ತಿತನೆ 3:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಅಪ್ನೊ ರಕ್ಷಕ ಥಯಲ ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪವಿತ್ರ ಆತ್ಮಾ ಅಪೊಪರ ರಿಚಾ಼ಯೊಸ.

ತಿತನೆ 3:6 ပူးပေါင်းရင်းမြစ်များ

ಯೊಹಾನ 1:16

ತಿನಿ ಕರುಣಾ ವರಿ ಪರಿಪುರ್ಣ ಕೃಪಾಕ್ಹು ಭರಲ ವ್ಹತ್ತೊ. ತಿನಾಕ್ಹುಜ ಅಪೆ ಕ್ಹಾರಾ ಮನಕ್ಹೊ ಆಶಿರ್ವಾದ ಪರ ಆಶಿರ್ವಾದ ವ್ಹಂದ್ಯಾ.

ಯೊಹಾನ 16:7

ತೆನೈಸೊ ಮಿ ತುಮೊನೆ ಕ್ಹರಿಜ ಕೌಸ. ಮಿ ಜಾ಼ವಾನು ತುಮಾರಾ ಚೊ಼ಕಾನಾ ಹುತಿಜ ವ್ಹೈ ಕಾಕದ್ಯಾಮ ಮಿ ಗೈನ ಸಹಾಯಕನೆ ತುಮೊಕನ ವಳೌಸ. ಮಿ ನೈ ಗಯೊಮ, ಸಹಾಯಕ ತುಮೊಕನ ನೈ ಆತೊ.

ಯೊಹಾನ 4:10

ಯೆಸು ತಿನೆ"ಕ್ಹುದಾ ಸು ದಿವಸ ಕವಾನು ತುನೆ ಗ್ವತ್ತ ನತ್ತಿ ಪಾನಿ ಪುಚ್ತಾಮಾ ಮಿ ಕುನ್ನ ವ್ಹೈ ಕವಾನು ತುನೆ ಗ್ವತ್ತ ನತ್ತಿ. ತುನೆ ಎ ಕ್ಹಾರು ಗ್ವತ್ತ ರ‍್ಹವತ್ತೊ, ತು ಮಕನ ಮಾಂಗಿಲೆತಿತಿ, ವರಿ ಮಿ ತುನೆ ಜಿವ ಜಲ ದೆತೊತೊ "ಕದ್ಯೊ.

ಯೊಹಾನ 7:37

ಸನ್ನನು ಲಾಸ್ಟ ದಿನ್ನ ಐಯುತು. ತೆ ಕ್ಹಾರಾತಿ ಕಾಸ ದಿನ್ನ ಐಯು ತೆ ದಿನ್ನೆ ಯೆಸು ಹುಬ್ರೈನ, ಜೊ಼ರ ವದ್ರಿನ "ಕಿನೆಬಿ ತರಕ್ಹ ಲಾಗಲ ರ‍್ಹಯಮ ತೆ ಮಕನ ಐನ ಪಿವಾದೆ.

ಅಪೊಸ್ತಲೊ 10:45

ಪೆತ್ರಾನಾ ಕ್ಹಾತೆ ಆಯಲ ಯೆಹುದಿನಾ ವಿಶ್ವಾಸಿಯೊ ಥಂಡಾ ಥಯಾ. ಯೆಹುದಿ ನೈಸೊ ಮನಕ್ಹೊನೆಬಿ ಪವಿತ್ರ ಆತ್ಮಾನಿ ವರಾ ಉತ್ರಿನ ಆಯಲ ದೆಕಿನ ತ್ಯುನೆ ಘಾಬ್ರಾ ಥಯಾ.

ಅಪೊಸ್ತಲೊ 2:33

ಯೆಸು ಸ್ವರ್ಗನೆ ಗಯೊ. ಹಮ್ನಾ ಯೆಸು ಕ್ಹುದಾನಾ ಕ್ಹಾತೆ ಛೆ, ಕ್ಹುದಾನಾ ಸಿದಾ ಬಗಲ ಛೆ. ಹಮ್ನಾ ಬಾ (ಕ್ಹುದಾ) ಪವಿತ್ರ ಆತ್ಮಾ ಯೆಸುನೆ ದಿದ್ಯೊಸ. ಪವಿತ್ರ ಆತ್ಮಾ ದಿವ್ಸ ಕೈನ ಕ್ಹುದಾ ವಾಗ್ದಾನ ಕರ‍್ಯೊತೊ. ತಿನಾಹುತಿ ಯೆಸು ಹಮ್ನಾ ತೆ ಆತ್ಮಾನೆ ದಿದ್ಯೊಸ. ತುಮೆ ದೆಕಾನು ವರಿ ಐಕಾನು ಆಜ ವ್ಹೈ.

ರೊಮಾಪೂರ 2:4

ಕ್ಹುದಾ ತುಮಾರಿ ವಿಷಯಮಾ ಘನ್ನು ಮರಗಾಲೊ ಥಯೊಸ; ತಡ್ದಿಲಿವಾಲೊ ವ್ಹೈ. ತುಮೆ ಬದಲಿ ಥೌ ಕೈನ ಕ್ಹುದಾ ತುಮಾರಾ ಹುತಿ ಕೈದಾಡ್ಯೊಸ. ವರಿಬಿ ತುಮೆ ತಿನಿ ಮರಗಾನಾ ಹುತಿ ವಿಚಾರ ಕರತಾ ನೈ. ತುಮೆ ತುಮಾರಿ ಮನಸೊ ಜಿವ್ನಾ ಬದಲಿ ಕರಲಿವಾನೆ ಥಾವಸ ಕೈನ ಕ್ಹುದಾನಿ ಮರಗಾನೆ ತಿಳ್ದಿಲಿದ್ಯಾವಾಚಿ ಛೆ.

ರೊಮಾಪೂರ 5:5

ಎ ಆಸ ಅಪೊನೆ ಕೆಳಾಮಾಜ಼ ನಿರಾಶ ಕರತು ನೈ. ಕಾಕದ್ಯಾಮ ಕ್ಹುದಾ ಅಪೊನೆ ದಿದಲ ಗಿಫ್ಟ ಪವಿತ್ರ ಆತ್ಮಾನಾ ಮುಲಕ ತಿನಿ ಮಯಾ ಘನ್ನಿ ದೆಕಾಡ್ಯೊಸ.

ರೊಮಾಪೂರ 8:2

ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ನಿಲಯ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ‍್ಯುಸ.

ಎಫೆಸ 3:8

ಕ್ಹುದಾನಾ ಮನಕ್ಹೊಮಾ ಮಿಜ಼ ನ್ಹಾನೊ ವ್ಹೈ. ಕ್ರಿಸ್ತನಿ ಆಸ್ತಿನಾ ಹುತಿ ರ‍್ಹಯಲ ಸುವಾರ್ತೆನೆ ಮಿ ಯಹುದ್ಯೊ ನೈಸೊವಾಲಾವೊನೆ ತಿಳಸೌ ಕೈನ ಕ್ಹುದಾ ಮನೆ ಕೃಪಾ ವರ ದಿದ್ಯೊ. ತೆ ಆಸ್ತಿ ಪುರಾ ಕಳೈಲಿವಾನೆ ಸಾಧ್ಯ ನತ್ತಿ.

ಎಫೆಸ 4:2

ಕೆಳಾಮಾಬಿ ತಗ್ಗಿನ, ವರಿ ತಾಳ್ಮೆಕ್ಹು ರ‍್ಹಯಲವಾಲಾ ಥೈನ ಯಕ್ನೆ ಯಕ್ಕ ಮಯಾಕ್ಹು ತಡ್ದಿಲಿನ ರ‍್ಹವೊ.

1 ತಿಮೊತಿ 6:17

ಇಹಲೊಕನಾ ವಿಚಾರಮಾ ಸೌಕಾರ ರ‍್ಹಯಲ ಮನಕ್ಹೊನೆ ಎ ಆಗನ್ಯಾ ತಿಳಸಾ. ಗರವ ಕರ‍್ಯಾವಾಚಿ ದೊಕಡಾನಾ ಪಾಚೊ಼ ಪಡ್ಯಾವಾಚಿ ಕ್ಹುದಾಪರ ಆಸ ಮ್ಹೆಲ್ಯಲವಾಲೊ ಥೈನ ತ್ಯುನೊನೆ ತಿಳಸಾ. ದೊಕಡಾ ಬರೊಕ್ಹೊನಾ ನ್ಹವೈ. ಕ್ಹುದಾತುಬಿ ಅಪ್ನಾ ಕ್ಹುಷಿನಾಹುತಿ ಕ್ಹಾರು ಅಪೊನೆ ದಿವಸ.

ತಿತನೆ 1:4

ಮಿ ಎ ಪತ್ರ ತಿತಾನೆ ಬರ್ದಾಡ್ಯೊಸ. ಅಪ್ನೊ ಬರೊಕ್ಹೊ ಸಂಬಂಧಮಾ ತು ಕ್ಹರಿನೊಜ಼ ಮಾರೊ ದಿಕ್ರಾನಿಂಗತ ಛೆ. ಮಾರೊ ಬಾ ಥಯಲ ಕ್ಹುದಾಕಂತೊ ವರಿ ಅಪ್ನೊ ರಕ್ಷಕ ಥಯಲ ಯೆಸು ಕ್ರಿಸ್ತ ಕಂತೊ ತುನೆ ಕೃಪಾ ವರಿ ಶಾಂತಿ ಮರಗಾ ಮಳಾದೆ.