeng. A' mzli lc kxnzrlxngiting amrlx sa nalrtipx-aning, kxmule-esz' nzlubeng o nzbzpeng.

1 Korint 2:10

A' Gct atwzlr-ngrmle Mqngrkxtr mz nzaelwapx-krmle bagu drtwr lc tqyrlq-pnzle. Murde Mqngrkxtr krlzle da amrlx, kxmule-esz' drtwr Gct kc tqyc-kapq.

1 Korint 2:7

A' nzyrplapxngr lc tqpipxbo vzpxm mz Gct. Krlc drtwr kc tqyrlq-pnzle mzli kc nrlc trnzwzka-ngrde. Drtwr lc tqayc-kapqle nakrlzbzle nzvz-krm Kxnzmcpx. Murde mz drtwr lc tqyrlqle, na-axvctrpzle nigu mz Mrlxde, murde naprtr-kzku mz nzmyalz-esz'ngr-krde.

Efiszs 6:19

X krka'-kz-ngrnamu ninge, murde nakam Gct bange natqdeng mzli kznike naycmne-ngrne, x nelznge nabr, mz nzyokaetipx-angidr-krbo Nrpakxmrlz kc tqyc-kapqbz mz leplz.

Kolosia 2:2

Suti zlwz drtwrnge kx mz nzaxvctr-lxblr-krmu mz nivz, nabzmu napq x nakrlz-angidramu da amrlx kx vzpxm mz dakxyc-kapq pnz kx aelwapxpengr Gct, krlcde Kxnzmcpx.

1 Timoti 3:16

X Gct aelwapxpe-ngrde nzalvztrngr angidr ngr Mevalu Kxnzmcpx. X drtwrgu esz'ti mz nzplzpx-lxblr-krgule. Delc tqrpi-zvz-ngrgu kx, “Lxngitiku Jiszs Kxnzmcpx kc tqaelwapx-lzbqpe mz nrkrdrtq leplz, x tqaelwapxngr Mqngrkxtr nzngini-angidr-krde Mrlx Gct, mz nzatulz-mou-krdele mz nzbz-krde. X lxngitiku nzmckr enjrl neng Gct nide mz nibr nztulz-krmle, nzvzmilzkr Gct nide me matq-esz'ngr Heven, nzyapwxtipx-ngrbz Nrpa ngrde mz lr nrlc, x nzlxngitikr leplz nide mz nrlc tulvzo.”

1 Timoti 3:9

A' nalolvz-angidrle nzrlxngitingr kc tqaelwapx-ngrm Gct bagu.

Nzaelwapxngr 10:7

Murde mzli kc enjrl krarlimz navxutr-ngrde trpu nede, drtwr Gct kx yc-kapq kc tqpipx-pnzbzle mz profet nedeng kcng tzwztrpzng bade, sa natutrpe.”