1 Jon 3:19 - Natqgu

¹⁹ Mz nzmrlzti-lzbq-krgu lc, nakrlz-angidrku kx nigu doa nedeng. X mzli kc tqkrka'-ngrgu nakrlz-kzku mz nabzgu kx mrlztile nigu.

1 Jon 3:19 ပူးပေါင်းရင်းမြစ်များ

Sam 119:56

Iklr ninge murde nabznge napq, X na-ale-zvzx nzalvztr-krmqng.

Nrpakxmrlz Kx Yr Jon 13:35

Mz nzmrlzti-lzbq-krmu lc, sa na-aelwapx-ngrbzmu mz leplz amrlx nzngini-angidr-krmu leplz nengeng.”

Nrpakxmrlz Kx Yr Jon 18:37

X rpi-mopwz Paelzt kx, “?Mz nzmu-krde lcde, ni-zpwxm king?” Rpibz Jiszs kx, “Eu, sa tqmrlz nzrpi-krm ninge king. Dekc tqvz-ngrmc x mzke' tzmc-ngrde mz nrlc, murde naycmnetr-ngrne da angidr. X doa amrlx kcng tzmrlzbz badr da angidr sa navz-nqblq-angidrlr ninge.”

Nzryr-krbz Pol Mz Lr Rom 4:21

Murde brti zvz drtwrde kx sa na-alele da lc.

Nzryr-krbz Pol Mz Lr Rom 8:38

Murde lxngiti-angidrx kx trpnzngr doa x da kx na-aovxiole nivz lrde. Kxmule-esz' nzlungr o nzbzngr, a' xngi-zvzpebzku nivz lrde. Kxmule-esz' kxnzmncng mzlilxlr kxnzxplrng x kxnzmatqng, a' trnzkrlzlru nzodati-krdr nivz lc. Kxmule-esz' da kx prtz mzli ka o mzli lc navzm, a' nivz lrde tqyc tqyc. Kxmule-esz' lr Heven, o lr Hxl, o doa x da kznikeng kz wzngr Gct, a' nivz lrde talvzpxle da amrlx. Trtxpnzngr doa o da kx na-aovxiole nivz lr Gct kc tqrmctiku mz Kxetu rgu, Mevalu Jiszs.

2 Timoti 1:12

X mzli ka, mz nzwztr-krnge lc mz Nrpakxmrlz, dekc tqaetqmle drtqnge x tqmncpx-ngrmc mz presin. A' trmya-ngru drtqnge. Murde krlzx Gct kc tqabrkitrx drtwrnge. X lxngitix kx sa nabatrple Nrpakxmrlz kc tqaprcmle bange nzryapwxtipx-zvzngr nakrlzbzle nzyzlu-krm Jiszs.

Hibru 11:13

Ncblo kxnzetu lcng nzbzmitxolr nzbrtikr drtwrdr Gct, kxmule-esz' trnztwzlru da amrlx kcng tqesalz-ngrbzle badr mzli kc tzmnc-ngrdr mz nrlc. A' se tzkrlzlr kx namclr kalr, x nzabrtzlvzlr. X trmyamiu naodr nzrplzpx-krdr kx nzapunepwzlr lr narnrlc x lr mrkzbleng kx nzoklamqng mz nrlc ka.

1 Jon 1:8

Nzmu narpiku kx trpnzngr alwx rgung, esabrti-lzbqku x pxtxpx-ngrgu da angidr.

1 Jon 2:21

Trpi-ngrpou da lcng bamu murde trkrlzwamuu da angidr. Trtingr! A' yr-ngrboleng bamu murde na-amqngile da angidr kc tqkrlzpeamu. Murde mz nzkrlz-krmu da angidr lc trpnzngr nzpokiangr kx krlzle nzesabrti-krde nimu.

1 Jon 3:14

A' nzmrlzti-krgu kztegung kxnzrlxngiting, aelwapx-ngrde kx rlapxpeku mz nzbz-alongr x prtrpeku mz nzlungr kxboi. A' krkcng trnzmrlztilru leplz neng Kraes, nzmnclzbzng mz zmatq ngr nzbz-alongr.

1 Jon 3:20

Kzdung mzli, mz nztao-krgu mz alwx, drtqgu mya, x trxngipebzkuu nivz lrde mz nabzgu. Kxmule-esz', a' Gct krlz-zpwxle da kx ycpxm mz nabzgu x nivz lrde myaszpx-zlwzle da lcng amrlx.

1 Jon 3:21

Doa nengeng, mz nzkrlz-krgu mz nabzgu kx trvz-rbrkuu, nelzgu nabr mz nzkrka'-krbzku bade.