ತಿತನೆ 2:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಆ ಕೃಪಾ ಅಪೊನೆ ಕ್ಹುದಾನೆ ವಿರುದ್ದ ಥೈನ ಜಿವ್ನಾ ಕರ‍್ಯಾವಾಚಿ ದುನಿಯಾಮಾನಾ ಮನಕ್ಹೊ ಕರಾನೆ ಬಯಸಾಲಾ ಕೆಟ್ಟ ಕಾಮೊ ಕರ‍್ಯಾವಾಚಿ ತೆ ಹುಬ್ರಾಡಸ. ಅಪೆ ಕ್ಹುದಾನಿ ಸೆವಾ ಕರಾಡಾಸ ಕೈನ ದೆಕಾಡಾನಾಹುತಿ ಚೊ಼ಕಾಥೈನಬಿ ಗ್ಯಾನಿಥೈನಬಿ ದುನಿಯಾಮಾ ಹಮ್ನಾ ರ‍್ಹೌ ಕೈನ ತೆ ಶಿಕ್ಕಲಾಡಸ.

ತಿತನೆ 2:12 ပူးပေါင်းရင်းမြစ်များ

ಮತ್ತಾಯ 12:32

ಮನಕ್ಹನಾ ದಿಕ್ರಾನೆ ವಿರೊದ ಥೈನ ಬೊಲ್ಯಾಮ ತಿನೆ ಬಿ ಮಾಫಿ ಛೆ. ತೆನೈಸೊ ಪವಿತ್ರಾತ್ಮಾನಾ ವಿರೊದ ಥೈನ ಬೊಲ್ಯಾಮ ತಿನೆ ಮಾಫಿ ಇಹಲೊಕಮಾ ರ‍್ಹವಾದೆ ಪರಲೊಕಮಾ ರ‍್ಹವಾದೆ ನತ್ತಿಜ ನತ್ತಿ.

ಮತ್ತಾಯ 16:24

ಪಾಚ಼ಲ್ತೊ ಯೆಸು ತಿನಾ ಶಿಶ್ಯಾವೊನೆ ಸು ಕದ್ಯೊ ಕದ್ಯಾಮ ಕುನತುಬಿ ಮಾರಒ ಪಾಚೊ಼ ಆವಾನೆ ಮನಸ ಕರ‍್ಯೊಮ ತೆ ತಿನೆಜ಼ ಇನ್ಕಾರಿನ ತಿನಿ ಶಿಲುವಿ ಉಚೈಲಿನ ಮಾರಾ ಪಾಚೊ಼ ಆವಾದೆ.

ಮತ್ತಾಯ 28:20

ಮಿ ತುಮೊನೆ ಆಗನ್ಯಾ ದಿದ್ಯಲ ಕ್ಹಾರಾವೊನೆ ವಿದೆಲ ಥಾಯೆಲಿಂಗತ ಮನಕ್ಹೊನೆ ಉಪದೆಶ ಕರೊ, ಜಗತ್ತನು ಅಂತ್ಯ ಥಯೆಲಕ್ಕಾ ಹಮೆಶಾಬಿ ಮಿ ತುಮಾರಾ ಕ್ಹಾತೆ ರ‍್ಹೌಸ” ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 1:6

ತ್ಯುನೆ ಕ್ಹರಿಮಾಜ಼ ಕ್ಹುದಾನಿ ನಜ಼ರಮಾ ಚೊ಼ಕಾ ಥೈನ ವ್ಹತ್ತಾ. ಭಂಬಿಜ಼ನಾ ಕರ್ತಾನಿಯೊ ಕ್ಹಾರಿಯೊ ಆಗನ್ಯಾ ವರಿ ನಿಯಮೊ ನಿಶ್ಠೆ ಕಾಯ್ದಿಲಿನ ತಪ್ಪ ನೈಸೊ ಕರಾಲಾ ರ‍್ಹೈನ ವ್ಹತ್ತಾ.

ಲುಕ ಬರ್ದಲ ಸುವಾರ್ತಾ 1:75

ಇನಾಹುತಿ ಅಪೆ ತಿನಾ ಕ್ಹಾಮಾ ಅಪ್ನಿ ಜಿವ್ತಾ ರ‍್ಹಯಲ ಕ್ಹಾರಾ ದಿನೊ ತಿನಾ ಕ್ಹಾಮಾ ಪರಿಶುದ್ಧ ವರಿ ನಿತಿವಂತೊ ಥೈನ ರ‍್ಹೌ ಕೈನ ಉದ್ದೆಶ ವ್ಹತ್ತು.

ಯೊಹಾನ 14:30

"ಮಿ ತುಮಾರಾ ಕ್ಹಾತೆ ಹಜು಼ನ ಘನಿಯೆಳ ಬೊಲ್ತೊ ನೈ. ಎ ದುನಿಯಾನೊ ಅದಿಪತಿ ಆವಾಡ್ಯೊಸ. ತಿನೆ ಮಾರಾ ಉಪ್ಪರ ಕಯುಜ಼ ಅದಿಕಾರ ನತ್ತಿ.

ಯೊಹಾನ 6:25

ಮನಕ್ಹೊ ಯೆಸುನೆ ಸಮುಂದರನಿ ಬಿಜಿ ದಂಡಿಪರ ದೆಕ್ಯಾ. ತ್ಯುನೆ ತಿನೆ"ಗುರು ತು ನ್ಹ್ಯಾ ಕೆಳಾಮಾ ಆಯೊ? ಕೈನ ಪುಚ್ಯಾ.

ಅಪೊಸ್ತಲೊ 24:16

ಇನಾಹುತಿ ಕ್ಹುದಾನಾ ಕ್ಹಾಮಾ ಶುದ್ಧ ಮನಸಕ್ಹು ರ‍್ಹವಾನೆ ಮನಸಾಕ್ಷಿಲಿಂಗತ ಮಿ ಕೆಳಾಮಾಬಿ ಮನೆ ಥಾವಾಕ್ಲು ಕೆಳಮ್ಮಾನಿ ಕೊಶಿಷ ಕರುಸ.

ಅಪೊಸ್ತಲೊ 24:25

ತಿನಾಹುತಿ ತ್ಯಾಂತೊ ಗೈನ ಪೌಲಾ ಸ್ವ ನಿಯಂತ್ರಣ ವರಿ ಅಗು ಥಾವಾನು ಚೊ಼ಕಾನಾಹುತಿ ಚೆರ್ಚಾ ಕರಿನಾಹುತಿ ಇವ್ನಾ ಹುತಿ ಕತಾಮಾ ಫೆಲಿಕ್ಸ ಭುಚಿ಼ಕಿನ ತಿನೆ; ತೆ ಕವಸ ಹಮ್ನಾ ತು ಜಾ಼; ಮಿ ತುನೆ ಟೈಮ ಮಳಲಪರ ತುನೆ ಬಲೌಸ ಕೈನ ಕದ್ಯೊ.

ರೊಮಾಪೂರ 12:2

ಎ ದುನಿಯಾ ರ‍್ಹಯಲಲಿಂಗತ ನೈ ರ‍್ಹಯಾವಾಚಿ ಮನಸ ಬದ್ಲಿ ಕರಲಿನ ನವು ಮನಸ ಕರಲಿನ ರ‍್ಹವೊ. ತೆಳಾಮಾ ತುಮೆ ಕ್ಹುದಾನಿ ಚಿತ್ತನಾ ಲಿಂಗತ ಕಯು ಚೊ಼ಕು ವ್ಹೈ, ಕಯು ಕೆಟ್ಟ ವ್ಹೈ ಕವಾನು ತಿಳ್ದಿಲಿವೊಸಿ.

ರೊಮಾಪೂರ 6:12

ತೆನೈಸೊ ಪಾಪ ತುಮಾರಾ ಮರಾನಾ ಅಂಗಮಾ ಇತ್ತಿ ಉಪ್ಪರ ಅದಿಕಾರ ಕರು ನೈ, ತಿನಾಹುತಿ ತುಮೆ ತುಮಾರಾ ಸ್ವಾಭಾವಿಕ ಸ್ವಭಾವನಾ ಆಸೊ ಪುರಾ ಕರು.

ರೊಮಾಪೂರ 6:19

ಮನಕ್ಹೊನೆ ಕಳಲ ಉದಾಹರಣೆ ಮುಲಕ ಮಿ ಎ ತುಮೊನೆ ಕವಾಡ್ಯೊಸ. ಪಾಚ಼ಲ್ಯಾ ಕಾಲ್ಮಾ ತುಮೆ ತುಮಾರಾ ಅಂಗಕ್ಹು ಪಾಪನೆ ಕೆಟ್ಟ ಕಾಮೊನೆ ವರಿ ದುಷ್ಟ ಕಾಮೊನೆ ಗುಲಾಮ ಲಿಂಗತ ವಪ್ಸಿನ ದಿದ್ಯಾತಾ ತಿನಾ ಲಿಂಗತಜ಼ ಹಮ್ನಾ ತುಮಾರಾ ಅಂಗೊನಾ ಭಾಗನೆ ಪವಿತ್ರ ಆತ್ಮಾನೆ ವಪ್ಸಿನ ದಿದ್ಯಾಸ.

ರೊಮಾಪೂರ 8:13

ತುಮಾರಿ ಪಾಪ್ನಿ ಸ್ವಭಾವ ಛಾಳಿಯೊ ಆಸ ಕರಾನಿಯೊ ಕೆಟ್ಟ ಕಾಮೊ ಕರಾನಾಹುತಿ ತುಮೆ ತುಮಾರಿ ಜಿವಿತ ಉಪಯೊಗ ಕರ‍್ಯಾಮ, ತುಮೆ ಆತ್ಮಿಕಮಾ ಮರೊಸಿ. ತೆನೈಸೊ ತುಮೆ ತುಮಾರಿ ಅಂಗನಾ ಮುಕಾಂತರ ಕರಾನಾ ಕೆಟ್ಟ ಕಾಮೊ ಪವಿತ್ರ ಆತ್ಮಾನಿ ಸಹಾಯಾ ಕ್ಹು ಹುಬ್ರಾಡ್ಯಾಮ ಜಿವ್ತಾ ರ‍್ಹವೊಶಿ.

2 ಕೊರಿಂಥ 1:12

ಹಮೆ ಕ್ಹಾಲಿ ಮನಕ್ಹೊನು ಗ್ಯಾನ ಕ್ಹು ಕಾಮ ಕರ‍್ಯಾ ಬಗರ ಕ್ಹುದಾನಿ ಕೃಪಾನೆ ಧರ್ಲಿನ ಪರಿಶುದ್ಧ ವರಿ ನಿಯತ್ತಕ್ಹು ರ‍್ಹೈನ ಆ ದುನಿಯಾಮಾ ಕ್ಹಾರಾವೊತಿಬಿ ಪೈಲಾ ತುಮಾರಿ ವಿಷಯಮಾ ಚಾ಼ಲಿನ ಗಯಾಸ ಕೈನ ಹಮಾರಿ ಮನಸ ಸಾಕ್ಷಿ ಕವಸ. ಆಜ ಹಮೊನೆ ರ‍್ಹಯಲ ಘಮಂಡ ವ್ಹೈ.

2 ಕೊರಿಂಥ 7:1

ಮರಾ ಮಯಾನಾ ಭಾಯೊ ಭೆನೊ ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ ಕ್ಹುದಾ ಭೆನ ರ‍್ಹಯಲ ಕರ್ಲ ಕ್ಹಾರ ಪವಿತ್ರ ರ‍್ಹ ಕೊಶಿಶ ಕರಾ.

ಗಲಾತ್ಯ 1:4

ಎ ಕೆಟ್ಟ ಜಗತ್ಮಾತಾ ಅಪೊನೆ ಛೊಡೌ ಕೈನ ಯೆಸು ಅಪ್ನಾ ಪಾಪೊನಾ ಹುತಿ ತಿನಾಕ್ಹು ತಿನೆಜ಼ ದಿಪಾಡ್ಯೊ. ಎ ಬಾ ಥಯಲ ಕ್ಹುದಾನಿ ಚಿತ್ತ ವ್ಹತ್ತಿ.

ಗಲಾತ್ಯ 5:24

ಕ್ರಿಸ್ತ ಯೆಸುನಾ ಮನಕ್ಹೊ ತ್ಯುನು ಅಂಗನು ಆಸನೆ ಶಿಲುವಿಪರ ಚ಼ಡಾಯಾಸ. ತ್ಯುನೆ ತ್ಯುನಾ ಪೈಲಾನಿ ಸ್ವಾರ್ಥನಿಯೊ ಆಸೊ ವರಿ ತ್ಯುನೆ ಕರು ಕೈನ ಕೈಲಿದಲ ಕೆಟ್ಟಕಾಮೊ ಛೊಡಿನೆ ದಿದಲವಾಲಾ ಥಯಾಸ.

ಎಫೆಸ 1:4

ಜಗತ್ತ ಸೃಷ್ಟಿ ಥಾವಾತಿ ಪೈಲಾಜ಼ ಕ್ಹುದಾ ಅಪೊನೆ ಕ್ರಿಸ್ತಮಾ ಇನಿಲಿದ್ಯೊ. ತಿನಿ ಸನ್ನಿಧಿಮಾ ಅಪೆ ಮಯಾಕ್ಹು ರ‍್ಹೈನ ಪರಿಶುದ್ಧ ನಿರದೊಷಿಯೊ ರ‍್ಹಯಲ ರ‍್ಹೌಕೈನ ತಿನು ಉದ್ದೆಶ ವ್ಹತ್ತು.

ಎಫೆಸ 2:2

ಹೊ, ಪೈಲಾ ತುಮೆ ತೆ ಪಾಪೊಜ಼ ಕರೊಶಿ. ಎ ದುನಿಯಾನಾ ವಾಟೊ ಲಿಂಗತ ತುಮೆ ಜಿವ್ನಾ ಕರ‍್ಯಾಸ. ವಾಯು ಮಂಡಲಮಾ ರ‍್ಹವಾನಾ ದುಷ್ಟ ಶಕ್ತಿಯೊನಾ ಅಧಿಪತಿನೆ ತುಮೆ ವಿಧೆಯ ಥಯಾಸ. ಕ್ಹುದಾನೆ ಅವಿಧೆಯ ಥಯಲ ಮನಕ್ಹೊಮಾ ಹಮ್ನಾ ಕಾಮ ಕರಾಲಾಜ಼ ತೆ ಆತ್ಮಾ ವ್ಹೈ.

ಕೊಲೆಸ್ಸೆ 1:22

ಹಮ್ನಾತೊ ಕ್ಹುದಾ ತುಮೊನೆ ಯೆಸು ಕ್ರಿಸ್ತನಾ ಅಂಗನಾ ಮರಣನಾ ಮುಲಕ ವಪ್ಪಂದ ಕರಿಲಿದ್ಯೊಸ. ಕ್ಹುದಾ ತಿನಿ ಸನ್ನಿಧಿಮಾ ತುಮೊನೆ ಪರಿಶುದ್ಧ ಕರಿನ, ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ಹುಬ್ರಾಡು ಕೈನ ಕ್ಹುದಾ ಇಮ್ಮ ಕರ‍್ಯೊ.

1 ಥೆಸಲೊನಿಕ 4:7

ಕ್ಹುದಾ ಅಪೊನೆ ಪರಿಶುದ್ಧ ಥೈನ ಜಿವ್ನಾ ಕರು ಕೈನ ಬಲಾಯೊಸ. ಅಪೆ ಪಾಪೊಮಾ ಜಿವ್ನಾ ಕರು ನೈ ಕೈನ ತಿನಿ ಆಸ ವ್ಹೈ.

1 ಥೆಸಲೊನಿಕ 4:9

ಕ್ರಿಸ್ತಮಾ ರ‍್ಹಯಲ ಭಾಯೊ ವರಿ ಭೆನೊನೆ ಕಿಮ ಮಯಾ ಕರು ಕವಾನಾ ಹುತಿ ಹಮೆ ತುಮ್ನೊನೆ ಬರ್ದು ಕೈನಜ಼ ನತ್ತಿ. ಯಕ್ಲಾನೆ ಯಕ್ಲೊ ಕಿಮ ಮಯಾ ಕರು ಕೈನ ಕ್ಹುದಾ ತುಮ್ನೊನೆ ಶಿಕ್ಲಾಯೊಸ.

1 ತಿಮೊತಿ 4:12

ತು ಜಾಂಜಿಮಾನ ರ‍್ಹಯಲ ಹುತಿ ತುಜ಼಼ ಮ್ಹೊಟೊ ವ್ಹೈ ಕೈನ ಕವೈಲಿದ್ಯಾವಾಚಿ ತುನೆ ಹಿನಾವಾನೆ ಕಿನೆಜ಼ ಮೌಕೊ ದ್ಯು ನಕೊ. ವಿಸ್ವಾಶಿಯೊ ಕಿಮ ರ‍್ಹೌ ಕೈನ ತುಜ಼಼ ತ್ಯುನೊನೆ ದೆಕಾಡಿನ ದ್ಯು. ತು ಬೊಲಾನು ಚಾ಼ಲಾನು ಮಯಾಮಾ ವರಿ ಬರೊಕ್ಹಾಮಾ ವರಿ ಪರಿಶುದ್ಧ ಜಿವಿತ್ಮಾ ತು ತ್ಯುನೊನೆ ದೆಕಾಡಿನ ದ್ಯು.

1 ತಿಮೊತಿ 6:17

ಇಹಲೊಕನಾ ವಿಚಾರಮಾ ಸೌಕಾರ ರ‍್ಹಯಲ ಮನಕ್ಹೊನೆ ಎ ಆಗನ್ಯಾ ತಿಳಸಾ. ಗರವ ಕರ‍್ಯಾವಾಚಿ ದೊಕಡಾನಾ ಪಾಚೊ಼ ಪಡ್ಯಾವಾಚಿ ಕ್ಹುದಾಪರ ಆಸ ಮ್ಹೆಲ್ಯಲವಾಲೊ ಥೈನ ತ್ಯುನೊನೆ ತಿಳಸಾ. ದೊಕಡಾ ಬರೊಕ್ಹೊನಾ ನ್ಹವೈ. ಕ್ಹುದಾತುಬಿ ಅಪ್ನಾ ಕ್ಹುಷಿನಾಹುತಿ ಕ್ಹಾರು ಅಪೊನೆ ದಿವಸ.

1 ತಿಮೊತಿ 6:9

ತೆನೈಸೊ ಸೌಕಾರ ಥೌಸ ಕವಾಲಾ ತ್ಯುನೊನೆ ತ್ಯುನೆಜ಼ ತ್ರಾಸನೆ ಗುರಿ ಕರಲಿವಸ. ತ್ಯುನೆ ಪಾಕ್ಹೊ ಘಾಲಿದಲವಾಲಾ ಥಯಾಸ. ತ್ಯುನೆ ಕೆಟ್ಟ ಆಸೊಮಾ ಪಡಸ. ತೆ ಮನಕ್ಹೊನೆ ಹಾಳ ಕರಿನ, ವರಿ ಬರಬಾದ ಕರಸ.

2 ತಿಮೊತಿ 3:12

ಕ್ರಿಸ್ತ ಯೆಸುಮಾ ಕ್ಹುದಾನಿ ಭಕ್ತಿಮಾ ಜಿವ್ಸಾಲಾ ಹರ ಯಕ್ಲಾ ತ್ರಾಸ ಕ್ಹಾವಸ.

2 ತಿಮೊತಿ 4:10

ದೆಮನ ಎ ಜಗತ್ನೆ ಘನ್ನೊ ಮಯಾ ಕರ‍್ಯೊ. ತಿನಾಹುತಿ ಮನೆ ಛೊಡಿನ ಥೆಸಲೊನಿಕೆ ಗಯೊ. ಕ್ರೆಸ್ಕನ ಗಲಾತ್ಯಯೆ ಗಯೊ. ತಿತಾ ದಲ್ಮಾತ್ಯ ಕವಾನಾ ಗಾಮೆ ಗಯೊ.

ತಿತನೆ 3:3

ಪೈಲಾ ಹಮೆಬಿ ಗ್ಯಾನ ನೈ ರ‍್ಹಯಲವಾಲಾ ವ್ಹತ್ತಾ. ಅಪೆ ನೈ ಐಕಾಲಾ ಥೈನ ರ‍್ಹಯಾಸ. ಅಪೆ ಮೊಸ ಗಯಾಸ. ಘನ್ನಾ ತರಾನಾ ಆಸೊನೆ ವರಿ ದುನಿಯಾನಿ ಆಸಮಾ ಪಡ್ಯಾತಾ; ಕೆಟ್ಟ ಕಾಮೊ ಕರಾಲಾ ಸಂಗಟ ಘಾಲಿಲಿವಾಲಾ ವ್ಹತ್ತಾ. ಮನಕ್ಹೊ ಅಪೊನೆ ಶೆರತಾ ನ್ಹೊತಾ. ಅಪರ ಯಕ್ಕನೆ ಯಕ್ಕ ದ್ವೆಷ ಕರತಾತಾ.

ಇಬ್ರಿಯ 8:11

ಎನೈಸೊ ಹರಿ ಯಕ್ಲೊ ತಿನಾ ಬಾಜು಼ವಾಲಾನೆ ತಿನಾ ಭೈನೆಬಿ ಕರ್ತಾನೆ ವಳಕೊ ಕೈನ ಕವಾನು ರ‍್ಹತು ನೈ. ಕಾಕದ್ಯಾಮ ನ್ಹಾನಾ ರ‍್ಹಯಲವಾಲೊಬಿ ಚೊ಼ಕೊ ರ‍್ಹಯಲವಾಲಾಲಕ್ಕಾ ಕ್ಹಾರಾಜ಼ ಮನೆ ವಳಕಸ.

ಯಾಕೊಬ 1:27

ಕಸ್ಟಮಾ ರ‍್ಹಯಲ ಕುನ್ನಜ ನೈಸೊವಾಲಾವೊನೆ, ರಾಂಡಿ ಬಾಕ್ಡಿಯೊನೆ ಧೈರ್ಯ ದಿನ ತಿನೆ ಆ ದುನಿಯಾಮಾ ಕಯುಜ಼ ದಾಗ ಲಾಗ್ಯಾ ಬಗರ ದೆಕಿಲಿವಾನುಜ಼ ಅಪ್ನೊ ಬಾ ಥಯಲ ಕ್ಹುದಾನಾ ಸನ್ನಿದಿಮಾ ಶುದ್ಧ, ಚೊ಼ಕಿ ರ‍್ಹಯಲ ಭಕ್ತಿ ವ್ಹೈ.

2 ಪೆತ್ರಾ 2:9

ಹೊ, ಪ್ರಭು ಥಯಲ ಕ್ಹುದಾ ತಿನಾ ಭಕ್ತೊನೆ ತ್ರಾಸ್ಮಾತೊ ಹಮೆಶಾಬಿ ವಚಾ಼ಡಸ . ತೆ ಕೆಟ್ಟ ಮನಕ್ಹೊನೆ ಫೈಸ್ಲಾನೊ ದಿನ್ನ ಆಯೆಲಕ್ಕಾ ಶಿಕ್ಷಾ ದಿವಸ.

2 ಪೆತ್ರಾ 3:11

ಮಿ ತುಮೊನೆ ಕದಲ ತಿಮ್ಮ ತರಿಕಾಕ್ಹು ಕ್ಹಾರು ಹಾಳ ಥೈಜಾ಼ವಸ. ತಿನಾಹುತಿ ತುಮೆ ಕೆವಾ ಮನಕ್ಹೊ ಥೌ? ತುಮೆ ಪರಿಶುದ್ಧ ಥೈನ ರ‍್ಹೌ ವರಿ ಭಕ್ತಿವಾಲಾ ರ‍್ಹೌ.

1 ಯೊಹಾನ 2:27

ಕ್ರಿಸ್ತ ಖಾಸ ರ‍್ಹಯಲ ವರಾ ತುಮೊನೆ ಮರಗಿನ ದಿದ್ಯೊ. ತೆ ತುಮೊಮಾ ಹಜು಼ನ ಛೆ. ತಿನಾಹುತಿ ತುಮೊನೆ ಕಯಾಜ಼ ಉಪದೆಶನಿ ಜ಼ರುರತ ನತ್ತಿ. ತೆ ತುಮೊನೆ ದಿದಲ ವರಾ ತೆ ತುಮೊನೆ ಕ್ಹಾರುಜ಼ ಉಪದೆಶ ಕರಸ. ತೆ ಕ್ಹರಿಜ಼ ವ್ಹೈ ಸುಳ್ಳ ನ್ಹ ವ್ಹೈ. ತಿನಾಹುತಿ ತುಮೆ ತೆ ಉಪದೆಶ ಲಿಂಗತ ತಿಮಾ ರ‍್ಹವೊ.

1 ಯೊಹಾನ 2:6

ಮಿ ಕ್ಹುದಾಮಾ ಛೆ ಕವಾಲೊ ಯೆಸು ಜಿವ್ನಾ ಕರಲಲಿಂಗತ ಜಿವ್ನಾ ಕರು.

1 ಯೊಹಾನ 5:19

ಕ್ಹಾರಿ ದುನಿಯಾಮ್ಮಾ ಕೆಟನಾ ವಿಷಮಾ ರ‍್ಹೈತಬಿ ಅಪೆ ಕ್ಹುದಾನೆ ಸಂಬಂಧಪಟ್ಟೆಲ ವಾಲಾ ಛೆ ಕೈನ ಅಪನೊನೆ ಗೊತ್ತ ಛೆ.

ಯುದ ಬರ್ದಲ ಪತ್ರ 1:18

ಅಪೊಸ್ತಲೊ ತುಮೊನೆ, ಅಂತ್ಯಕಾಲಮಾ ಕ್ಹುದಾನಾ ಹುತಿ ಅಕ್ಹಾಲಾ ಮನಕ್ಹೊ ರ‍್ಹವಸ ಕೈನ ಕದ್ಯಾ ಎ ಮನಕ್ಹೊ ತ್ಯುನಾ ಮನಸೆ ಆಯಲ ತಿಮ್ಮಜ ವರಿ ಕ್ಹುದಾನಾ ವಿರುದ್ದ ರ‍್ಹಯಲ ಕರಾಲಾ ಥಯಾಸ.

ಪ್ರಕಟನೆ 14:12

ಎ ಪರಸ್ಥಿಮಾ, ಕ್ಹುದಾನಾ ಪರಿಶುದ್ಧ ಮನಕ್ಹೊ ತಾಳ್ಮೆಕ್ಹು ರ‍್ಹೌ. ತ್ಯುನೆ ಕ್ಹುದಾನಿ ಆಗನ್ಯಾವೊನೆ ವಿಧೆಯ ಥೈನ ರ‍್ಹೌ ವರಿ ಯೆಸು ಪರ ಬರೊಕ್ಹೊ ಮ್ಹೆಲಲ ರ‍್ಹೌ.