ತಿತನೆ 1:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಅವಿಧೆಯ ರ‍್ಹಯಲ ಮನಕ್ಹೊ ಘನ್ನಾ ಛೆ. ತ್ಯುನೆ ತ್ಯುನು ವಳಕೆವಾಚಿ ವರಿ ಬಿಜಾ಼ ಮನಕ್ಹೊನೆ ಕೆಟ್ಟ ವಾಟಪರ ಬಲೈಲಿನ ಜಾ಼ವಸ. ಯೆಹುದಿಯೊನೈಸೊ ಮನಕ್ಹೊನೆ ಸುನ್ನತಿ ಕರೈಲ್ಯು ಕೈನ ಕವಾಲಾ ಮನಕ್ಹೊನಾ ಹುತಿ ಮಿ ಕವಾಡ್ಯೊಸ.

ತಿತನೆ 1:10 ပူးပေါင်းရင်းမြစ်များ

ಮತ್ತಾಯ 23:14

ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊ ಮನಕ್ಹೊ ದೆಕು ಕೈನ ಮ್ಹೊಟಿಯೊ ಪ್ರಾಥನಾ ಕರೊಸಿ. ತುಮೆ ಮಾಟಿಯೊ ಮರಲ ಬಾಕ್ಡಿಯೊನಾ ಘರೊಮಾ ಹೊಕ್ಕಿನ ನಾಟಕ ಕರಿಸಿ. ತಿನಾಹುತಿ ತುಮೊನೆ ಮ್ಹೊಟಿ ಶಿಕ್ಷಾ ಮಳಸ.

ಅಪೊಸ್ತಲೊ 11:2

ತೆನೈಸೊ ಪೆತ್ರಾ ಯೆರುಸಲೆಮೆ ಆಯಲ್ಪರ ದಕ್ಹಾ ಯೆಹುದಿನಾ ವಿಶ್ವಾಸಿಯೊ ಖತ್ನಾ ಕರೈಲ್ಯು ಕೈ ಕವಾಲಾ ತಿನಾ ಕ್ಹಾತೆ ವಾದ ವಿವಾದ ಕರ‍್ಯಾ.

ಅಪೊಸ್ತಲೊ 15:1

ಪಾಚಾ಼ತಾ ದಕ್ಹಾ ಮನಕ್ಹೊ ಯುದೆಯತಾ ಅಂತಿಯೊಕ್ಯನೆ ಆಯಾ" ತುಮೆ ಸುನ್ನತಿ ನೈ ಕರಾಯಾಮ ತುಮೊನೆ ಬಿಡುಗಡೆ ಥಾತು ನೈ. ಸುನ್ನತಿ ಕರೈಲ್ಯು ಕೈನ ಮೊಶೆ ಕದ್ಯೊಸ "ಕೈನ ತ್ಯುನೆ ಯೆಹುದಿಯೊ ನೈ ರ‍್ಹಯಲ ವಿಸ್ವಾಸಿಯೊನೆ ಉಪದೆಶ ಕರಾನು ಶುರು ಕರ‍್ಯಾ.

ಅಪೊಸ್ತಲೊ 15:24

ಹಮಾರಾ ಸಮುದಾಯನಾ ತಮನೊ ಕನ ಆಯೆಲ ದಕ್ಹಾಜ಼಼ನಾ ತಮನೊನೆ ದಕ್ಹಾ ಸಂಗತಿಯೊ ಕವಾನಾಹುತಿ ತಮನೊನೆ ತ್ರಾಸನೆ ಘನು ಕರಿನ ತಮಾರಾಮಾ ಗಲಿಬಿಲಿ ಕರಾನಾಹುತಿ ಸುದ್ದಿ ಹಮನೊನೆ ಗ್ವತ್ತ ಥಯು. ತಿನಾಹುತಿ ಇಮ್ಮ ಕರಾನಾಹುತಿ ಹಮೆ ತ್ಯುನೊನೆ ಕದ್ಯಾನ್ಹೊತ್ತಾ.

ಅಪೊಸ್ತಲೊ 20:29

ಮಿ ಗಯಲ್ಪರ ಘನ್ನಾ ಕ್ರುರ ರ‍್ಹಯಲ ರಾನ್ನಾ ಕುತ್ರಾ ತುಮೊಮಾ ಆವಸ ಕೈನ ಮನೆ ಗ್ವತ್ತ ಛೆ; ತೆ ಹಿಂಡನೆ ಮರಗತಾ ನೈ.

ಗಲಾತ್ಯ 2:4

ಎ ಸಮಶ್ಯಾನಾ ಹುತಿ ಹಮೆ ಬೊಲಾನೆಜ಼ ವ್ಹತ್ತು. ಕಾಕದ್ಯಾಮ ದಕ್ಹಾ ಸುಳ್ಳ ಭಾಯೊ ಐನ ಅಪ್ನಾ ಸಬೆಮಾ ಮಳೈಗಯಾತಾ. ಯೆಸು ಕ್ರಿಸ್ತಮಾ ಹಮೊನೆ ರ‍್ಹಯಲ ಆಜಾ಼ದಿನಾ ಹುತಿ ದಡಿ ರ‍್ಹಯಲ ಗ್ವತ್ತ ಕರಲಿವಾನೆ ವರಿ ತ್ಯುನಾ ಗುಲಾಮೊ ಕರ್ಲಿವಾನಾ ಹುತಿ ಆಯಾತಾ.

ಗಲಾತ್ಯ 3:1

ಯೆಸು ಕ್ರಿಸ್ತ ಶಿಲುವಿಪರ ಮರಲ ಹುತಿ ಗಲಾತ್ಯಮಾ ರ‍್ಹಯಲ ತುಮೊನೆ ಘನ್ನಿ ಚೊ಼ಕಿತರಾ ಕದ್ಯಾ. ತೆನೈಸೊ ತುಮೆ ವಟ್ಟಜ಼ ಗ್ಯಾನ ನೈಸೊವಾಲಾ ವ್ಹೈ. ತುಮೊನೆ ಮೊಸ ಕರಾನೆ ಬಿಜೆ಼ಕ್ಲಾನೆ ಮೌಕೊ ಕರಿನ ದಿದ್ಯಾ.

ಎಫೆಸ 4:14

ತಿನಾಹುತಿ ಅಪೆ ಹಮ್ನಾತಾ ಬಚ್ಚಾ಼ ಥೈನ ರ‍್ಹೌ ನೈ. ಸಮುಂದರನಿ ಧಡ್ಕಿಯೊ ಹೈತಿ ಜಾ಼ವಾನಾ ಹಡ್ಗೊ ಲಿಂಗತ ಗಲಿ ಬಿಲಿ ಥೌ ನೈ. ಅಪೊನೆ ಮೊಸ ಕರಾನೆ ಮನಕ್ಹೊ ಕವಾನಾ ಕಯಾಜ಼ ನವಾ ಉಪದೆಶೊಕ್ಹು ಅಪೆ ಕಳವಳ ಥೌ ನೈ. ಮನಕ್ಹೊನೆ ಮೊಸ ಕರಿನ ಕೆಟ್ಟ ವಾಟಮಾ ಚ಼ಲೌ ಕವಾನಿ ಉದ್ದೆಶಕ್ಹು ತೆ ಕೆಟ್ಟ ಬೊದಕೊ ಬಿಜಾ಼-ಬಿಜಾ಼ ತರಾನಾ ವಿಚಾರೊ ಕರಸ.

1 ತಿಮೊತಿ 1:4

ವಿಚಾರ ಕರಲ ಕಾನಿಯೊನೆಬಿ ವರಿ ತುಮಾರಾ ಪಿತೃವೊನು ಖಾಂದಾನನೆ ಧ್ಯಾನದ್ಯುನೈ ಕೈನ ತ್ಯುನೊನೆ ಆಗನ್ಯಾ ದೆ. ತೆ ಸಂಗತಿಯೊ ವಾದ-ವಿವಾದ ಲಾವಸ. ತ್ಯವಾಕ್ಹು ಕ್ಹುದಾನಾ ಕಾಮನೆ ಸುಜ಼ ಉಪಯೊಗ ನತ್ತಿ. ಕ್ಹುದಾನು ಕಾಮ ಬರೊಕ್ಹಾ ಕ್ಹು ಕರು.

1 ತಿಮೊತಿ 1:6

ದಕ್ಹಾ ಜ಼ನಾ ಎ ಗುರಿ ಚು಼ಕಿನ ನೈಸೊ ಕರಾನಾ ವಿಷಯಮಾ ಬೊಲ್ತಾ ರ‍್ಹವಸ.

1 ತಿಮೊತಿ 1:9

ಧರ್ಮಶಾಸ್ತ್ರನೆ ತಯ್ಯಾರ ಕರಲ ಚೊ಼ಕಾವೊನಾ ಹುತಿ ನವೈ ಕೈನ ಅಪೊನೆ ತಿಳದ್ಯುಸ. ತಿನೆ ತಯ್ಯಾರ ಕರಲ ತಿನಾ ವಿರುದ್ದ ಚಾ಼ಲಾಲಾ ವರಿ ತಿನೆ ನೈ ಚಾ಼ಲಿಲಿನ ಜಾ಼ವಾಲಾ ಮನಕ್ಹೊನೆ ವ್ಹೈ. ಕ್ಹುದಾನೆ ವಿರುದ್ದ ಥಯಲ ಮನಕ್ಹೊನೆ ವರಿ ಪಾಪಿಯೊನೆ, ಧರಮ ನೈಕರಾಲಾವೊನೆ ವರಿ ಪರಿಶುದ್ಧ ನೈರ‍್ಹಯಲವಾಲಾವೊನೆ, ಮಾ-ಬಾಪನೆ ಖಲಾಸ ಕರಾಲಾವೊನೆ ವರಿ ಮನಕ್ಹೊನೆ ಖಲಾಸ ಕರಾಲಾವೊನೆ,

2 ತಿಮೊತಿ 3:13

ಕೆಟ್ಟ ಮನಕ್ಹೊ ವರಿ ಸುಳ್ಳ ಬೊಧಕೊ ಬಿಜಾ಼ವೊನೆ ಮೊಸ ಕರತಾ ತ್ಯುನೊನೆಬಿ ಮೊಸ ಕರ‍್ಲೆತಾ ದಿನ್ನತಾ ದಿನ್ನೆ ಕಿಳಮಟ್ಟೆ ಉತರತಾ ಜಾ಼ವಸ.

2 ತಿಮೊತಿ 4:4

ಮನಕ್ಹೊ ಕ್ಹರಿನೆ ಧ್ಯಾನ ದಿದ್ಯಾವಾಚಿ ಸುಳ್ಳ ಕಾನಿಯೊ ಘೊರ ಕರಿನ ಐಕಸ.

ತಿತನೆ 1:6

ಸಭಾಪಾಲಕ ಥಾವಾಲೊ ಕೆಟ್ಟ ಮನಕ್ಹ ವ್ಹೈ ಕೈನ ಕವೈಲಿದಲ ರ‍್ಹೌ ನೈ. ತಿನೆ ಯಕ್ಕಲಿಜ಼ ಬೈಕೊ ರ‍್ಹೌ. ತಿವ್ನಾ ಬಚ್ಚಾ಼ ವಿಸ್ವಾಶಿಯೊ ರ‍್ಹೌ. ತ್ಯುನೆ ಕೆಟ್ಟ ವ್ಹೈ ಕೈನ ಕವೈಲಿದಲ ರ‍್ಹೌ ನೈ.

ಯಾಕೊಬ 1:26

ತಿನೆ ತೆ ಚೊ಼ಕೊ ಭಕ್ತ ವ್ಹೈ ಕೈನ ಕವೈಲಿವಾಲೊ ಕಯೊಬಿ ತಿನಿ ಜಿಬ್ಬ ತಿನಾ ಹತೊಟಿಮಾ ಮುಕ್ಕಿಲಿದ್ಯಾ ಬಗರ ತಿನಾ ಮನಸನೆ ಮೊಸ ಕರಲೆತೊ ರ‍್ಹಯಾಮ ತಿನಿ ಭಕ್ತಿ ಶಾನಾ ಕಾಮನಿ ನವೈ.

1 ಯೊಹಾನ 2:18

ಮಾರಾ ಮಯಾನಾ ಬಚ್ಚಾ಼ವೊ, ಅಂತ್ಯ ಕಾಲ ನಜಿಕ ಆಯೊಸ! ಕ್ರಿಸ್ತನೊ ದುಶ್ಮನ ಆವಾಡ್ಯೊಸ ಕೈನ ತುಮೆ ಐಕ್ಯಾಸ. ತಿನಾಹುತಿ ತುಮೆ ಅಂತ್ಯ ಕಾಲ ನಜಿ಼ಕ ಆಯೊಸ ಕೈನ ತುಮೊನೆ ಗ್ವತ್ತ ಛೆ.

1 ಯೊಹಾನ 2:4

"ಕ್ಹುದಾನೆ ಮಿ ವಳಕ್ಯೊಸ "ಕೈನ ಕವಾಲೊ ಕ್ಹುದಾನಿ ಆಗ್ಯ್ನಾನೆ ನೈ ವಿಧೆಯ ಥಯಲ ರ‍್ಹಯೊಮ, ತೆ ಸುಳ್ಳಮಾ ರ‍್ಹಯಲವಾಲೊ ವ್ಹೈ ವರಿ ತಿಕನ ಕ್ಹರಿಜ಼ ನತ್ತಿ.

1 ಯೊಹಾನ 4:1

ಮಾರಾ ಮಯಾನಾ ದೊಸ್ತೊ, ಎ ದುನಿಯಾಮಾ ಘನ್ನಾ ಸುಳ್ಳ ಪ್ರವಾದಿಯೊ ಛೆ. ತಿನಾ ಹುತಿ ಹರಿ ಯಕ್ಕ ಆತ್ಮಾಪರ ಬರೊಕ್ಹೊ ಮ್ಹೆಲೊ ನಕೊ. ತೆನೈಸೊ ತೆ ಆತ್ಮಾವೊ ಕ್ಹುದಾತಿ ಐಯೊಸ ಕೈನ ಪರಿಕ್ಷಾ ಕರಿನ ವಳಕಿಲಿವೊ.

ಪ್ರಕಟನೆ 2:14

"ತೆನೈಸೊ ತಾರಾ ವಿರೊದ ಕವಾನಿಯೊ ದಕ್ಹಿಯೊ ಸಂಗತಿಯೊ ಛೆ. ತಾರಿ ಸಬೆಮಾ ಬಿಲಾಮನ್ನಿ ಕೆಟ್ಟ ಭೊದನೆ ಲಿಂಗತ ಚಾ಼ಲಿನ ಜಾ಼ವಾಲಾ ಮನಕ್ಹೊ ಛೆ. ಇಸ್ರೆಲನಾ ಮನಕ್ಹೊನೆ ಇಮ್ಮ ಪಾಪಮಾ ಪಡೆ ಲಿಂಗತ ಕರು ಕವಾನು ಬಿಲಾಮ ಬಾಲಾಕನೆ ಕೆಟ್ಟ ಭೊದನೆ ಕರ‍್ಯೊ. ತಿನಾಹುತಿ ಇಸ್ರೆಲೊ ಮೊರತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಮುಕಾಂತರ ವರಿ ಕೆಟ್ಟ ಲೈಂಗಿಕನಾ ಪಾಪೊ ಕರಾನಾ ಮುಕಾಂತರ ಪಾಪ ಕರ‍್ಯಾ.

ಪ್ರಕಟನೆ 2:6

ತೆನೈಸೊ ತು ಚೊ಼ಕು ರ‍್ಹಯಲ ಯಕತಬಿ ಕರಾಡ್ಯೊಸ ತೆ ಸು ವ್ಹೈ ಕದ್ಯಾಮ ನಿಕೊಲಾಯತ ಕವಾಲೊ ಯಕ್ಲೊ ಕರಾನಾ ಕಾಮೊನೆ ಶೆರತೊ ನೈ. ಮಿಬಿ ತ್ಯುನಾ ಕಾಮೊನೆ ಶೆರತೊ ನೈ.