1 Korint 11:2 - Natqgu

² Rpiamu mz letz scmu kx dcpx mz drtwrmu nqmq krnge x da amrlx kcng tqalvztr-ngrne nimu. X rpi-kzamu kx vz-nqblq-zvzamu nqmq ngr nzangiongr mz makxtr kcng tqaprcbo bamu. X abrtzlvzx nimu mz da lcng.

1 Korint 11:2 ပူးပေါင်းရင်းမြစ်များ

Nrpakxmrlz Kx Yr Luk 1:6

Nqmq krdr tubq-esz'ngrbz mz nzobqkr Yawe, murde nzvz-nqblq-angidrlr Loukxtr scde. X nzvz-nqblq-angidr-kzlr natqde.

1 Korint 11:17

Trabrtzlvzwxu nimu kxmu nzvz-nqblq-krmu kzdung nqmq ngr makxtr kcng tqaprcbo bamu, myapxbz mz nqmq krmu mz Nzmungrkxtr kx atrkatile kzdung kztemung.

1 Korint 11:22

Bzkq aleamu da lc. A' mu-kaiamu mz ma nyzmung, x mz nibrde sc tqyrlwr-lxblr-ateamu badr kztemung kxnzrlxngiting. Murde amyatibzmu drtq leplz kcng tzbrtaleng mz nzobqszo-krmu lrmakxtr neng Gct. ?Nike napibo bamu? ?Mrlz nzglqlz-krnge nimu mz da lc? Trtingr!

1 Korint 15:2

X mz nztu-amqngi-krmu mz da lcng tqalvztr-ngrne nimu, sa naprtr-kzamu mz nzrlapxngr x da kxmrlzting amrlx kx nzvzpxmqng mz Nrpakxmrlz lc. A' nzmu nzrlxngiti-krmu kx tqpi txpwz naomu le, trnaprtrwamuu elr.

1 Korint 4:17

Dekc tqatwzlr-ngrbo Timoti bamu. Murde nide mrlxnge mz Kraes, kc tqmrlzti-zlwzx. X krlzx kx sa na-angidatibzle me pnz drtwr Kxetu. X sa na-adcpx-mopwzle bamu nzalvztr-krngeng amrlx x kxnamu nzmnc-krmu mz nzaxvctr-krbzmu mz Kraes. Murde alvztr-ngrne da lcng mz dzbe lrmakxtr kcng kqlu mrkcng tqalvztr-ngrne.

1 Korint 7:17

Alvztr-zvz-ngrne kzdq nqmq mz dzbe lrmakxtr mrkcng tqvzkixng. Na-abrtzlvzq nzmnc-krm mz nzmncngr kcpwz tqmnc-ngrn mzli kc tqrlxngiti-ate-ngrn. Murde krlc nzmncngr kx yrlqbz Gct bam.

1 Tesalonika 1:6

X nigr badr Kxetu kx ngibz lrpzki bamu kx navz-nqblqamu. Kxmule-esz' sc tzatrkatimu, a' sc tqlxngitiamu Nrpakxmrlz mz nzabrtzngr kx vzpxm mz Mqngrkxtr.

1 Tesalonika 3:6

A' mzli ka Timoti yzlupe-mop bagr x lemle bagr nrpa ngr nzrlxngiti-krmu x nivz lrmu. Pimle bagr kx dcpx zvz mz drtwrmu nigr x sutitx zlwz drtwrmu nzmc-krmu nigr, da kc tqwai-kzkr nzsutikr drtwrgr nzmc-krgr nimu.

2 Tesalonika 2:15

Mz nzmu-krde lcde, natu-amqngi-zvzamu mz nzlxngiti-krmu natq angidr kc tqalvztrpzkr bamu mz nzryapwx-krgr x mz nzryr-krbzkr bamu.

2 Tesalonika 3:6

Pibzkr bamu mz drtq Kxetu rgu Jiszs Kxnzmcpx, kx navecpx-lzbqmamu mz kxnzrlxngiting kcng drtqdr tqsa x trnzvz-nqblqlru nzalvztrngr kc tqpibzkr bamu.