ತಿತನೆ 1:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಹಮೆಶಾನೊ ಜ಼ಲಮಪರ ಅಪೊನೆ ರ‍್ಹಯಲ ಬರೊಕ್ಹಾಕ್ಹುಜ಼ ತೆ ಬರೊಕ್ಹೊ ವರಿ ಗ್ಯಾನ ಹುಟ್ಯುಸ. ಹಮೆಶಾನೊ ಜ಼ಲಮ ದ್ಯುಸ ಕೈನ ಪೈಲಾತೊಜ಼ ಕ್ಹುದಾ ಅಪೊನೆ ವಾತ ದಿದಲ. ಕ್ಹುದಾ ಸುಳ್ಳ ನೈ ಬೊಲ್ತೊ.

ತಿತನೆ 1:2 ပူးပေါင်းရင်းမြစ်များ

ಮತ್ತಾಯ 25:34

ತೆಳಾಮಾ ರಾಜೊ಼ ತಿನಾ ಶಿದಾ ಬಗಲ ರ‍್ಹಯಲವಾಲಾವೊನೆ, ಮಾರಾ ಬಾನೊ ಆಶಿರ್ವಾದ ಹೊಂದಲವಾಲಾ ಆವೊ, ಲೊಕಾಧಿತೊ ತುಮಾರಾ ಹುತಿ ತಯ್ಯಾರ ಕರಲ ರಾಜ್ಯ ತುಮಾರಾ ಹತ್ಮಾ ಪಡ್ದಿಲಿವೊ.

ಮತ್ತಾಯ 25:46

ವರಿ ಅನಿತಿವಂತವಾಲಾ ರ‍್ಹಯಲ ಇವ್ನೆ ಹಮೆಶಾನಿ ದಂಡನೆಮಾ ಜಾ಼ವಸ ತೆನೈಸೊ ನಿತಿವಂತವಾಲಾ ಹಮೆಶಾನೊ ಜ಼ಲಮಾ ರ‍್ಹಯಲ ಜ಼ಗಾ ಜಾ಼ವಸ ಕೈನ ಕದ್ಯೊ.

ಮಾರ್ಕ 10:17

ಯೆಸು ವಾಟ ಧರಿನ ಜಾ಼ತಾಮಾ ಯಕ್ಲೊ ನ್ಹಾಟತೊ ತಿನಾ ಕ್ಹಾಮೊ ಐನ ಉಂದಾಗುಡಗಾ ಘಾಲ್ಲಿನ ಚೊ಼ಕಾ ಭೊದಕ ಮನೆ ಹಮೆಶಾನೊ ಜ಼ಲಮ ಮಳು ಕದ್ಯಾಮ ಮಿ ಸುಕರು ಕೈನ ಯೆಸುನೆ ಪುಚ಼ತಾಮಾ,

ಮಾರ್ಕ 10:30

ಛೊಡಲವಾಲಾನೆ ತಿನೆ ಹಮ್ನಾನಾ ಕಾಲಮಾ ಘರ, ಭಾಯೊ, ಭೆನೊ, ಯಾ, ಬಚ್ಚಾ, ಜಿಮಿನ ಎ ಕ್ಹಾರು ತ್ರಾಸನಾ ಕ್ಹಾತೆ ಕ್ಹಾರು ಮಳಸ. ವರಿ ಅಗಲ್ಯಾ ಜಗತಮಾ (ದುನಿಯಾ) ಕ್ಹುದಾಕನ ರ‍್ಹವಾನೊ ಹಮೆಶಾನೊ ಜ಼ಲಮ ಮಳಸ

ಯೊಹಾನ 10:28

ಮಾರಾ ಬಕ್ರಾವೊನೆ ಮಿ ಹಮೆಶಾನೊ ಜ಼ಲಮ ದಿವ್ಸ. ತ್ಯುನೆ ಕೆಳಾಮಾಬಿ ಮರ್ತಾ ನೈ, ವರಿ ತ್ಯುನೊನೆ ಕುನ್ನಜ ಮಕಂತಾ ಉದಾಳಿನ ದುರ ಕರಾನೆ ಥಾತು ನೈ.

ಯೊಹಾನ 17:2

ಕಾ ದ್ಯಾಮ ಕ್ಹಾರಾ ಮನಕ್ಹೊ ಪರ ತು ತಿನೆ ಅದಿಕಾರ ದಿದ್ಯೊಸ. ಅಮ್ಮ ತೆ ತು ತಿನೆ ದಿದಲ ಕ್ಹಾರಾವೊನೆ ಹಮೆಶಾನೊ ಜ಼ಲಮ ದಿವಾದೆ.

ಯೊಹಾನ 17:24

"ಬಾ, ತು ಮನೆ ದಿದಲ ಇವ್ನೆ, ಮಿ ರ‍್ಹವಾನಿ ಕ್ಹಾರಿ ಜ಼ಗಾ ಮಾರಾ ಕ್ಹಾತೆ ರ‍್ಹೌ ಕೈನ ವರಿ ಮಾರಿ ಮಹಿಮಾ ದೆಕು ಕೈನ ಆಸ ಕರುಸ. ಎ ದುನಿಯಾ ತಯ್ಯಾರ ಥಾವಾತಿ ಅಗ್ದುರಜ಼ ತು ಮನೆ ಮಯಾ ಕರಲ ಹುತಿ ತುಜ಼಼ ಎ ಮಹಿಮಾ ದಿದ್ಯೊ.

ಯೊಹಾನ 5:39

ತುಮೆ ಪವಿತ್ರ ಗ್ರಂಥೊ ಅಬ್ಯಾಸ ಕರೊಶಿ. ಕಾಕದ್ಯಾಮ ತೆ ಪವಿತ್ರ ಗ್ರಂಥ ತುಮೊನೆ ಹಮೆಶಾನೊ ಜ಼ಲಮ ದಿವಸ ಕವಾನು ತುಮಾರಿ ವಿಚಾರ ವ್ಹೈ ತೆನೈಸೊ ತೆಜ಼ ಪವಿತ್ರ ಗ್ರಂಥೊಮಾ ಮಾರಾ ಹುತಿ ತಿಳ್ಸಾವಸ!

ಯೊಹಾನ 6:54

ಕುನ್ನ ಮಾರು ಅಂಗ ಖಾವಸ ವರಿ ಕುನ್ನ ಮಾರು ರಗತ ಪಿವಸ ತೆ ಹಮೆಶಾನೊ ಜ಼ಲಮ ವ್ಹಂದಿಲಿವಸ. ವರಿ ಮಿ ತಿನೆ ಹಮೆಶಾನೊ ಜ಼ಲಮ ವ್ಹಂದಿಲಿದ್ಯೊಸ. ಲಾಸ್ಟನಾ ದಿನ್ನೆ ಮಿ ತೆ ಮನಕ್ಹನೆ ಜಿವ್ತೊ ಕರುಸ.

ಯೊಹಾನ 6:68

ಸಿಮೊನ ಪೆತ್ರಾ ಯೆಸುನೆ"ಪ್ರಭು, ಹಮೆ ಕಿಕನ ಗಯ್ಯೆ? ಹಮೆಶಾನೊ ಜ಼ಲಮ ದಿವಾನಾ ವಾತೊ ತಾರಾಮಾ ಛೆ.

ಅಪೊಸ್ತಲೊ 15:18

ಪೈಲಾತೊಜ ಯೆ ಕ್ಹಾರಾ ಕಾಮೊ ತಿಳಸಾಡೊಸ.

ರೊಮಾಪೂರ 1:2

ಕ್ಹುದಾ ತಿನಾ ಮನಕ್ಹೊಕನ ಎ ಸುವಾರ್ತೆ ದಿವಾನಾ ಹುತಿ ಘನ್ನಾ ದಿನ್ನ ಪಾಚೊ಼ಜ಼ ವಾತ ದಿದಲ ತಿಮ್ಮ ತಿನಾ ಪ್ರವಾದಿಯೊನಾ ಮುಲಕ ಪವಿತ್ರ ಗ್ರಂಥಮಾ ಬರ್ದಲ ಛೆ.

ರೊಮಾಪೂರ 16:25

ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.

ರೊಮಾಪೂರ 2:7

ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.

ರೊಮಾಪೂರ 5:2

ಹಮ್ನಾ ಅಪೆ ಕ್ಹುಶಿ ಕರತಾ ರ‍್ಹಯಲ ಕ್ಹುದಾನಿ ಮರಗಾ ಕ್ಹು ಕ್ರಿಸ್ತಜ಼ ಅಪೊನೆ ಅಪ್ನೊ ಬರೊಕ್ಹಾನಾ ಮುಲಕ ಲಾಯೊಸ. ಕ್ಹುದಾನಿ ಮಹಿಮಾ ಹೊಂದಿಲಿಯೆಸ ಕವಾನು ಆಸ ಅಪೊನೆ ರ‍್ಹಯಲ ಹುತಿ ಅಪೆ ಬರೊಕ್ಹಾನಿ ಘಮಂಡಿ ಕ್ಹು ಛೆ.

ರೊಮಾಪೂರ 5:21

ಯಕ್ಕ ಕಾಲ್ಮಾ ಪಾಪ ಮರಣನಾ ಮುಲಕ ಅಪ್ನೊ ಪರ ರಾಜ಼ ಕರ‍್ಯು. ತೆನೈಸೊ ಕ್ಹುದಾ ಮನಕ್ಹೊನೆ ನಿತಿವಂತವಾಲಾ ಕರು ಕೈನ ತಿನಿ ಘನ್ನಿ ಮರಗಾ ದೆಕಾಡ್ಯೊ. ಎ ಮರಗಾ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಹಮೆಶಾನೊ ಜ಼ಲಮ ಲಾವಸ.

ರೊಮಾಪೂರ 5:4

ತಡ್ದಿಲಿವಾಕ್ಹು ಅಪೊಮಾ ಚೊ಼ಕಾ ಸ್ವಭಾವ ಹುಟ್ಟಸ. ಚೊ಼ಕಾ ಸ್ವಭಾವಕ್ಹು ಬರೊಕ್ಹೊ ಹುಟ್ಟಸ.

ರೊಮಾಪೂರ 6:23

ಕಾ ಕದ್ಯಾ ಪಾಪನಿ ಪಗಾರ ಮರಣ ವ್ಹೈ. ತೆನೈಸೊ ಕ್ಹುದಾ ಫ್ರಿ ದಿವಾನು ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಮಾ ರ‍್ಹಯಲ ಹಮೆಶಾನೊ ಜ಼ಲಮ ವ್ಹೈ.

ಕೊಲೆಸ್ಸೆ 1:27

ಎ ಮರ್ಮಾನಿ ಮಹಿಮಾ ಕೆಕ್ಲು ಛೆ ಕವಾನು ಬಿಜಾ಼ ಮನಕ್ಹೊನೆ ಕವಾನಾ ಹುತಿ ಕ್ಹುದಾ ಮನಸ ಕರ‍್ಯೊ.

1 ಥೆಸಲೊನಿಕ 2:15

ತೆ ಮನಕ್ಹೊ ಪ್ರಭು ಥಯಲ ಯೆಸುನೆ ವರಿ ಪ್ರವಾದಿಯೊನೆ ಖಲಾಸ ಕರಿಪಾಡ್ಯಾ. ತ್ಯುನಾ ದೆಶಮಾತಾ (ಜುದೆಯ) ಹಮೊನೆ ಜ಼ಬರದಸ್ತಿಕ್ಹು ಭಾರಾ ಘಾಲಿಪಾಡ್ಯಾ. ತ್ಯುನೆ ಕ್ಹುದಾನೆ ಪಸಂದ ನ್ಹೊತಾ ವರಿ ಕ್ಹಾರಾ ಮನಕ್ಹೊನಾ ವಿರುದ್ಧ ಛೆ.

1 ಥೆಸಲೊನಿಕ 5:8

ತೆನೈಸೊ ಅಪೆ ದಿನ್ಮಾ ರ‍್ಹಯವಾಲಾ ಹುತಿ ಅಪೊನೆ ಹತೊಟಿಮಾ ಮುಕ್ಕಿ ಲಿದೆಲ ರ‍್ಹೌ. ಅಪ್ನಾಕ್ಹು ಅಪ್ನೊನೆ ವಚಾ಼ಡಿಲಿವಾನೆ ಮಯಾ ಬರೊಕ್ಹೊ ಮ್ಹೆಲ್ಲಿದಲ ರ‍್ಹೌ. ರಕ್ಷಣೆನೆ ಆಸ ಅಪೊನೆ ಕಿರಿಟ ಲಿಂಗತ ರ‍್ಹೌ.

1 ತಿಮೊತಿ 6:12

ಬರೊಕ್ಹಾನಾ ಖೆಲಮಾ ತಾರಿ ಚೊ಼ಕಿತನಾಕ್ಹು ನ್ಹಾಟ ಲಿಂಗತ ಛೆ. ನ್ಹಾಟಾನಾ ಖೆಲಮಾ ಝಿತ್ತಾನೆ ತುಕನ ಥಾವಾ ಯಕ್ಲು ಕೊಶಿಶ ಕರ. ಹಮೆಶಾನೊ ಜಿವನ ಪಡದಿಲಿವಾನೆ ಕೊಶಿಶ ಕರ. ತೆ ಪಡದಿಲಿವು ಕೈನ ಬಲೈಲಿದಲವಾಲೊ ವ್ಹೈ. ಕ್ರಿಸ್ತನಾ ಬರೊಕ್ಹಾನಾ ಹುತಿ ಕ್ಹರಿ ತು ಘನ್ನಾ ಮನಕ್ಹೊನಾ ಕ್ಹಾಮೊ ವಪ್ಪಿಲಿವು.

1 ತಿಮೊತಿ 6:19

ತೆಳಾಮಾ ತ್ಯುನೆ ಸ್ವರ್ಗಮಾ ಯಕ್ಕ ಗಾಟ್ರು ಭಾಂದಿನ ಮ್ಹೆಲಲ ಲಿಂಗತ ಥಾವಸ. ತೆ ಗಾಟ್ರುಜ಼ ತ್ಯುನಿ ಅಗ್ಲಿ ಜಿವನಾನೆ ಘಟ್ಟ ಫಾಯಾ ವ್ಹೈ. ಇಮ್ಮ ತ್ಯುನೆ ಕ್ಹರಿನಿ ಜಿವಿತ ಪಡದಿಲಿವಸ.

2 ತಿಮೊತಿ 1:1

ಯೆಸು ಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ತಿಮೊತಿನೆ ಬರ್ದಾನು ಬೆವಾ ಪತ್ರ. ಕ್ಹುದಾನಿ ಚಿ಼ತ್ತಲಿಂಗತ ಮಿ ಅಪೊಸ್ತಲ ಥಯೊ. ಕ್ರಿಸ್ತ ಯೆಸುಮಾ ರ‍್ಹಯಲ ಜ಼ಲಮನಿ ವಾಗ್ದಾನ ಮನಕ್ಹೊನೆ ಕವಾಹುತಿ ಕ್ಹುದಾ ಅಪೊನೆ ಮೊಕಲ್ಯೊ.

2 ತಿಮೊತಿ 1:9

ತೆ ಅಪೊನೆ ವಚಾ಼ಡಿನ, ತಿನಾ ಸ್ವಂತ ಮನಕ್ಹೊ ಥಾವಾಹುತಿ ಅಪೊನೆ ಬಲಾಯೊ. ಹಮೆ ಕರಾನಾ ಚೊ಼ಕಾ ಕಾಮೊಕ್ಹು ಎ ಕ್ಹಾರು ಥಯು ಕೈನ ನ್ಹವೈ. ತೆ ತಿನಿ ಚಿ಼ತ್ತಲಿಂಗತ ತೆ ಅಪೊನೆ ವಚಾ಼ಡಿನ ತಿನೊ ಆಶಿರ್ವಾದ ಲಿಂಗತ ಕರ‍್ಯೊ. ಹಮೆಶಾತೊಬಿ ರ‍್ಹವಾಲೊ ಎ ಮರಗಾ ಕ್ರಿಸ್ತ ಯೆಸುನಾ ಮುಲಕ ಅಪೊನೆ ಮಳ್ಯು.

2 ತಿಮೊತಿ 2:10

ತಿನಾಹುತಿ ಮಿ ತಾಳ್ಮೆಕ್ಹು ಎ ತ್ರಾಸೊನೆ ಅಪನೈಲಿವಸ. ಕಾಕದ್ಯಾಮ ಕ್ಹುದಾ ಇನಿಲಿದ್ಯಲ ಮನಕ್ಹೊನೆ ಸಹಾಯ ಕರು ಕೈನ ಮಾರು ಆಸ ವ್ಹೈ. ತೆ ಮನಕ್ಹೊ ಕ್ರಿಸ್ತ ಯೆಸುಮಾ ರಕ್ಷಣೆ ಪಡ್ದಿಲ್ಯು ಕೈನ ಮಿ ಎ ಕ್ಹಾರಾ ತ್ರಾಸೊನೆ ಸ್ವಿಕಾರ ಕರಲಿದ್ಯೊಸ. ತೆ ರಕ್ಷಣೆನಾ ಕ್ಹಾತೆ ಹಮೆಶಾನು ಜ಼ಲಮ ಮಳಸ.

2 ತಿಮೊತಿ 2:13

ಅಪೆ ಬರೊಕ್ಹೊ ನೈಸೊವಾಲಾ ರ‍್ಹಯಾತುಬಿ, ತೆ ಹಜು಼ನಬಿ ಬರೊಕ್ಹೊ ರ‍್ಹಯಲವಾಲೊ ವ್ಹೈ; ಕಾಕದ್ಯಾಮ ತೆ ತಿನಿ ಸ್ವಭಾವನೆ ವಿರುದ್ದ ನೈ ರ‍್ಹೆಸಕ್ತೊ.

2 ತಿಮೊತಿ 2:15

ಕ್ಹುದಾನಿ ನಜ಼ರಮಾ ಯೊಗ್ಯ ಮನಕ್ಹ ಥಾವಾನೆ ತುಕ್ಹು ಥಾಯೆ ಯಕ್ಲು ಕೊಶಿಶ ಕರ ವರಿ ತುನೆಜ಼ ಒಪ್ಸಿನ ದೆ. ತಿನಾ ಕಾಮಮಾ ನೈ ಸರಮಾಲೊ ಕಾಮವಾಲೊ ಥಾ, ಕದ್ಯಾಮ ಕ್ಹರಿನು ಉಪದೆಶ ಯೊಗ್ಯಕ್ಹು ಕವಾಲೊ ಥಾ.

ತಿತನೆ 2:13

ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ‍್ಹಯಲವಾಲಾ ಅಪೆ ತಿನಾಲಿಂಗತ ರ‍್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.

ತಿತನೆ 2:7

ಕ್ಹಾರಾ ಕಾಮೊನೆ ತಾರಾಕ್ಹು ತುನೆ ಬಿಜಾ಼ವೊನಾ ಕ್ಹಾಮು ಉದಾಹರಣ ಥೈನ ರ‍್ಹೌ.

ತಿತನೆ 3:7

ತಿನಾಹುತಿ ಕ್ಹುದಾ ತಿನಿ ಕೃಪಾಕ್ಹು ಅಪೊನೆ ನಿತಿವಾಲಾ ಕರ‍್ಯೊಸ. ಅಪೊನೆ ಹಮೆಶಾನೊ ಜ಼ಲಮ ಮಳು ಕೈನ ತೆ ಅಪೊನೆ ದಿದ್ಯೊ. ತೆಜ಼ ಅಪ್ನಿ ಆಸ ವ್ಹೈ.

1 ಯೊಹಾನ 2:25

ಕ್ರಿಸ್ತ ಅಪೊನೆ ಹಮೆಶಾನೊ ಜ಼ಲಮ ದ್ಯುಸ ಕೈನ ದಿದಲ ವಾಗ್ದಾನ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.

ಯುದ ಬರ್ದಲ ಪತ್ರ 1:21

ಹಮೆಶಾನಾ ಜ಼ಲಮನಾ ಹುತಿ ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನಿ ಮರ್ಗಾ ದೆಕ್ತಾ ತುಮೊನೆ ಕ್ಹುದಾನಿ ಮಯಾಮಾ ವಚಾಡಿಲಿವೊ.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.

ಪ್ರಕಟನೆ 17:8

ತು ದೆಕಲ ಎ ಜಾನ್ವರ ಯಕ್ಕ ಟೈಮ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ತೆ ಜಾನ್ವರ ಪಾತಾಳಮಾತು ಜಿ಼ವ್ತು ಥೈನ ಉಪ್ಪರ ಉಟಿನ ಆಯಲ್ಪರ ಹಾಳ ಥಾವಸ. ದುನಿಯಾಮ ಜಿವ್ನಾ ಕರಾಲಾ ಮನಕ್ಹೊ ತೆ ಜಾನ್ವರನೆ ದೆಕಿನ, ತೆ ಯಕ್ಕ ಕಾಲ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ವರಿ ತೆ ಆವಸ ಕೈನ ಘಾಬ್ರಾ ಥಾವಸ. ದುನಿಯಾ ತಯ್ಯಾರ ಥಾವಾತಿ ಅಗ್ದುರತುಜ಼಼ ಜಿವಭಾದೆ ಬುಕ್ಮಾ ಎ ಮನಕ್ಹೊನು ನಾಮ ಬರ್ದಲ ನತ್ತಿಜ಼.