ತಿತನೆ 3:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ತೆ ಅಪೊನೆ ವಚಾ಼ಡಲ ತಿನಿ ಮರಗಾಕ್ಹುಜ಼ ವ್ಹೈ ಚೊ಼ಕಾಥಾವಾನೆ ಅಪೆ ಕರ‍ಲ ಕಾಮೊಕ್ಹು ನ್ಹವೈ. ತೆ ಅಪೊನೆ ಅಂಗ ಧವಾಹುತಿ ಪವಿತ್ರ ಆತ್ಮಾಕ್ಹು ನವಾ ಕರಿನ ವಚಾ಼ಡ್ಯೊ.

ತಿತನೆ 3:5 ပူးပေါင်းရင်းမြစ်များ

ಮತ್ತಾಯ 3:11

ತುಮಾರಾ ಮನಸೊ ಕ್ಹುದಾ ಬಗಲ ಫರ್xಯಾಸ ಕವಾನೆ ದೆಕಾಡಾನಾ ಹುತಿ ಮಿ ತುಮೊನೆ ಪಾನಿಮಾ ಬಾಪ್ತಿಸ್ಮಾ ಕರೌಸ. ತೆನೈಸೊ ಮಾರಾ ಪಾಚೊ಼ ಆವಾಲೊ ಮಾರಾತಿ ತಾಕತವಾಲೊ ವ್ಹೈ. ತಿನಾ ಚಪ್ಲೊ ಛೊಡಾವಾನೆಬಿ ಮಿ ಯೊಗ್ಯ ನ್ಹವೈ. ತೆ ತುಮೊನೆ ಪವಿತ್ರ ಆತ್ಮಾಮಾ ಆಗಮಾ ಬಾಪ್ತಿಸ್ಮಾ ಕರಾವಸ.

ಲುಕ ಬರ್ದಲ ಸುವಾರ್ತಾ 1:50

ಕ್ಹುದಾನಾ ಭೆಮಾ ವರಿ ಭಕ್ಕತಿಮಾ ರ‍್ಹಯಲವಾಲಾವೊಪರ ತಿನಿ ಮರಗಾ ಕೆಳಾಮಾಬಿ ತ್ಯುನೊಪರ ರ‍್ಹವಸ.

ಲುಕ ಬರ್ದಲ ಸುವಾರ್ತಾ 1:54

ಕ್ಹುದಾ ಅಪ್ನಾ ಪುರ್ವಜೊನೆ ವಾತದಿದಲ ಪುರಾ ಕರ‍್ಯೊಸ. ಅಪ್ನೊ ಮುಲ ಪಿತಾ ಥಯಲ ಅಬ್ರಾಹಮನಾ ಖಾಂದಾನವಾಲಾವೊನೆ ಕೆಳಾಮಾಬಿ

ಲುಕ ಬರ್ದಲ ಸುವಾರ್ತಾ 1:72

ಕ್ಹುದಾ ಅಪೊನೆ ಮರಗಾ ದಿವಾ ಹುತಿ ಅಪ್ನೊ ಪಿತೃ ಥಯಲ ಅಬ್ರಹಾಮನೆ ಪವಿತ್ರ ವಾತ ದಿದಲ ಶೆ ಮ್ಹೆಲ್ಯೊಸ.

ಲುಕ ಬರ್ದಲ ಸುವಾರ್ತಾ 1:78

ಅಪ್ನೊ ಕ್ಹುದಾ ಮರಗಾಲೊ ವ್ಹೈ ವರಿ ತೆ ಅಪ್ನೊಪರ ರಕ್ಕಷಣೆನು ಉಜಾಲು ದಿವಾಲೊ ವ್ಹೈ.

ರೊಮಾಪೂರ 11:14

ಮಿ ಮಾರಾ ಸ್ವಂತ ಮನಕ್ಹೊಮಾ ಅಸೈ ಕರಿನ ತ್ಯುನೊಮಾ ದಕ್ಹಾಜ಼಼ನಾ ತುಬಿ ರಕ್ಷಣೆ ಹೊಂದಿಲಿವಾ ವರಕ್ಹು ಕರುಸ ಕೈನ ಆಸ ಮನೆ ಛೆ.

ರೊಮಾಪೂರ 11:6

ಕ್ಹುದಾನಿ ಕೃಪಾಕ್ಹು ಇನಿಲಿದಲವಾಲೊ ಕದಲ್ಪರ ಪುಣ್ಯನಾ ಕಾಮೊನಾ ಹುತಿ ಇನಿಲಿದಲ ನ್ಹವೈ ತೆಕ್ಲುಜ಼; ತಿಮ್ಮ ನೈಸೊ ಪಕ್ಷನೆ ಕೃಪಾನೆ ಹಜು಼ನಬಿ ಕೃಪಾ ನೈ ಕವಾನೆ ಥಾತು.

ರೊಮಾಪೂರ 12:2

ಎ ದುನಿಯಾ ರ‍್ಹಯಲಲಿಂಗತ ನೈ ರ‍್ಹಯಾವಾಚಿ ಮನಸ ಬದ್ಲಿ ಕರಲಿನ ನವು ಮನಸ ಕರಲಿನ ರ‍್ಹವೊ. ತೆಳಾಮಾ ತುಮೆ ಕ್ಹುದಾನಿ ಚಿತ್ತನಾ ಲಿಂಗತ ಕಯು ಚೊ಼ಕು ವ್ಹೈ, ಕಯು ಕೆಟ್ಟ ವ್ಹೈ ಕವಾನು ತಿಳ್ದಿಲಿವೊಸಿ.

ರೊಮಾಪೂರ 3:20

ಕಾಕದ್ಯಾಮ ಧರಮಶಾಸ್ತ್ರ ಲಿಂಗತ ಚಾ಼ಲಾನಾ ಮುಕಾಂತರ ಕಯೊಜ಼ ಮನಕ್ಹ ಕ್ಹುದಾನಿ ನಜ಼ರಮಾ ನಿತಿವಂತವಾಲಾ ಥಾವಾನೆ ಕಿನೆಜ಼ ಸಾದ್ಯ ನತ್ತಿ. ಧರಮಶಾಸ್ತ್ರ ಅಪೆ ಕರಲ ಪಾಪೊ ದೆಕಾಡಿನ ದಿವಸ.

ರೊಮಾಪೂರ 3:28

ಲಾಸ್ಟಮಾ ಮಿ ಅಮ್ಮ ಕೌಸ ಕಯೊಬಿ ಧರಮಶಾಸ್ತ್ರನಾ ಕಾಮೊಕ್ಹು ನೈ ತೆನೈಸೊ ಬರೊಕ್ಹಾಕ್ಹುಜ಼ ತೆ ನಿತಿವಂತ ವ್ಹೈ ಕೈನ ಕವೈಲಿವಸ.

ರೊಮಾಪೂರ 4:5

ತೆನೈಸೊ ಯಕ್ಲೊ ತೆ ಕರಾನು ಕಾಮ ಪರ ಬರೊಕ್ಹೊ ಕರಾತಿ ಕ್ಹುದಾಪರ ಬರೊಕ್ಹೊ ಮ್ಹೆಲಸ. ಕ್ಹುದಾ ಕೆಟ್ಟ ರ‍್ಹಯಲವಾಲಾನೆ ಧರಮಿ ಕರಾಲೊ ಕ್ಹುದಾ ವ್ಹೈ. ತೆ ಕ್ಹುದಾಪರ ಬರೊಕ್ಹೊ ಮ್ಹೆಲಲ ಎ ಬರೊಕ್ಹೊ ತಿನೆ ಕ್ಹುದಾನಿ ನಜ಼ರಮಾ ನಿತಿವಂತ ವ್ಹೈ ಕೈನ ದೆಕಾಡಿನ ದಿವಸ.

ರೊಮಾಪೂರ 9:11

ತೆನೈಸೊ ತೆ ಭಂಬಿ ಪಟ್ಟಾ ಹುಟ್ಟಾತಿ ಪೈಲಾಜ಼, ಕ್ಹುದಾ ರೆಬೆಕ್ಕಕಳನೆ"ಮ್ಹೊಟೊ ರ‍್ಹಯಲವಾಲೊ ನ್ಹಾನಾ ರ‍್ಹಯಲವಾನೆ ಸೆವೆ ಕರಸ "ಕದ್ಯೊ. ತೆ ಪಟ್ಟಾ ಕಯುಜ಼ ಕೆಟ್ಟ ರ‍್ಹವಾದೆ ಚೊ಼ಕು ರ‍್ಹವಾದೆ ಕರಾತಿ ಪೈಲಾಜ಼ ಎ ಕ್ಹಾರು ಥಯು. ಕ್ಹುದಾ ತೆ ಪಟ್ಟಾನೆ ತಿನಾ ಸ್ವಂತ ವಿಚಾರಕ್ಹು ಇನಿಲಿದಲ ಹುತಿ ತೆ ಪಟ್ಟಾ ಹುಟ್ಟಾತಿ ಪೈಲಾಜ಼ ಇಮ್ಮ ಕದ್ಯೊ.

ರೊಮಾಪೂರ 9:16

ತಿನಾಹುತಿ ಕ್ಹಾರು ಮನಕ್ಹ ಥಯಲ ಅಪೆ ಸು ಕರೆಸ ನೈತೊ ಅಪೊನೆ ಸು ಚಾ಼ಯೆ ಕವಾನಾ ಉಪ್ಪರ ನತ್ತಿ. ತೆನೈಸೊ ಕ್ಹಾಲಿ ಕ್ಹುದಾ ಮರ್ಗಾಕ್ಹು ಛೆ. ತಿನೆ ಇನಿಲಿವಾನು ಮನಕ್ಹೊ ಸು ಕರು ಕವಸ ತೆನೈಸೊ ಸು ಕರಾನೆ ಕೊಶಿಶ ಕರಸ ಕವಾನಾ ಉಪ್ಪರ ಆದಾರ ನತ್ತಿ ಥಯು.

ರೊಮಾಪೂರ 9:30

ಇನು ಮತ್ಲಬ ಸುವೈ ಕದ್ಯಾಮ, ಯಹುದ್ಯೊ ನೈ ರ‍್ಹಯಲವಾಲಾ ನಿತಿವಂತವಾಲಾ ಥಾವಾನೆ ಕೊಶಿಶ ಕರತಾ ನ್ಹೊತಾ. ತೆನೈಸೊ ತ್ಯುನೊನೆ ನಿತಿವಂತವಾಲಾ ಥೈನ ಕರ‍್ಯೊ. ತ್ಯುನೆ ಬರೊಕ್ಹಾಕ್ಹು ನಿತಿವಂತವಾಲಾ ಥಯಾ.

1 ಕೊರಿಂಥ 6:11

ಪೈಲಾ ತುಮೊಮಾನಾ ದಕ್ಹಾ ಜ಼ನಾ ತ್ಯವಾ ಥಯಾಸ. ತೆನೈಸೊ ತೆಳಾಮಾ ಯೆಸು ಕ್ರಿಸ್ತನಾ ನಾಮಮಾ ವರಿ ಕ್ಹುದಾನಿ ಆತ್ಮಾಮಾ ತುಮೆ ಶುದ್ಧ ಥಯಾಸ, ನಿತಿವಂತ ಥಯಾಸ ವರಿ ಕ್ಹುದಾನಾ ಕ್ಹಾತೆ ಚೊ಼ಕಿ ಸಂಬಂಧ ಹೊಂದಿಲಿದ್ಯಾಸ.

ಗಲಾತ್ಯ 2:16

ಕ್ಹಾಲಿ ಧರಮಶಾಸ್ತ್ರಮಾ ರ‍್ಹಯಲ ಕರಾಲೊ ಯಕ್ಲೊಬಿ ಕ್ಹರಿಕ್ಹು ರ‍್ಹವಾನೆ ಸಾದ್ಯ ನತ್ತಿ ಹಮೊನೆ ಗ್ವತ್ತ ಛೆ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಕ್ಹುಜ಼ ಯಕ್ಲೊ ನಿತಿವಂತನೊ ಥಾವಾನೆ ಸಾದ್ಯೆ ಛೆ. ತಿನಾಹುತಿ ನಿತಿವಂತನೊ ಥಾವಾನೆ ಹಮೆ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲ್ಯಾ. ಇಮ ರ‍್ಹತಾಮಾ, ಹಮೆ ನಿತಿವಂತವಾಲಾ ಥಯಲ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲಕ್ಹುಜ಼ ವ್ಹರತಾಗಿ ಧರಮಶಾಸ್ತ್ರಮಾ ರ‍್ಹಯಲ ಲಿಂಗತ ಕರಲಕ್ಹು ಕುನ್ನಜ಼ ನಿತಿವಂತವಾಲಾ ಥಾವಾನೆ ಸಾದ್ಯ ನತ್ತಿ.

ಎಫೆಸ 2:4

ತೆ ನೈಸೊ ಮರಗಾನೊ ಮಾಲಕ ಥಯಲ ಕ್ಹುದಾ ಅಪೊನೆ ಘನ್ನೊ ಮಯಾ ಕರ‍ಸ ಕೈನ ದೆಕಾಡಿನ ದಿದ್ಯೊಸ

ಎಫೆಸ 4:23

ತೆನೈಸೊ ಅಂತರಂಗಮಾ ನವಾ ಥೈನ ನವಾ ಚಾಳಿಯೊ ವ್ಹಂದಿಲಿವಾ ಲಿಂಗತ ತುಮೆ ಶಿಕ್ಯಾಸ.

ಎಫೆಸ 5:26

ಕ್ರಿಸ್ತ ಸಭೆನೆ ಪರಿಶುದ್ಧ ಕರಾನಾ ಹುತಿ ಜ಼ಲಮ ದಿದ್ಯೊ. ಸುವಾರ್ತೆ ಕವಾನಾ ಮುಲಕ ಪಾನಿಕ್ಹು ಧ್ವಯಿನ ತೆ ಸಭೆನೆ ಪರಿಶುದ್ಧ ಕರ‍್ಯೊ.

ಕೊಲೆಸ್ಸೆ 3:10

ಆ ನೈ ಚಾಳಿ ಅಪೊನೆ ಸೃಷ್ಟಿ ಕರೆಲನಾ ಗ್ಯಾನನಾ ಪ್ರಕಾರ ದಿನ್ನೆ ದಿನ್ನೆ ನೈ ಥಾತಿ ಆವಸ.

2 ತಿಮೊತಿ 1:9

ತೆ ಅಪೊನೆ ವಚಾ಼ಡಿನ, ತಿನಾ ಸ್ವಂತ ಮನಕ್ಹೊ ಥಾವಾಹುತಿ ಅಪೊನೆ ಬಲಾಯೊ. ಹಮೆ ಕರಾನಾ ಚೊ಼ಕಾ ಕಾಮೊಕ್ಹು ಎ ಕ್ಹಾರು ಥಯು ಕೈನ ನ್ಹವೈ. ತೆ ತಿನಿ ಚಿ಼ತ್ತಲಿಂಗತ ತೆ ಅಪೊನೆ ವಚಾ಼ಡಿನ ತಿನೊ ಆಶಿರ್ವಾದ ಲಿಂಗತ ಕರ‍್ಯೊ. ಹಮೆಶಾತೊಬಿ ರ‍್ಹವಾಲೊ ಎ ಮರಗಾ ಕ್ರಿಸ್ತ ಯೆಸುನಾ ಮುಲಕ ಅಪೊನೆ ಮಳ್ಯು.

ತಿತನೆ 3:4

ಅಪ್ನೊ ರಕ್ಷಕ ಥಯಲ ಕ್ಹುದಾನಿ ಮಯಾ ಮರಗಾ ದಿಕ್ಹಾಡಿಸ.

ಇಬ್ರಿಯ 10:22

ತಿನಾಹುತಿ ಕೆಟ್ಟ ಮನಸಾಕ್ಷಿನೆ ವಳಕಿನ ಶುದ್ಧ ಕರಲಿನ, ಪಾತಳಾ ಪಾನಿಕ್ಹು ಧ್ವೈಲಿದಲ ಅಂಗಕ್ಹು, ಯಕ್ಕಜ಼ ಮನಸಕ್ಹು, ಬರೊಕ್ಹಾಕ್ಹು ಪುರಾ ಚಿತ್ತಕ್ಹು, ಕ್ಹುದಾನಾ ನಜಿಕ ಐಯೆ.

ಇಬ್ರಿಯ 4:16

ತಿನಾಹುತಿ ಅಗಾ ಪಾಚಾ಼ ಕರ‍್ಯಾವಾಚಿ ತಿನಿ ಕೃಪಾ ಕವಾನಿ ಸಿಂಹಾಸನನಾ ನಜಿಕ ಧೈರ್ಯಕ್ಹು ಐಯೆ. ಅಪೊನೆ ಜರುರತ ರ‍್ಹತಾಮಾ ಅಪೊನೆ ಚಾ಼ಯೆ ಥಯಲ ಮದತ ಅಪೆ ತ್ಯಾ ಕೃಪಾ ವರಿ ಮರಗಾ ವ್ಹಂದಿಲಿಯೆಸ.

ಇಬ್ರಿಯ 6:6

ವರಿಬಿ ತ್ಯುನೆ ಕ್ರಿಸ್ತನಿ ವಾಟ ಛೊಡಿನ ಗಯಾ. ತ್ಯುನಿ ಜಿವಿತ ವರಿ ಬದಲಿ ಕರಲಿನ ಕ್ರಿಸ್ತಮಾ ಆವಾನೆ ಸಾದ್ಯ ನತ್ತಿ. ಕಾಕದ್ಯಾಮ ಕ್ರಿಸ್ತನೆ ಛೊಡಿನ ಗಯಲ ತ್ಯುನೆ ವರಿ ಶಿಲುಬೆನೆ ಚ಼ಡೈನ ಮೊಳಾ ಮಾರಲವಾಲಾ ಕ್ಹಾರಾ ಮನಕ್ಹೊಮಾ ತಿನೆ ಮರ್ಯಾದಿ ಕಾಡಲವಾಲಾ ಥಯಾಸ.

1 ಪೆತ್ರಾ 1:3

ಅಪ್ನೊ ಪ್ರಭು ಥಯಲ ಯೆಸು ಬಾ ಥಯಲ ಕ್ಹುದಾನೆ ಸ್ತೊತ್ರಾ. ಕ್ಹುದಾ ಮ್ಹೊಟೊ ಮರಗಾಲೊ ವ್ಹೈ. ತೆ ತಿನಿ ಮರಗಾ ಕ್ಹು ಅಪೊನೆ ನವೊ ಜ಼ಲಮ ದಿದ್ಯೊಸ. ಮರಲವಾಲಾವೊಮಾತೊ ಉಟಿನ ಆಯಲ ಯೆಸು ಕ್ರಿಸ್ತನಾ ಮುಕಾಂತರ ತೆ ಅಪೊನೆ ವಾಚಾ಼ನೊ ಜ಼ಲಮ ದೆಕಾಡಿನ ದಿವಸ.

1 ಪೆತ್ರಾ 2:10

ಯಕ್ಕ ಕಾಲಮಾ, ತುಮೆ ಕ್ಹುದಾನಾ ಮನಕ್ಹೊ ನ್ಹೊತಾ. ತೆನೈಸೊ ಹಮ್ನಾ ತುಮೆ ಕ್ಹುದಾನಾ ಮನಕ್ಹೊ ಥಯಾಸ. ಪೈಲಾ ತುಮೆ ಮರಗಾ ಮಳಿ ನ್ಹೊತಿ. ತೆನೈಸೊ ಹಮ್ನಾ ತುಮೆ ಕ್ಹುದಾನಿ ಮರಗಾ ಮಳಿಸ್.

1 ಪೆತ್ರಾ 3:21

ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ‍್ಹಯಲ ತೆ ದಿಕ್ಕಷಾಸ್ನಾನ ರ‍್ಹಯಲ ಲಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ಲಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ಲಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ್.