ತಿತನೆ 1:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ತ್ಯುನೆ ಪ್ರವಾದಿಯೊಮಾನೊ ಯಕ್ಲೊ ವ್ಹೈ"ತೆ ಜ಼ಗಾನಾ ಮನಕ್ಹೊ ಹಮೆಶಾಬಿ ಸುಳ್ಳ ಬೊಲಸ. ತ್ಯುನೆ ಕೆಟ್ಟ ಜಾನವರೊ ಥಯಾಸ; ಬೆಜ್ಜಾರಕ್ಹು ಕಾಮ ನೈ ಕರಾಲಾ ಥೈನ ಪೆಟ ಡೊಗ್ಗಾಯೆ ನೈಸೊ ಥಯಾಸ "ಕೈನ ಕದ್ಯೊಸ.

ತಿತನೆ 1:12 ပူးပေါင်းရင်းမြစ်များ

ಅಪೊಸ್ತಲೊ 17:28

ಕಾಕದ್ಯಾಮ ತಿಮಾ ಅಪೆ ಜಿವಿಸೆಸ ಚಾಲಿಯೆಸ ವರಿ ರಹೆಸ ತಮಾರಾ ಕವಿಯೊ ದಕ್ಹಾ ಜ಼ನಾ ಹಮೆ ತಿನಾ ಸಂತಾನಾ ವ್ಹೈ ಕೈನ ಕದ್ಯಾ.

ಅಪೊಸ್ತಲೊ 2:11

ಧರಮನೆ ಚಾ಼ಲಾಲಾ ಕ್ರೆತ್ಯವಾಲಾ ವರಿ ಅರಬಿ ದೆಶನಾ ಛೆ. ಅಪೊಮಾ ದಕ್ಹಾ ಜ಼ನಾ ಹುಟ್ಟಲತಾಬಿ ಯೆಹುದಿಯೊ ವ್ಹೈ. ಬಾಕಿನಾ ಪರಿವರ್ತನ ವ್ಹಂದಲವಾಲಾ ವ್ಹೈ. ಅಪೆ ಬಿಜಾ಼ ಬಿಜಾ಼ ದೆಶನಾ ವ್ಹೈ. ತೆನೈಸೊ ಎ ಮನಕ್ಹೊ ಬೊಲಾನು ಅಪ್ನಿ ಸ್ವಂತ ಭಾಶಾಮಾ ಅಪೊನೆ ಐಕು ಆವಾಡುಸ! ತ್ಯುನೆ ಕ್ಹುದಾನಾ ಹುತಿ ಕವಾನಿ ಮ್ಹೊಟಿಯೊ ಸಂಗತಿಯೊ ಅಪೊನೆ ಕ್ಹಾರಾವೊನೆ ಗ್ವತ್ತ ಥಾವಾಡುಸ" ಕೈನ ಕದ್ಯಾ.

ಅಪೊಸ್ತಲೊ 27:12

ತೆ ರೆವು ಥಂಡಾನಾ ದಿನೊಮಾ ಹುಬ್ರವಾನೆ ಚೊ಼ಕಿ ನ್ಹೊತಿ. ತಿನಾಹುತಿ ಹಡ್ಗೊ ತ್ಯಾಂತೊ ಲಿನ ಜಾ಼ಜ಼ ಕೈನ ಘನ್ನಾ ಮನಕ್ಹೊ ಕದ್ಯಾ. ಹಮೆ ಫೆಲಿಕ್ಸನೆ ಮುಟ್ಟಿಯೆಸ ಕೈನ ತ್ಯುನಿ ಆಸ ವ್ಹತ್ತಿ. ಥಂಡನಾ ದಿನೊಮಾ ಹಡ್ಗೊ ತ್ಯಾ ರ‍್ಹವಾನು ವ್ಹತ್ತು. ಫೆನಿಕ್ಸ ಕ್ರೆಟ ದ್ವಿಪನು ಬಂದರ ತೆ ವ್ಹಂದ್ಯುತು. ಇಶ್ಯಾನನಾ ದಿಕ್ಕನೆ ಆಗ್ನೆಯಾ ದಿಕ್ಕನೆ ಕ್ಹಾಮು ರ‍್ಹಯಲ ಮ್ಹೊಡು ಕರಿನ ವ್ಹತ್ತು.

ಅಪೊಸ್ತಲೊ 27:13

ತೆ ಥಯಲ್ಪರ ಚೊ಼ಕೊ ವಾರೊ ದಕ್ಷಿಣ ಬಗಲ್ತಾ ಛುಟಾನು ಚಾಲು ಥಯೊತೊ. ಹಡಗಾಮಾ ರ‍್ಹಯಲ ಮನಕ್ಹೊ, ಅಪೊನೆ ಚಾ಼ಯೆ ಥಯಲ ಎಜ಼ ವಾರೊ ವ್ಹೈ, ಹಮ್ನಾ ತೆ ಹಮೊನೆ ಮಳ್ಯೊ! ಕೈನ ವಿಚಾರ ಕರ್ಲಿದ್ಯಾ. ತಿನಾ ಹುತಿ ತ್ಯುನೆ ಹಡಗಾನಾ ಲಂಗತ ಉಪ್ಪರ ಯಳದ್ಯಾ. ಹಮೆ ಕ್ರೆಟ ದ್ವಿಪನಾ ಕರಾವಾಳಿಮಾ ನೌಕಾಯಾನ ಕರ‍್ಯಾ.

ಅಪೊಸ್ತಲೊ 27:7

ಹಮೆ ನಿಧಕ್ಹು ಘನ್ನಾ ದಿನ್ನ ಲಕ್ಕಾ ಪ್ರಯಾಣ ಕರಾತ್ತಾ ಘನಾ ಕಷ್ಟ ಖಾತಾ ಸ್ನಿಡ ಗಾಮೆ ಮೂಟ್ಯಾ. ವಾಟ್ಮಾ ಹಜು಼ನ ಅಗಾ ಜಾ಼ವಾನೆ ಥಯು ನೈ. ತಿನಾಹುತಿ ಹಮೆ ಸಾಲ್ಮೊನೆಯ ನಜಿಕ್ಮಾ ರ‍್ಹಯಲ ಕ್ರೆಟ ದ್ವಿಪ ದಕ್ಷಿಣ ಭಾಗಮಾ ನೌಕಾಯಾನ ಕರ‍್ಯಾ.

ರೊಮಾಪೂರ 16:18

ಕಾಕದ್ಯಾಮ ತ್ಯವಾ ಸಂಗತಿಯೊ ಕರಲ ಮನಕ್ಹೊ ಅಪ್ನೊ ಪ್ರಭು ಥಯಲ ಕ್ರಿಸ್ತನಿ ಸೆವಾ ಕರಾಡ್ಯಾ ನತ್ತಿ. ತ್ಯುನೆ ಖಾಲಿ ತ್ಯುನೆ ಪೆಟನಾ ಹುತಿ ಕರಾಡಾಸ. ಕೆಟ್ಟನಾ ಹುತಿ ನೈ ತಿಳದ್ಯಲ ಮನಕ್ಹೊನಾ ಮನಸೊನೆ ಮೊಸ ಕರಾನೆ ತ್ಯುನೆ ಚೊ಼ಕಾ ಮಯಾನಾ ವಾತೊ ಬೊಲಸ ವರಿ ಮ್ಹೊಡಾನೆ ಪಸಂದ ಆವಾನಾ ವಾತೊ ಬೊಲಸ.

ಫಿಲಿಪ್ಪಿ 3:19

ಹಾಳಥವಾನುಜ ತ್ಯುನಿ ಲಾಸ್ಟನಿ ಪರಿಸ್ಥಿ ವ್ಹೈ, ಪೆಟಜ ತ್ಯುನು ಕ್ಹುದಾವೈ, ಸರಾಮಾವುನಜ ಕಾಮ್ಮ ತ್ಯುನೊನೆ ಚುಕು ವ್ಹೈ ತ್ಯುನೆ ದುನಿಯಾಮ್ಮಾ ರ‍್ಹಯಲ ಕಾಮೊನೆ ಚಿಂತಾ ಕರಸ.

1 ತಿಮೊತಿ 4:2

ತೆ ಭೊದನೆ ಸುಳ್ಳ ಬೊಲಾಲಾ ವರಿ ಮೊಸ ಕರಾಲಾ ಮನಕ್ಹೊ ಕಂತು ಆವಸ. ತ್ಯುನೆ ಕ್ಹರಿ ಸುವ್ಹೈ ವರಿ ಕೆಟ್ಟ ಸುವ್ಹೈ ವಳಕ್ಕತಾನೈ. ಉನ್ನು ಥಯಲ ಲ್ಹೊಡಾಕ್ಹು ಬಳಿನ ರಾಕ ಥಯಲ ಲಿಂಗತ ತ್ಯುನು ಗ್ಯಾನಬಿ ಹಾಳ ಥೈ ಜಾ಼ವಸ.

ತಿತನೆ 1:5

ಹಜು಼ನ ಪುರಾ ನೈ ಥಯಲ ಕಾಮೊ ಪುರಾ ಕರಾಹುತಿ ಹರಿಯಕ್ಕ ಗಾಮ್ಮಾ ಸಬಾಪಾಲಕೊನೆ ಇನಿಲಿವಾನಾಹುತಿ ವರಿ ಉಪದೆಶ ಕವಾಹುತಿ ಮಿ ತುನೆ ತೆ ಜ಼ಗಾ ಛೊಡಿನ ಆಯೊ.

2 ಪೆತ್ರಾ 2:12

ತೆನೈಸೊ ಎ ಸುಳ್ಳ ಬೊದಕೊ ತ್ಯುನೊನೆ ನೈ ಗ್ವತ್ತ ಥಯಲ ಸಂಗಿತಿಯೊನಾ ವಿರುದ್ದ ಕೆಟ್ಟಬೊಲಸ. ತ್ಯುನೆ ವಿಚಾರ ಕರ‍್ಯಾವಾಚಿ ಕಾಮೊ ಕರಾಲಾ ಜಾನವರೊ ಲಿಂಗತ ರ‍್ಹವಸ. ಧರೈಲಿನ ಖಲಾಸ ಥಾವಾನಾಹುತಿ ಹುಟ್ಟಲ ಕೆಟ್ಟ ಪಶುವೊನಿಂಗ ಹಾಳಥಾವಾಲಾ ಲಿಂಗತ ರ‍್ಹವಸ.

2 ಪೆತ್ರಾ 2:15

ಎ ಸುಳ್ಳ ಬೊದಕೊ ಚೊ಼ಕಿವಾಟ ಛೊಡಿನ, ಕೆಟ್ಟ ವಾಟ ಧರ‍್ಯಾಸ. ಬಿಳಾಮನ ಬೆಯೊರನ್ನೊ ದಿಕ್ರೊ. ತಿನು ಧರಮನೆ ಛೊಡಿನ ಅಧರಮಕ್ಹು ಆಯಲ ಫೈದಾನೆ ಮಯಾ ಕರ‍್ಯೊ.