ತಿತನೆ 3:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಅಪ್ನಾ ಮನಕ್ಹೊ ತ್ಯುನೆ ತ್ಯುನು ಯಕ್ಕಜ಼ ದೆಕಿಲಿದ್ಯಾವಾಚಿ ಬಿಜಾ಼ವೊನೆ ಮದದ ಕರಾನು ಶಿಕ್ಕಿನ ತ್ರಾಸಮಾ ರ‍್ಹಯಲ ಮನಕ್ಹೊನೆ ಉಪಕಾರ ಕರು.

ತಿತನೆ 3:14 ပူးပေါင်းရင်းမြစ်များ

ಮತ್ತಾಯ 21:19

ವಾಟಮಾ ಯಕ್ಕ ಅಂಜು಼ರನಾ ಝಾಡನೆ ದೆಕಿನ ತಿನಾ ಕ್ಹಾಮೊ ಗೈನ ತಿಮಾ ಕ್ಹಾಲಿ ಪಾಲೊ ರ‍್ಹವಾನು ದೆಕಿನ ತಿನೆ, ಅನಾಪರ ತಾರಾಮಾ ಕೆಳಾಮಾಜ ಫಲ ದಿಯುಜ಼ ನೈ ಕೈನ ಕದ್ಯೊ. ತೆ ಟೆಮಾ ತೆ ಅಂಜುರನು ಝಾಡ ಕ್ಹುಕ್ಹೈ ಗಯು.

ಮತ್ತಾಯ 7:19

ಚೊ಼ಕು ಫಲ ನೈ ದಿವಾನಾ ಝಾಡನೆ ಕತ್ರಿನ ಆಗಮಾ ನಾಕಸ.

ಯೊಹಾನ 15:16

"ತುಮೆ ಮನೆ ಇನಿಲಿದ್ಯಾ ನತ್ತಿ; ಮಿ ತುಮೊನೆ ಇನಿಲಿದ್ಯೊಸ. ತುಮೆ ಗೈನ ಘನ್ನು ಫಲ ದ್ಯು. ಎಜ಼ ಮಿ ತುಮೊನೆ ದಿದಲ ಕಾಮ ವ್ಹೈ. ತೆ ಕೆಳಾಮಾಬಿ ರ‍್ಹವಾನು ಫಲ ವ್ಹೈ. ಇಮ್ಮ ರ‍್ಹತಾಮಾ, ತುಮೆ ಮಾರಾ ನಾಮ ಪರ ಸುಬಿ ಪುಚ್ಯಾ ತಬಿ ಬಾ ತೆ ತುಮೊನೆ ದಿವಸ.

ಯೊಹಾನ 15:8

ತುಮೆ ಘನ್ನು ಫಲ ದಿನ್ನ, ಮಾರಾ ಬಾನಿ ಮಹಿಮಾ ದೆಕಾಡೊ. ಇನಾಹುತಿ ತುಮೆ ಮಾರಾ ಶಿಷ್ಯಾ ಥಾವೊಶಿ.

ಅಪೊಸ್ತಲೊ 18:3

ಕಾ ಕದ್ಯಾಮ ಪೌಲಾ ತ್ಯುನಾ ಘರೆ ಗೈನ ತ್ಯುನೆಬಿ ವರಿ ತೆಬಿ ಯಕ್ಕಜ಼ ವ್ಹೈ ಕೈನ ತ್ಯುನಾ ಕ್ಹಾತೆ ರ‍್ಹೈನ ಕಾಮ ಕರಾಡೊತೊ; ಗುಡಾರ ಕರಾನು ತ್ಯಯುನು ಕಾಮ ವ್ಹತ್ತು.

ಅಪೊಸ್ತಲೊ 20:35

ಕ್ಹಾರಿ ವಿಷಯಮಾ ಮಿ ತುಮೊನೆ ವಾಟ ದೆಕಾಡ್ಯೊಸ. ತುಮೆ ತಿಮ್ಮಜ಼ ರಾಬಿನ ತಾಕತ ನೈಸೊವಾಲಾವೊನೆ ಮದತ ಕರು; ವರಿ; ಪಡ್ದಿಲಿವಾತಿಬಿ ದಿವಾನುಜ಼ ಹೆಚ್ಕಿ಼ ಆಶಿರ್ವಾದ ವ್ಹೈ, ಕರ್ತಾ ಥಯಲ ಯೆಸು ಕ್ರಿಸ್ತ ತೆಜ಼ ಕದಲ ವಾತೊ ಶೆ ಮ್ಹೆಲ್ಯು ಕೈನ ಕದ್ಯೊ.

ರೊಮಾಪೂರ 12:13

ಕಮಿಮಾ ರ‍್ಹಯಲ ಕ್ಹುದಾನಾ ಮನಕ್ಹೊನೆ ಮದತ ಕರೊ. ಅತಿಥಿ ಸತ್ಕಾರ ಕರೈಲಿವಾಲಾವೊನೆ ಹುಡಕೊ, ತುಮಾರಾ ಘರೊನೆ ಬಲಾವೊ.

ರೊಮಾಪೂರ 15:28

ಜೆರುಸೆಲಿಮಾ ರ‍್ಹಯಲ ಗರಿಬ ಮನಕ್ಹೊನೆ ದಿವಾನಾ ದೊಕ್ಡಾ ಎ ಕ್ಹಾರಾ ದೊಕ್ಡಾ ತ್ಯುನೊನೆ ದಿದಲ್ಪರ ಮಿ ಸ್ಪೆನೆ ಔಸ. ಮಿ ಸ್ಪೆನೆ ಆತಾಮಾ ರೊಮಾಮಾ ರ‍್ಹೈನ ಮಿ ತುಮೊನೆ ಕೈನ ಮೊಕ್ಕಲುಸ.

ಎಫೆಸ 4:28

ಚ್ವಟ್ಟೊ ಚೊ಼ರಿ ಕರಾನು ಛೊಡಿನ ತೆಜ಼ ರಾಬಾದೆ; ತೆ ತಿನಾ ಹತೊ ಚೊ಼ಕು ಕರಾನೆ ಉಪಯೊಗ ಕರಾದೆ. ತೆಳಾಮಾ ಗರಿಬೊನೆ ಮದತ ಕರಾನೆ ತಿನೆ ಸಾಧ್ಯ ಥಾವಸ.

ಫಿಲಿಪ್ಪಿ 1:11

ಯೆಸು ಕ್ರಿಸ್ತನಾ ಮುಲಕ ರ‍್ಹಯೆಲ ನಿತಿ ಕವಾನು ಫಲ ಭರೆಯೆಲ ವಾಲಾರೊನೆ ರವಾನು ರ‍್ಹಯೆಲ ಕ್ಹುದಾನೆ ಮರ್ಯಾದಿ ಸ್ತೊತ್ರಾ ಕರ‍್ಯಾ ಕೈನ ಮಾಗಿಲಿದ್ಯಾ.

ಫಿಲಿಪ್ಪಿ 4:16

ಮಿ ಥಸಲೊನೊಕಮಾ ರ‍್ಹತಾಮಾ ಮನೆ ಛಾಯೆ ಥಯಲ ತುಮೆ ಬೆ ತನ್ನ ಸಲಾ ದಿದ್ಯಾಸ.

ಫಿಲಿಪ್ಪಿ 4:17

ಕ್ಹರಿಮಾ ತುಮೊಕ್ಹು ಕೊಡಗೆ ಲಿವು ಕೈನ ಮಾರಿ ಆಸ ನ್ಹವೈ. ತೆ ದಿವಾನಾ ಮುಲಕ ಅಗೊ ಹೆಚ್ಕಿ ದಿವಾನಾ ಹುತಿ ಆರ್ಶವಾದೊ ತುಮೆ ವ್ಹಂದಿ ಲ್ಯು ಕೈನ ಮಾರಿ ಆಸ ವ್ಹೈ.

ಕೊಲೆಸ್ಸೆ 1:10

ಕ್ಹುದಾನಿ ಪಸಂಪ ಡೊಳಾ ದಿಕ್ಹಾವರಕ್ಹಾ ತುಮೆ ಚೊ಼ಕಾ ಥಛ ಕೈನ ಕ್ಹಾರಿ ತರಾನಾ ಚ಼ೊಕಾ ಫಲ ದಿವಾಲಾ ಥೌ ಕೈನ ಬೆಳತ್ತಾ ರ‍್ಹೌ ಕೈನ

1 ಥೆಸಲೊನಿಕ 2:9

ಹಮಾರಾ ಭಾಯೊ ವರಿ ಭೆನೊ, ಹಮೆ ಅನುಭವಿಸಲ ತ್ರಾಸ ವರಿ ತುಮೊನೆ ಶೆ ಛೆ. ತುಮೊನೆ ಕ್ಹುದಾನು ಉಪದೆಶ ಕರತಾಮಾ ತುಮೆ ರಾಬಲ ದೊಕ್ಡಾಮಾ ವಾಟೊ ದ್ಯು ನೈ ಕೈನ ತುಮೊನೆ ತ್ರಾಸ ಥೌ ನೈ ಕೈನ ದಿನ್ನ ರಾತ ರಾಬಿನ ಜಿವ್ನಾ ಚ಼ಲಾವಾಡ್ಯಾತಾ.

2 ಥೆಸಲೊನಿಕ 3:8

ದೊಕ್ಡಾ ದಿದ್ಯಾವಾಚಿ ಕಿಕನಜ಼ ಅನ್ನ ಖಾದ್ಯಾ ನ್ಹೊತಾ. ತುಮೊಮಾ ಕಿನೆಜ಼ ತ್ರಾಸ ಥೌ ನೈ ಕೈನ ರಾತ ದಿನ್ನ ಛೊ಼ಡ್ಯಾವಾಚಿ ಕಾಮ ಕರ‍್ಯಾ.

ತಿತನೆ 2:8

ಶಿಕ್ಲಾತಾಮಾ ಚೊ಼ಕಿಯೊವಾತೊ ಉಪಯೊಗ ಕರಿನ ಇಮ್ಮ ರ‍್ಹತಾಮಾ ತಾರಾ ವಿರೊದಿಯೊ ರ‍್ಹಯಲವಾಲಾವೊನೆ ತಾರಾ ವಿರೊದಥೈನ ಬೊಲ್ಯವಾಚಿ ರ‍್ಹಯಾಮಾ ತ್ಯುನಾಕ್ಹು ತ್ಯುನೆಜ಼ ಸರ್ಮಾವಸ.

ತಿತನೆ 3:8

ಎ ಭೊದನೆ ಕ್ಹರಿನಿಯೊಜ಼ ವ್ಹೈ. ತು ಕ್ಹಾರಿಯೊ ಸಂಗತಿಯೊ ಮನಕ್ಹೊನೆ ಕೌಜ಼ ಕೈನ ಮಿ ಆಸ ಕರುಸ. ತೆಳಾಮಾ, ಕ್ಹುದಾಪರ ಬರೊಕ್ಹೊ ಮ್ಹೆಲಲವಾಲಾ ಹುಶಾರ ರ‍್ಹೈನ ತ್ಯುನಿ ಜಿವಿತಮಾ ಚೊ಼ಕಾ ಕಾಮೊ ಕರಸ. ಎ ಕ್ಹಾರಾವೊನೆ ಚೊ಼ಕು ವ್ಹೈ. ವರಿ ಎ ಕ್ಹಾರಾವೊನೆ ಚಾ಼ಯೆ ಥಯುಸ.

2 ಪೆತ್ರಾ 1:8

ಎ ಕ್ಹಾರು ತುಮೊಮಾ ರ‍್ಹೈನ ಬೆಳತ್ತು ರ‍್ಹಯುಮ, ತುಮೆ ಕೆಳಾಮಾಜ಼ ತಾಕತ ಕಮ ರ‍್ಹಯಲವಾಲಾ ಥಾತಾ ನೈ. ಎ ತುಮೊನೆ ಬೆಳ್ದಾನೆ ಆಸ್ರೊ ಕರಸ. ಹಮಾರೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಗ್ಯಾನಮಾ ಕೆಳಾಮಾಜ಼ ಗ್ಯಾನ ನೈಸೊವಾಲಾ ಕವೈ ಲೆತಾನೈ. ಆ ಕ್ಹಾರು ತುಮೊನೆ ಆಸ್ರೊ ಕರಸ.