1 Korint 1:30 - Natqgu

³⁰ Murde nzaxvctr-krbzku mz Mevalu Jiszs trvzpxpuu mz da kcng tqaleku x mz nqmq krgu, a' vzpxm mz nzwzkr Gct. Murde Gct yrlqle drtwr kxyrplapx, kx nangi Jiszs kx na-atubqtile nigu mz nzobq-krde. X Jiszs kc naokatrle nigu, murde nanginigu leplz kxtr neng Gct. X ni-kzde kc naxpepxle nigu mz zmatq ngr alwx, murde namncku badr Heven.

1 Korint 1:30 ပူးပေါင်းရင်းမြစ်များ

Matiu 1:21

Sa narmc mz doa x napibzme drtqde Jiszs, kc drtwr ngrde Yawe arlapx, murde sa na-arlapxle leplz mz nzbz-krdr mz alwx ngrdrng.”

Nrpakxmrlz Kx Yr Luk 11:49

A' vz zvz, murde Gct ycmnetr-ngrde nimu mz nzyrplapx-krde mz nzrpi-krde kx, ‘Profet x menrpa nengeng sa navzbzng mz leplz nengeng mz nzpipx-krbzlr badr natqnge. A' kzdung nidr sa nanibqlr x kzdu-kzng sa na-atrkatilr.’

Nrpakxmrlz Kx Yr Luk 21:15

Murde sa nakabo bamu natqngeng x nzyrplapx-krnge kx rblxbz badr nzayzlu-krbzlrle.

Nrpakxmrlz Kx Yr Jon 1:18

Trgalr kx rmc Gct mz mzte, a' ngi txpwz Mrlxde kc esz'txu, kc tqpq zlwz mz nabz Trtede, x aelwapx-ngrmle Trtede bagu.

Nrpakxmrlz Kx Yr Jon 14:6

Rpibz Jiszs bade kx, “Ninge lrpzki, da angidr x nzlungr. Ninge lrpzki kc nao-zli mz nzrkrlz-ngrbz Heven. X ninge kx na-aelwapx-ngrbz da angidr kx vzpxm mz Gct. X ninge kz nou nzlungr kxboi. Mz nzmu-krde lcde, trpnzngr kx navztxnebz mz Trtenge, a' navzki-kaiple bange.

Nrpakxmrlz Kx Yr Jon 17:26

Aelwapxpe-ngrbo nim badr mzli ka, x sa na-aelwapx-kzpo nim mz krkcng nalxngiti-kzlr ninge kalr. Murde nidr amrlx ngrdr na-aelwapx-ngrbzlr mz leplz nivz kcpwz tqmrlzti-ngrn ninge. X namncpx-kzpc' badr mz Mqngrkxtr kc namncpxm mz nabzdr. Eu, angida.”

Nrpakxmrlz Kx Yr Jon 17:8

Murde alvztrpe-ngrbo badr natqm kcng tqkame bange, x nzlxngitipelr natqm lcng. X nzkrlz-angidrpelr kx vzpxmc bam x nim kc tqatwzlr-ngrmle ninge.

Nrpakxmrlz Kx Yr Jon 8:12

Jiszs rpi-mopwzle mz leplz kcng tzmncng Mangr-nzangiongr lc kx, “Ninge zyzlr ngr lr nrlc. Doa kx vz-nqblqmle ninge tralepeu alwx, a' sa nalxngitile da angidr mz nzrmcti-krde nzlungr kxmrna.”

Aposol 26:18

Murde na-aopxbzme da angidr badr, naesablqtilr alwx x nalxlvrtilr da angidr mz nzrvz-nqblqngr ninge. X naesablqtilr nzxplrkr Setzn, x nao-lxlvrtilr Gct, mz nzmnclz-krbzlr bade. Zbz vzpxm mz nzlxngiti-krdr ninge, sa naipqpxbz Gct alwx ngrdrng, murde naprtrpzng mz leplz nede kcng tqatrpeleng.’

Nzryr-krbz Pol Mz Lr Rom 1:17

Murde Nrpakxmrlz lc aelwapx-ngrde lrpzki kc tqyrlqbz Gct mz leplz mz nzatubqti-krbzle nidr mz nzobq-krde. Nztubqngr lc yzutr mz nzbrkr drtwr x yrkrpx mz nzbrkr drtwr. Da kc tqwai nzrpikr Nzryrngrkxtr kx, “Nzlukr kxnztubqng tutr mz nzbrtikr drtwrdr Gct.”

Nzryr-krbz Pol Mz Lr Rom 12:5

Mz nqmq lcpwz, kxmule-esz' kqluku, a' mz nzaxvctr-krbzku mz Kraes nigu nrkrdrtq kxesz'. Doa kxesz' mz nigu apule dalr nrkrdrtqde, kx nzmwitr-lxblrbz bade.

Nzryr-krbz Pol Mz Lr Rom 16:11

X Herodion, ni-kzde lr Jiu. X kxnzrlxngiting kcng tzmncng ma nyz Narsiszs.

Nzryr-krbz Pol Mz Lr Rom 16:7

Adronikzs x Junia, ni-kzdr lr Jiu. Mrlx lcng nzling mncpxmgr badr mz presin, x nidr aposol kxnzamatqng. Nidr rlilrdr kx nzlxngiti-kailr Kraes x ninge kc ate.

Nzryr-krbz Pol Mz Lr Rom 4:25

Gct rlrpx-ngrde Jiszs nzayrplapxngr nide mz alwx ngrgung mz nzbz-krde. X atulz-mople nide mz nzbzngr murde natubqku mz nzobqkr Gct mz nzxpepxkr Jiszs alwx lcng.

Nzryr-krbz Pol Mz Lr Rom 4:6

Devet pi-kzle da lc mzli kc tqycmnepx-ngrde nzabrtz-zlwzkr ncblo kc tqtubq mz nzobqkr Gct kxmule-esz' trwztileu.

Nzryr-krbz Pol Mz Lr Rom 5:19

Leplz kxnzkqlu nzaleng alwx, murde Adzm trvz-nqblqleu natq Gct. X mz nqmq lcpwz, leplz kxnzkqlung sa natubqng mz nzobqkr Gct murde Jiszs vz-nqblq-zvzle natqde.

Nzryr-krbz Pol Mz Lr Rom 5:21

Mz nzmu-krde lcde, mzli kc leplz amrlx nzmnclz-ngrbzlr mz zmatq ngr alwx x nzbzngr. A' mzli ka mz nzvz-krm Kraes, mnclzpebzku mz zmatq ngr nzokatrkr Gct nigu, x tubqku mz nzobq-krde. Delc sa naprtrku mz nzlungr kxboi, murde nzwzkr Kxetu rgu Jiszs Kxnzmcpx.

Nzryr-krbz Pol Mz Lr Rom 8:1

Mz da kcng amrlx tqpipebo, nakrlzamu kx mzli ka trpengr nztwz-krgu nzayrplapxkr Gct nigu mz nzvz-rbr-krgung, murde sc tzaxvctrpebzku mz Mevalu Jiszs.

Nzryr-krbz Pol Mz Lr Rom 8:23

A' nigu kz, apuku olvz lc, kxmule-esz' Mqngrkxtr mncpxm mz nabzgu mz nzngini-krde da ayrnrngr mz da kcng amrlx nakam Gct bagu. Murde nabzgu yrnibu kz mz nzaenzli-krgu Gct nzarlapx-krde nigu mz nzetqkr drtqgu x nzota-krgu badr zmatq ngr alwx mz nrlc ka. Aenzliku Gct nzka-krmle bagu nrkrdrtqgu kxmrna x nzvzmi-krde nigu Heven mz nzngini-zpwx-krgu doa nedeng.

Nzryr-krbz Pol Mz Lr Rom 8:9

A' nzao-krmu drtwrmu tryctrpepwzu mz zmatq ngr alwx, murde Mqngrkxtr mncpxm mz nabzmu, x mnclzbzmu bade. A' krkcng nabzdr trmncpx-ngrpqu Mqngrkxtr kc tqkabz Kraes, trnginidru leplz nedeng.

1 Korint 1:24

A' nigu kcng tqkqleng Gct, kxmule-esz' lr Jiu o kxtrngiulrJiu, glxku kx Kraes nide zmatq ngr Gct mz nzarlapx-krde nigu x ni-kzde nou drtwr kxyrplapx kx yrlq Gct mz nzarlapx-krde leplz.

1 Korint 12:18

Nzwzngr amrlx nzokatrlr nrkrdrtq. X Gct yrlqle kxnzrlxngiting amrlx badr zmatq ngr nzwz-krdr me namnc-ngrdr mz nrkrdrtq Kraes, mz nzvz-nqblq-krde me pnz drtwrde.

1 Korint 12:27

Nimu amrlx ngrmu nrkrdrtq Kraes. X doa kxesz' mz nimu prtr mz nrkrdrtq lc x nzwz-krde myatxpx kz.

1 Korint 12:8

X zmatq lcng tzbletipx-lxblrng tqka Mqngrkxtr nidr seleng: nzrpipxngr nrpa ngr nzyrplapxngr, nzrpipxngr nrpa ngr nzrkrlzngr,

1 Korint 4:15

Kxmule-esz' rnginemu kxnzalvztrng kxnzkqlung, a' ninge txpwz dela nangi trtemu. Murde yapwxtipx-kaipo Nrpakxmrlz bamu, mz nzvzmi-krnge nimu mz nzlxngiti-krmu Kraes.

1 Korint 6:11

Mzli kc ena kzdung nimu kxnzmulr lcng. A' mzli ka trtakitrpedeu nzale-krmu da lcng. Murde Gct ipqpele nimu mz nzkatx-krde alwx ngrmung. X kqlepele nimu mz nzngini-krmu leplz nedeng kxnztrng. X atubqtipele nimu mz nzobq-krde mz nzaxvctr-krbzmu mz Kxetu rgu Jiszs Kxnzmcpx mz zmatq ngr Mqngrkxtr.

2 Korint 12:2

Yiz nzpnu-esz'-nrade-pwx (14) kx vztxpe, avzdz Gct ninge Heven kc tqmyalz-esz'ngr. Trkrlzwxu kx vzdzx mz nrkrdrtqnge kz o mz mqngrnge txpwz mz nzobq-rmwiblengr lc, a' Gct kx rkrlz. A' krlz-angidrx kx mncx Me Mncngr Gct. X mz nzmnc-krnge elr, xlrx da kx rblxm bange nzyapwxtrngr mz natq ncblo, x nzrpwa'-kz-ngrm bange nzyapwxtipx-krngeleng.

2 Korint 4:6

Mzli kc tqwzngr Gct nrlc, rpile kx, “Zyzlr nayzlrpx-ngrm mz nzlo.” Mz nqmq lcpwz, Gct katxde da kx akamrbr-ngrbzle nqmq nr drtwrgu, mz nzayzlrpx-krmle nzalvztrngr angidr mz drtwrgu, murde nargu nayrplatitrlr drtwr ngr nrpa ngrde. X mzli ka mz nzkrlzpe-krgu Jiszs Kxnzmcpx x nqmq krdeng, nakrlz-kzku kx nqmq kr Gct mrlz-esz'ngr.

Galesia 1:4

Nzmnc-zpwxngr lc vzpxm mz Kraes, murde sc tqvz-nqblqpele me pnz drtwr Gct Trte, mz nzrlrpx-lzbq-krde mz nzbzngr. Alele da lc murde rpile nakapxle alwx rgung, x na-arlapxle nigu mz nzrvz-nqblqngr nqmq kr kxdrka'-ngrng kcng tzvz-rbrng mz da kx nzaoti drtwrdr x mz da kx nzaleting.

Galesia 3:13

A' nigu amrlx taoku mz alwx x mnclzbzku mz nzayrplapxngr kc tqvzpxm mz Lou sc Gct. Mz nzmu-krde lc, Kraes arlapxle nigu mz nzayrplapxngr lc. Murde mzli kc tqbzo-ngrmle mz kros, tekqtrle nigu mz nzayrplapxngr. Krlzku kx Gct ayrplapx-zpwxle nide, murde Nzryrngrkxtr rpile kx, “Mrlx kx nzado mz nounc, bz-ngrde nzayrplapxkr Gct.”

Efiszs 1:14

Mqngrkxtr apule trau kx nzka kai mz nzaelwapxngr kx sa naka-kzle da amrlx kcng tqesalz-ngrde. Murde Gct ka-kaipzle Mqngrkxtr mz nzaelwapx-krde kx sa naka-kzpzle da kxmrlzting amrlx kx nzvzpxmqng mz nzngini-krgu leplz nedeng. Murde naglqpxku nide mz nzmrlzkr nqmq krde.

Efiszs 1:7

Jiszs xpele nigu mz mepyr ngrde mz nzarlapx-krde nigu mz zmatq ngr alwx. X dekc tqipqngr Gct nigu mz alwx rgung, mz nzvz-nqblq-krde zmrlz ngrde myalz-esz'ngr.

Efiszs 2:10

Gct wz-ngrde nigu mz nzmnc-krgu mz nrlc ka mzli ka. X alule mqngrgu mz nzaxvctr-krbzle nigu mz Mevalu Jiszs. X mzli kc pnz, yrlqle drtwr mz da kxmrlzting kx suti drtwrde nzale-krguleng.

Efiszs 4:30

Bzkq avzbzmu drtwr Mqngrkxtr, murde ma tqrblxbz bade nzokatr-krde nimu. Murde Mqngrkxtr lc tqmncpxm mz nabzmu ngi rkx ngr nzngini-krmu leplz neng Gct. X nzwz-krde nzokatr-krde nimu nakrlzbzle mzli kc Gct na-arlapx-atwrnr-ngrde nimu mz zmatq ngr alwx, mz nzyzlu-krm Jiszs o mz nzbz-krmu.

Efiszs 5:26

Bz-ngrde nidr murde na-alqngile nidr mz lue ngr nzwrkxtrngr x mz nzlxngiti-krdr natqde.

Filipae 3:9

x nanginipegr ncdr da kxesz'. Mz nzmu-krde lcde, nztubq-krnge trvzpxpuu mz nzvz-nqblq-krnge Loukxtr. A' vzpxm mz nzlxngiti-krnge Kraes. Gct kamle bange nztubqngr lc, mz nzbrtikr drtwrnge Kraes.

Kolosia 3:16

Natq Kraes nangi da kx ayrnrngr zvz mz nabzmu, mz nzalvztr-lzbq-krmu x nzlc-apqbz-lzbq-krmu, mz nzyrplapxngr kx kabz Gct, x mz nzawi-krbzmu bade mz nzngr-krmung him, Sam x nabz kxnztrng.

1 Tesalonika 5:23

Nzkrka'-krgr nimu nide sele: “Gct, nim kc tqrkam bagr nzmnc-zpwxngr. Krka'-ngrgr kx na-atrq nidr mz da amrlx. Murde nztubq-krdr mz mqngrdr, nabzdr, x nrkrdrtqdr navz nakrlzbzle nzyzlu-krm Kxetu rgr Jiszs Kxnzmcpx.

Taetus 2:14

Murde rlrpx-lzbqngr Jiszs nzbz-krde nigu, murde na-arlapxle nigu x trnamnclzpepwzkuu mz zmatq ngr alwx, a' nzmnc-krgu natubq x nanginigu leplz nedeng kcng drtqdr tqvq mz nzale-krgu da kxmrlz mz nzobq-krde.

Hibru 9:12

X mz nzvztr-krde Mrkc Tqtr-esz'ngr Heven, tr-rtwztru mepyr ngr gout x kzu kxncblongr. A' vztr-ngrde mrlcde nzwrde esz'txu mz nzrlrpx-krde mepyr ngrde mz nzbz-krde, mz nzngini-krde blz angidr kc esz'txu. X batrpzle nzrlapx-alo-krgu.

Jemes 1:5

A' doa kx trkrlz-zpwxleu da kx na-alele narlxtibzle nzyrplapxngr mz Gct. Murde Gct abrtzlvzle nzrka-nrbalq-krbzle nzyrplapxngr mz krkcng amrlx tzrlxbzng bade.

1 Pita 1:2

Yrlq pnz Gct Trte drtwr kx namcpxle nimu mz nzngini-krmu doa kxnztr nedeng. X Mqngrkxtr atrle nimu x okatrle nimu mz nzvz-nqblq-krmu Jiszs Kxnzmcpx. Murde suti drtwr Gct kx naipqpxbzle alwx ngrmung mz mepyr ngr nzbzkr Jiszs. Krka'-ngrne kx Gct sa navz zvz nzkao-krbzle bamu zmrlz ngrde kxmyalz x nzmnc-zpwxngr.

2 Pita 1:1

Ninge Saemon Pita, wztrpo mz Jiszs Kxnzmcpx x ni-kzpc' aposol nede. Ryrbo bamu, nimu kcng tztwzlr nzrlxngitingr kcpwz tqka-kzp Gct bagr, mz nzngini-krgr aposol. Murde nzrlxngitingr lc tutr mz nztubqkr Jiszs Kxnzmcpx kc tqngi Gct x Mevalu rgu.

1 Jon 5:6

Rkx kcng tq nzaelwapx-ngrdr kx Jiszs nide angidr mrlx Gct. Rkx kx ayrnrngr lue. Murde mzli kc tqwrkxtrngr Jiszs, rpi Gct kx, “Krlc Mrlxde.” Rkx krali mepyr. Murde yrleo-ngrm Jiszs mepyr ngrde mz kros mz nzbz-krde nigu. X rkx kratq Mqngrkxtr kc tqmncpxm mz nabzgu. Murde drtwrde esz'ti badr Gct kx Jiszs nide Mrlxde. Delc rkx lcng tq, lue, mepyr, x Mqngrkxtr drtwrdr esz'ti mz nzaelwapx-krmlr bagu kx Jiszs nide Mrlx Gct.

Nzaelwapxngr 14:4

Trnzvz-nqblqlru nqmq kr lr nrlc, a' nidr leplz kx nzalqti-lzbqng mz nzapu-krdr ncblo o olvz kxnzmnc-kamelr. X nzvz-nqblq-zvzlr Nei Sip drlve ke vzkile. Leplz lcng xpetrpeng Gct mz lr nrlc, murde nayrlqpx-bekang mz nzwztr-krbzlr mz Gct x Nei Sip, da kc tqwai nzyrlqpx-beka-ngrbz mz Gct x Nei Sip nra nounc kcng ayrnrngr.

Nzaelwapxngr 5:9

Zbz sc tzngr-ngrdr kc nabz kxmrna, mz nzrpi-krdr kx, “Nipem ncblo kx rtwz skrol la, X takitrde nim, Nzrniglcngr kadol ngrdeng X nzrkawxpx-kzngr. Nim blz kx nznibqng. Mepyr ngrm yrleo. Xpetrle leplz neng Gct. Leplz lcng nzprpxmqng mz nou, natq, drtc', x Neidu amrlx mz nrlc. “Nim kx rvzmimqng leplz lcng amrlx, Nidr kxnzprpxmqng Mz nou, natq, x neidu, x drtc' amrlx Mrka mz nrlc tulvzo, Murde nangini-ngrdr Pris neng Gct rgu, Mz nzwztr-krbzlr bade. X nidr kx na-aclveng ncdr mz nrlc, Mz nrlc tulvzo, eu.”