1 Jon 4:1 - Natqgu

¹ Mzlengeng x inwengeng, aclvetio-lzbqamu kxnzakrlz kx mnckilzamu. Murde kxnzalvztr-rbrng nzkqlung, x natqdrng nzvzpxmqng mz drka'. Mz nzmu-krde lcde, abz-kaiamu natq amrlx mz nzrmc-krmu me nzvzkipxmlr.

1 Jon 4:1 ပူးပေါင်းရင်းမြစ်များ

Nrpakxmrlz Kx Yr Mak 13:21

Mzli lcde, nzmu kx tzrpibz leplz bamu kx, ‘Obqki lcmonr, Kxnzmcpx kc tqmnc mrkc!’ o ‘Obqkim ka, nide se tqmnckibzle ka!’ bzkq lxngitiamu nidr.

Nrpakxmrlz Kx Yr Luk 12:57

“A' nakrlzamu nike tubq x aleamu.

Nrpakxmrlz Kx Yr Luk 21:8

Rpibz Jiszs kx, “Aclvetio-lzbqamu mz da lcng. Bzkq nzapokiatitrlr nimu mz da kznikeng naprtz. Murde ncblo nakqlung sa navzmqng mz drtqnge, narpibzlr mz leplz kx, ‘Ninge Kxnzmcpx!’ X narpilr kx, ‘Mzli r Gct nzngini-krde king mz nrlc ka, se tqkaputrpem!’ A' bzkq ma-nqblqamu nidr.

Aposol 17:11

X nzvqtikr drtq lr Berea nzlalztq-krbzlr mz Pol myaszpxle lr Tesalonika. Murde nzabrtzlvzlr nztwz-krdr natqdeng. Mzbq kcng kqlu nzobqtitrlr Nzryrngrkxtr mz nzmc-krdr kx da lcng tqpi Pol ngi da zpwx o trtingr.

Aposol 20:29

Krlzx kx mz nibr nzrlasz-krnge nimu, ncblo kx nzapulr kuli kzpeto sa navzmqng mz mzlirmu, x narpilr naodatingr dzbe sip ne Gct.

1 Korint 12:10

zmatq ngr nzalengr da kxmatq, nzrplzpxngr nrpa kx kabz Gct, nzrglxngr namrlzur kxnzmncng mzlilxlr kc tqwz, nzycmne-ngrbz mz Gct mz natq lr mrkzbleng, x nzrpipxngr drtwr ngr natq lr mrkzble lcng.

1 Korint 14:29

X mou, rlrtx-ngrpwo leplz nali o natq kx narplzpxng nrpa kx kabz Gct badr. X kztedrng naobqtrpzng mz nrpa lcng mz nzrkrlzngr kx nztubqng amrlx o mwx kzdung natqdrng vz-rbr, murde drtwr ngrdr tr-rsakrlr-ngru mz Nzryrngrkxtr. Mz nibr nzycmnekr kzdq doa, vz-nqblq-mouamu nqmq lc x rlr-ngrbzmu mz kzdung kz leplz kxli o tq nzplzpx-kz-krdr nrpa kx kabz Gct badr.

1 Tesalonika 5:20

Bzkq apusr-ngrnamu natq x nrpa kc tqaelwapx-ngrbz Mqngrkxtr mz leplz brmrda.

1 Tesalonika 5:21

A' mzli kc tqrpingr kzdq ncblo kx natqde aelwa-ngrbz Mqngrkxtr, naobqtitr-kaiamu da amrlx. X yrlq-zvzamu natq kxmrlz.

2 Tesalonika 2:2

Bzkq rlr-ngrbzmu mz leplz nzatalvzo-krdr x nzataprlz-krmlr nabzmu, mz nzrpi-krbzlr bamu kx, “Mzli kc navz-ngrm Kxetu kaputr-pnzm.” Murde mzli lc trvzkap. Kxmule-esz' nzrpilr kx da lc aelwa-ngrbz Mqngrkxtr, o nzpibzlr da lc mz nzalvztrngr, o mz nrpa kx nzrpilr kx atwzlr-ngrbzkr,

1 Timoti 4:1

Mqngrkxtr pipx-angidrle kx mzli lcng navztrp, kzdu leplz sa na-axtxbzlr nzrlxngitingr angidr. X sa navz-nqblqlr nzalvztrkr drka' kxnzpokiang.

2 Timoti 3:13

A' leplz kxdrka'-ngrng badr kxnzpokia-ngrdr kxnzlxngitilr Jiszs, nztrka-krdr sa naetunepx zvz. X sa naesabrtilr leplz murde nzesabrti-kaing.

2 Pita 2:1

Mzli kc bqnc, profet kxnzpokiang kxkqlu nzmncpxmqng mz mzlir lr Israel. X mz nqmq lcdepwz, kxnzalvztr-rbrng sa naprtz-kzpqng mz mzlirmu. X sa na-alvztr-rbr-ngrdr nimu da kx na-atrka-atwrnr-ngrde nzrlxngiti-krmu. X sa naesablqti-kzlr Kxetu Jiszs kc tqxpepxle nidr. X mz da kxtrka lcng tzaletilr, sa naodati ani Gct nidr.

1 Jon 2:18

Doa nengeng mz Kraes, xlrpeamu kx mzli kc nayrkrpxngr nrlc, Enqmi Kxetu ngr Kraes sa navzm, kc narpwa'-ngrde nzwzkr Kraes amrlx. X mzli ka krlzku kx ycpe pipz nzyrkrpxkr nrlc, murde leplz kxnzkqlung kx nznginidr kz enqmi r Kraes, nzmncpemqng bagu.

1 Jon 2:7

Mzlengeng x inwengeng, mzli kc tqlxngiti-ate-ngrnamu Kraes, xlramu natq kx namrlzti-lzbqku. Natq lc trngiu natq kxmrna, murde krlztipeamule mzli boipe.

2 Jon 1:7

Aclvetio-lzbqamu, murde kxnzakrlzng kxnzpokiang nzkqlung nzmncpemqng bagu, x nzrpilr naesabrtilr nimu. Leplz lcng trnzlxngitilru nzvz-krm Jiszs Kxnzmcpx mz nrlc nzngini-krde leplz. Krlc nzalvztrkr Enqmi Kxetu ngr Kraes, kc tqngi kz Kxpokia. Bzkq vz-nqblqamu lrpzki rdr kx vz-rbr. Murde mz nzvz-nqblq-krmule, trnatwzpewamuu da amrlx kx navzpxmqng mz nzwztr-krbzku mz Kraes.

3 Jon 1:11

Mrlxnge, bzkq vz-nqblqq nqmq krde lcng tqtrka. A' vz-nqblqpwz nzmncngr kxtubq, murde krkc tqalele da kxtubq, nide doa ne Gct. A' krkc tqalele da kxtrka, trtxpnzngr nzkrlz-krde Gct.

Nzaelwapxngr 2:2

Krlzpex nqmq krmu, nimu lr Efiszs. Wz-katoamu x tu-amqngi-zvzamu mz nzvz-nqblq-krmamu ninge. Krlz-kzx kx pxtxpx-ngrnamu leplz kcng nqmq krdr tqtrka. X obqplxtrpeamu ncblo kcng tzrpilr nidr kxnzakrlzng ne Kraes, a' trtingr. X rmctitrpzmu kx nzpokiang, x nqmq krdr rngidrlvz-ngrbzmu mz leplz kx bzkq nzvz-nqblqlr.