1 Jon 2:5 - Natqgu

⁵ Murde krkcng tzyrlq-angidrlr natq Kraes, nzmrlzti-angidrlr Gct. X aelwapx-ngrgu kx nzaxvctrpebzku mz Kraes,

1 Jon 2:5 ပူးပေါင်းရင်းမြစ်များ

Sam 105:45

Murde leplz nedeng navz-nqblqlr loukxtr scdeng X nayrlq-angidrlr natqdeng. Naglqpxku Yawe.

Sam 106:3

Yawe, natqm rpile kx sa namrlzbz mz leplz kcng tzaleng da kxtubq, X trpnzngr da kxtrka mz nzao-krdr drtwrdr.

Sam 119:146

Yrnimi-zvzbo bam nzarlapx-krm ninge, Murde nayrlq-angidrx Loukxtr scm.

Sam 119:2

X namrlz-kzpz mz krkcng tzlxngitilr natqm, X nzrtangrtilr nim mz nabzdr atwrnrngr,

Sam 119:4

Alvztr-zvzq nigr Murde nalolvz-amqngikr nqmq krm.

Nrpakxmrlz Kx Yr Luk 11:28

A' rpibz Jiszs kx, “Eu, a' sa namrlz-kzpz mz leplz kcng tzxlrng natq Gct x nzvz-nqblqlr!”

Nrpakxmrlz Kx Yr Jon 14:21

Doa kx yrlq-angidrle natqnge, mrlztile ninge. X mz nzmrlzti-krde lc ninge, sa namrlzti kz Trtenge nide. X sa namrlzti-kzx nide x na-aelwa-lzbq-ngrbo bade.”

Nrpakxmrlz Kx Yr Jon 14:23

Rpibz Jiszs bade kx, “Doa kx mrlztile ninge yrlq-angidrle natqngeng. X mrlzti zlwz Trtenge, x sa navzmgr x namncpx-kzpgr bade.

Nrpakxmrlz Kx Yr Jon 15:5

“Ninge nounc x nimu nrlangeng. Doa kx axvctr-lzbqbz bange x mncbo bade, sa nado zlwz. Trpnzngr da kxmrlz kx nartrngztibzmu nzmu trna-axvctr-lzbqpwa'muu bange.

Nrpakxmrlz Kx Yr Jon 6:56

X doa kx ngqde ncvrnge x mnqle mepyr rnge, mncpxm bange x mncpebo bade.

Nzryr-krbz Pol Mz Lr Rom 8:1

Mz da kcng amrlx tqpipebo, nakrlzamu kx mzli ka trpengr nztwz-krgu nzayrplapxkr Gct nigu mz nzvz-rbr-krgung, murde sc tzaxvctrpebzku mz Mevalu Jiszs.

1 Korint 1:30

Murde nzaxvctr-krbzku mz Mevalu Jiszs trvzpxpuu mz da kcng tqaleku x mz nqmq krgu, a' vzpxm mz nzwzkr Gct. Murde Gct yrlqle drtwr kxyrplapx, kx nangi Jiszs kx na-atubqtile nigu mz nzobq-krde. X Jiszs kc naokatrle nigu, murde nanginigu leplz kxtr neng Gct. X ni-kzde kc naxpepxle nigu mz zmatq ngr alwx, murde namncku badr Heven.

2 Korint 5:17

Leplz amrlx kcng tzabrtrpzlr drtwrdr mz Kxnzmcpx nztekqtr-atwrnrpe-ngrng. Murde Gct tekqtrle nqmq krdrng kxblzlongr kxtrka mz nqmq kzbleng kxmrlz.

2 Korint 5:21

Kraes tubq murde trpnzngr alwx ngrde. A' Gct rlr-ngrbzle bade nzayrplapxngr nide mz nzxpe-krde alwx rgung amrlx, murde natubq-kzku mz nzobqkr Gct mz nzaxvctr-lzbq-krbzku mz Kraes.

Jemes 2:22

Mz nzmu-krde lcde, opx angidr kx nzlxngiti-krde Gct vzmi nzvz-nqblq-krde natqde. Atutrle nzrlxngiti-krde mz da kx alele mz nzvz-nqblq-krde natq Gct.

1 Jon 3:24

X krkc tqmnc-nqblq-angidrle natq Gct, sc tqaxvctr-lzbqpe-kzpz mz Gct x Gct axvctr-lzbqpebz bade. X Mqngrkxtr kc tqavzomle bagu pi-zvzmle da lc mz nabzgu.

1 Jon 4:17

Mz nzaxvctr-krbzku mz Kraes, tekqtrle nigu murde nivz lrgu na-apupwzle nivz lrde. X na-apuku nide mz nzmnc-krgu mz nrlc ka. Mz nzmu-krde lcde, nelzgu nabrpe mz nztutr-krbzku mz mz Kraes mzli kc nayzlu-ngrmle.

1 Jon 4:18

Doa kx mwxlrtile nzayrplapxkr Gct nide mzli lcde, trkrlzkale kx Gct mrlztile nide. Murde mz nzkrlz-angidr-krde nivz lr Gct mz nabzde, trpnzngr zmwxlr kx naycpx-kzp elr.

1 Jon 5:2

X nzmrlzti-krgu lc doa nedeng vzpxm mz nzmrlzti-krgu Gct x nzvz-nqblq-krgu natqde.

1 Jon 5:20

X krlz-kzku kx Mrlx Gct vzm mz nzokatr-krde nigu murde nakrlz-zpwxku Gct angidr. X na-axvctrpzku bade mz nzaxvctr-lzbqpe-krbzku mz Mrlxde Jiszs Kxnzmcpx, kc tqngi kz Gct angidr x nou nzlungr kxboi.

2 Jon 1:6

Aelwapx-ngrgu nzmrlzti-krgu Gct mz nzvz-nqblq-krgu natqde. X natq kx kapxle mzli kc kai nide sele. “Namrlzti-lzbqku!”

Nzaelwapxngr 12:17

Zbz Mepwz kc sc tqngyatipe drtwrde olvz kc, x sc tqvzpe mz nzvec-krdr badr kzdung kz doa nedeng, kcng tzvz-nqblqlr Loukxtr sc Gct, x tzlxngitilr natq angidr kcng tqpipx Jiszs.

Nzaelwapxngr 14:12

Drtwr ngrde kx nimu leplz neng Gct, kcng tzyrlq-angidrlr natqde x tzvz-nqblq-zvzlr Jiszs, na-abrtrpzmu drtwrmu bade mz nzaenzli-krmu, murde sa na-ale Gct nike pipxle.