ರೊಮಾಪೂರ 8:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ನಿಲಯ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ‍್ಯುಸ.

ರೊಮಾಪೂರ 8:2 ပူးပေါင်းရင်းမြစ်များ

ಯೊಹಾನ 4:10

ಯೆಸು ತಿನೆ"ಕ್ಹುದಾ ಸು ದಿವಸ ಕವಾನು ತುನೆ ಗ್ವತ್ತ ನತ್ತಿ ಪಾನಿ ಪುಚ್ತಾಮಾ ಮಿ ಕುನ್ನ ವ್ಹೈ ಕವಾನು ತುನೆ ಗ್ವತ್ತ ನತ್ತಿ. ತುನೆ ಎ ಕ್ಹಾರು ಗ್ವತ್ತ ರ‍್ಹವತ್ತೊ, ತು ಮಕನ ಮಾಂಗಿಲೆತಿತಿ, ವರಿ ಮಿ ತುನೆ ಜಿವ ಜಲ ದೆತೊತೊ "ಕದ್ಯೊ.

ಯೊಹಾನ 4:14

ವರಿ ಮಿ ದಿವಾನು ಪಾನಿ ಕುನ್ನ-ಕುನ್ನ ಪಿವಸ ತ್ಯುನೊನೆ ಫರಿನ ತರಕ್ಹ ಲಾಗ್ತಿಜ ನೈ. ಮಿ ದಿವಾನು ಪಾನಿ ತ್ಯುನಾ ಮ್ಹೈತು ಜ಼ಲಮ ದಿವಾನು ಪಾನಿನು ಝರಿಲಿಂಗತ ರ‍್ಹವಸ. ವರಿ ತೆ ತ್ಯುನೊನೆ ಹಮೆಶಾನೊ ಜ಼ಲಮ ದಿವಸ" ಕೈನ ಕದ್ಯೊ.

ಯೊಹಾನ 6:63

ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.

ಯೊಹಾನ 8:32

ತುಮೆ ಕ್ಹರಿನೆ ತಿಳ್ದಿಲಿವೊಸಿ. ವರಿ "ತೆ ಕ್ಹರಿ ತುಮೊನೆ ಸ್ವತಂತ್ರ ಕರಸ" ಕೈನ ಕದ್ಯೊ.

ಯೊಹಾನ 8:36

ತಿನಾಹುತಿ ದಿಕ್ರೊ ತುಮೊನೆ ಸ್ವತಂತ್ರ ಕರ‍್ಯೊಮ, ತುಮೆ ಕ್ಹರಿಮಾಜ಼ ಸ್ವತಂತ್ರ ಥಯಾಸ.

ರೊಮಾಪೂರ 16:3

ಪ್ರಿಸ್ಕಿಳನೆ ಅಕ್ವಿಳನೆ ಮಾರಿ ವಂದನಾ ಕವೊ. ತ್ಯುನೆ ಕ್ರಿಸ್ತ ಯೆಸುಮಾ ಮಾರಾ ಕ್ಹಾತೆ ಸೆವೆ ಕರಾಡಾಸ.

ರೊಮಾಪೂರ 3:27

ತೆನೈಸೊ ಅಪೆ ಕಯಾ ವಿಷಯನಾ ಹುತಿ ಮ್ಹೊಟುಪನ ಕರಸಕೆಸ. ಕಯುಜ಼ ನ್ಹವ್ಹೈ! ವರಿ ತಿನೆ ಕಾರಣ ಸುವ್ಹೈ? ಅಪೆ ಧರಮಶಾಸ್ತ್ರ ಲಿಂಗತ ಚಾ಼ಲಾನು ತಿನು ಕಾರಣ ವ್ಹೈಸು? ನ್ಹವೈ! ತೆನೈಸೊ ಅಪೆ ಕಿಪರ ಬರೊಕ್ಹೊ ಕರೆಸ ತೆ ಅಪ್ನು ಮ್ಹೊಟಾಪನನೆ ಕಾರಣ ಥಯುಸ.

ರೊಮಾಪೂರ 5:21

ಯಕ್ಕ ಕಾಲ್ಮಾ ಪಾಪ ಮರಣನಾ ಮುಲಕ ಅಪ್ನೊ ಪರ ರಾಜ಼ ಕರ‍್ಯು. ತೆನೈಸೊ ಕ್ಹುದಾ ಮನಕ್ಹೊನೆ ನಿತಿವಂತವಾಲಾ ಕರು ಕೈನ ತಿನಿ ಘನ್ನಿ ಮರಗಾ ದೆಕಾಡ್ಯೊ. ಎ ಮರಗಾ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಹಮೆಶಾನೊ ಜ಼ಲಮ ಲಾವಸ.

ರೊಮಾಪೂರ 6:14

ಪಾಪ ತುಮಾರೊ ಮಾಲಕ ಥೈನ ರ‍್ಹತೊ ನೈ. ಕಾಕದ್ಯಾಮ ತುಮೆ ಧರಮಶಾಸ್ತ್ರನೆ ಅದಿನ ನ್ಹವೈ ತೆನೈಸೊ ಹಮ್ನಾ ತುಮೆ ಮರಗಾಮಾ ಜಿವ್ನಾ ಕರಾಲಾ ವ್ಹೈ.

ರೊಮಾಪೂರ 6:18

ತುಮೆ ಪಾಪಕ್ಹು ಬಿಡುಗಡೆ ಥಯಾಸ. ಹಮ್ನಾ ತುಮೆ ನಿತಿನೆ ಗುಲಾಮೊ ಥಯಾಸ.

ರೊಮಾಪೂರ 6:22

ತೆನೈಸೊ ಹಮ್ನಾ ತುಮೆ ಪಾಪಕ್ಹು ಬಿಡುಗಡೆ ಥೈನ ಕ್ಹುದಾನಾ ಗುಲಾಮೊ ಥಯಾಸ. ಇನಾಹುತಿ ತುಮೊನೆ ಪರಶುಧ್ದ ಜಿವನ ಹಮೆಶಾನು ಜ಼ಲಮ ಮಳಸ.

ರೊಮಾಪೂರ 7:21

ಇಮ್ಮ ರ‍್ಹತಾಮಾ, ಮಿ ಎ ನಿಯಮ ಶಿಕ್ಶಯೊಸ; ಮಿ ಚೊ಼ಕು ಕರಾನೆ ಜಾ಼ತಾಮಾ, ಕೆಟ್ಟ ಮಾರಾಮಾ ರ‍್ಹವಸ.

ರೊಮಾಪೂರ 7:23

ತೆನೈಸೊ ಮಿ ಮಾರಾ ಅಂಗಮಾ ಬಿಜು಼ ನಿಯಮ ಕಾಮ ಕರಾನು ಮಿ ದೆಕುಸ. ಮಾರು ಅಂತರಂಗ ವಪ್ಪಿಲಿವಾನಾ ನಿಯಮನೆ ವಿರುದ್ದ ಥೈನ ತೆ ನಿಯಮ ಹೊರಾಡಸ. ಮಾರಾ ಅಂಗಮಾ ಕಾಮ ಕರಾನಾ ತೆ ಬಿಜು಼ ನಿಯಮಜ಼ ಪಾಪನು ನಿಯಮ ಭಾಂದಸ. ತೆ ನಿಯಮ ಮನೆ ಪಾಪನು ಗುಲಾಮ ಕರಸ.

ರೊಮಾಪೂರ 7:4

ಮಾರಾ ಭಾಯೊ ಭೆನೊ, ಇನಾಲಿಂಗತಜ಼ ತುಮಾರಾ ಜು಼ನ್ನಿಯೊ ಚಾಳಿಯೊ ಮರಿ ಗಯ್ಯೊ; ತುಮೆ ಕ್ರಿಸ್ತನಾ ಅಂಗನಾ ಮುಲಕ ಧರಮಶಾಸ್ತ್ರಕ್ಹು ಬಿಡುಗಡೆ ಥಯಾಸ. ಹಮ್ನಾ ತುಮೆ, ಮರಲ ಮನಕ್ಹೊಮಾತಾ ಜಿವ್ತೊ ಥೈನ ಉಟಿನ ಆಯಲವಾಲಾನೆ ಮಳಲವಾಲಾ ಥಯಾಸ. ಅಪೆ ಕ್ಹುದಾನಾ ಹುತಿ ಫಲ ದಿವಾನಾ ಹುತಿ ಕ್ರಿಸ್ತನೆ ಮಳಲವಾಲಾ ಥಯಾಸ.

ರೊಮಾಪೂರ 8:1

ತಿನಾಹುತಿ ಹಮ್ನಾ ಕ್ರಿಸ್ತ ಯೆಸುಮಾ ರ‍್ಹವಾಲಾ ಮನಕ್ಹೊನೆ ಅಪರಾದಿಯೊ ವ್ಹೈ ಕೈನ ಫೈಸಲೊ ನೈ ಥಾತೊ.

1 ಕೊರಿಂಥ 15:45

"ಪಸ್ಟ ಮನಕ್ಹ ಥಯಲ ಆದಾಮ ಜ಼ಲಮ ಲಿದಲ ಮನಕ್ಹ ವ್ಹೈ "ಕವಾನು ಪವಿತ್ರ ಗ್ರಂಥಮಾ ಬರ್ದಲ ಛೆತೊ. ಲಾಸ್ಟನೊ ಆದಾಮ ತುಬಿ ಜ಼ಲಮ ದಿವಾಲೊ ಆತ್ಮಾ ಥಯೊ.

2 ಕೊರಿಂಥ 3:17

ತೆ ರ‍್ಹಯಲ ಪ್ರಭು ಕ್ಹುದಾನಿ ಆತ್ಮಾ ವ್ಹೈ. ಕಿಜಾ಼ ಪ್ರಭುನಿ ಆತ್ಮಾ ರ‍್ಹವಸ ತ್ಯಾ ಬಿಡುಗಡೆ ರ‍್ಹವಸ.

2 ಕೊರಿಂಥ 3:6

ತೆ ನೌ ವಡಂಬಡಿಕೆನಾ ಸೆವಕೊ ಥಾವಾನೆ ತಾಕತ ಹಮೊನೆ ದಿದ್ಯೊಸ. ಆ ನೌ ವಡಂಬಡಿಕೆ ಲಿಖಿತ ರುಪನಾ ಲಿಂಗತ ನತ್ತಿ ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲವಾಲೊ ವ್ಹೈ. ಲಿಖಿತ ರುಪಮಾ ರ‍್ಹಯಲ ವಡಂಬಡಿಕೆ ಮೌತ ಲಾವಸ. ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲ ವಡಂಬಡಿಕೆ ಜುವ ದಿವಸ.

ಗಲಾತ್ಯ 2:19

ಮಿ ಧರಮಶಾಸ್ತ್ರ ಹುತಿ ಜಿವ್ನಾ ಕರಾನು ಛೊಡಿಪಾಡ್ಯೊ. ಮನೆ ಧರಮಶಾಸ್ತ್ರಜ಼ ಖಲಾಸ ಕರಿಪಾಡ್ಯು. ಮಿ ಹಮ್ನಾ ಕ್ಹುದಾನಾ ಹುತಿ ಜಿವ್ತೊ ರ‍್ಹೌ ಕೈನ ಧರಮಶಾಸ್ತ್ರನಾ ಪಾಲೆ ಮರಿಗಯೊ. ಮಿ ಕ್ರಿಸ್ತನಾ ಕ್ಹಾತೆ ಶಿಲುಬಿಪರ ಚ಼ಡೈಲಿದ್ಯೊ.

ಗಲಾತ್ಯ 5:1

ಹಮ್ನಾ ಅಪೊನೆ ಸ್ವತಂತ್ರ ಛೆ. ಕ್ರಿಸ್ತ ಅಪೊನೆ ಸ್ವತಂತ್ರ ಕರ‍್ಯೊ. ತಿನಾಹುತಿ ಘಟ್ಟ ಥೈನ ರ‍್ಹವೊ. ಮನಸ ಬದಲಿ ಕರಲಿನ ವರಿಬಿ ಗುಲಾಮ ಗಿರಿಮಾ ರ‍್ಹವೊ ನಕೊ.

ಗಲಾತ್ಯ 6:2

ತುಮಾರು ವಜ್ಜು಼ ಉಚಾವೊ. ಇಮ್ಮ ತುಮೆ ಕ್ರಿಸ್ತನಿ ಆಗನ್ಯಾ ಕ್ಹರಿಮಾಜ಼ ಕರೊ.

ಯಾಕೊಬ 1:25

ತೆನೈಸೊ ಅಪೊನೆ ಬಿಡುಗಡೆ ಕರಾನಿ ವಾಕ್ಯಾನೆ ಧ್ಯಾನದಿನ ಒದಿನ, ಶೆಂ ಕರಿಲಿನ ತಿನಾ ಲಿಂಗತ ಚಾ಼ಲಾಲೊ, ವಾಕ್ಯಾ ಐಕಿನ ಇಕ್ಹರ‍್ಯಾ ಬಗರ ತಿನಾ ಲಿಂಗತ ಚಾ಼ಲ್ತೊ ತಿನಿ ನಡತೆಕ್ಹು, ವರಿ ತಿನಾ ಕಾಮೊಕ್ಹು ಧನ್ಯ ಥಾವಸ.

ಪ್ರಕಟನೆ 11:11

ತೆನೈಸೊ ಕ್ಹಡಾ ತನ್ನ ದಿನ್ನ ಥಯಲ್ಪರ ಕ್ಹುದಾ ತೆ ಭಂಬಿ ಪ್ರವಾದಿಯೊಮಾ ವರಿ ಜ಼ಲಮ ಆಯೆಲಿಂಗತ ಕರ‍್ಯೊ. ತೆಳಾಮಾ ತ್ಯುನೆ ತ್ಯುನಾ ಪಗೊಪರ ಹುಬ್ರಯಾ. ತ್ಯುನೊನೆ ದೆಕಲ ಕ್ಹಾರಾ ಮನಕ್ಹೊ ಭೆಕ್ಹು ಭರಿ ಗಯಾ.

ಪ್ರಕಟನೆ 22:1

ತೆಳಾಮಾ ದೆವದುತ ಜಿವ ಜಲನಿ ನದಿ ಮನೆ ದೆಕಾಡ್ಯೊ. ತೆ ನದಿ ಘನ್ನಿ ಮಿಂಚಾ಼ಡಿತಿ. ತೆ ನದಿ ಕ್ಹುದಾ ವರಿ ಬಕ್ರಾನಾ ಬಚ್ಚಾ಼ನಿ ಸಿಂಹಾಸನಕನಕಂತಿ ವೈನ,