1 Jon 2:10 - Natqgu

¹⁰ A' krkc tqmrlztile kztedeng, myapxbz kxnzrlxngiting, vz-nqblqle nivz lr Kraes, x nqmq kr Gct yc mz nabzde. X trpnzngr da kxtrka kc tqyc mz nabzde mz nzbatr-krbzle nzatrkati-krde kztedeng.

1 Jon 2:10 ပူးပေါင်းရင်းမြစ်များ

Sam 119:165

Krkcng tzmrlz badr Loukxtr scm, nzmnc-zpwxng. X trpnzngr doa x da kx na-ataole nidr.

Matiu 13:21

A' natq Gct trpnzngr dzbrde x trvzou la mz nabzdr. Nzrlxngiti-krdr mrbcnepwz, murde rblx nzlolvz-amqngi-krdrle mzli kc tqprtztingr nzkxpungr x nzatalzngr kcng tzvzpxmqng mz nzrlxngitingr.

Nrpakxmrlz Kx Yr Jon 11:9

A' ayzlu-ngrmle natqgr mz kzdq nzycmne-ebzpxngr. Rpimle kx, “Na-aoti drtwrmu nrlckxngrlx x nrlckxbq. Mz nzvz-nqblq-krnge me pnz Trtenge, apux ncblo kx vzne mz nrlckxngrlx. Trtaou mz nzmnc-krde, murde vz-nqblqle da angidr. A' doa kx trvz-nqblqleu natq Gct apule ncblo kx vzne mz nrlckxbq. X tao mz alwx murde da angidr lc trycpxpuu mz nabzde.”

Nrpakxmrlz Kx Yr Jon 12:35

Rpibz Jiszs badr kx, “Apux zyzlr. A' sa namncbepo bamu mzli kxpipz. Mz nzmu-krde lcde, navz-nqblqamu nzalvztr-krngeng mzli ka tqmncbe-ngrbo bamu, murde ma tqtaoamu mz alwx kc tqakamrbr-ngrbzle da mz nabzmu. Murde doa kx vz-nqblqle da kx tropxu vz-rbr zvz.

Nrpakxmrlz Kx Yr Jon 8:31

Sc tqrpipebz Jiszs mz lr Jiu kxnzlxngitilr nide kx, “Mz nzyrlq-angidr-krmu natqnge, aelwapx-ngrde kx nimu leplz nengeng. Delc nakrlz-zpwx-ngrnamu da angidr, x da angidr lcde sa na-aopxbzle drtqmu.”

Nzryr-krbz Pol Mz Lr Rom 14:13

Mz nzmu-krde lcde, bzkq vz zvz nzpikiti-lzbq-krmu. A' na-aoti drtwrmu kx bzkq aleamu da kx na-atrkatile nzrlxngitikr kztemung o na-ataole nidr mz alwx.

Filipae 1:10

X nakrlzamu nzrmcpxngr da kx brngz-esz'ngr, x nzmnc-krmu natubq x natr nakrlzbzle mzli kc Kraes nayzlu-mou-ngrmle.

2 Pita 1:10

Mz nzmu-krde lcde, kx mzlengeng x inwengeng, navqti drtqmu mz nzmnc-nqblq-zvz-krmu nqmq lcng mz nzaelwapx-krmu kx prtr-angidrbzmu mz leplz kcng tqkqleng Gct x tqmcpxleng. Murde mz nzale-krmu da lcng, trtxpnzngr nzyrlqpx-lzbq-krmu mz nzrlxngitingr.

1 Jon 2:11

Doa kx trmrlztileu kztedeng mnc-mrbr, x nqmq krde trka. Alwx ngrdeng nzakamrbr-ngrdr da mz nabzde x lrpzki rde tutr mz Hxl. Apule mrlx kx vzne mz nrlckxbq x trmcleu me navzkile.

1 Jon 3:14

A' nzmrlzti-krgu kztegung kxnzrlxngiting, aelwapx-ngrde kx rlapxpeku mz nzbz-alongr x prtrpeku mz nzlungr kxboi. A' krkcng trnzmrlztilru leplz neng Kraes, nzmnclzbzng mz zmatq ngr nzbz-alongr.