ರೊಮಾಪೂರ 8:18 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁸ ಮನೆ ಕಳಲ ತೆಕ್ಲು ಹಮ್ನಾ ಅಪೆ ತ್ರಾಸೊಮಾ ತಡ್ದಿಲಿವಾಡ್ಯಾಸ. ವರಿಬಿ ಅಪೊನೆ ಅಗು ದಿವಾನು ಮಹಿಮಾನೆ ಎ ಕಸ್ಟ ತ್ರಾಸೊ ಹೊಲಶ್ಯಾಮ ಎ ಮೊಜಾ಼ನೆ ಥಾತೊ ನೈ.

ರೊಮಾಪೂರ 8:18 ပူးပေါင်းရင်းမြစ်များ

ಅಪೊಸ್ತಲೊ 20:24

ತೆನೈಸೊ ಜ಼ಲಮ ವಚಾ಼ಡಿಲಿವಾನು ಶ್ರೆಷ್ಠೆ ವ್ಹೈ ಕೈನ ಮಿ ವಿಚಾರ ಕರ್ತೊ ನೈ; ಕ್ಹುದಾನಿ ಮರ್ಗಾನಾ ಹುತಿ ಸುವಾರ್ತೆ ಆಸಕ್ತಿ ಕ್ಹು ಸಾಕ್ಷಿನಾ ರೊಪಮಾ ಕವಾನು ನಿಯೊಗ ಕರ್ತಾ ಥಯಲ ಯೆಸುಕ್ಹು ಮಿ ವ್ಹಂದ್ಯೊಸ. ಎಜ಼ ನಿಯೊಗ ಉಪಯೊಗ ಕರಾನು ಮಾರಿ ಆಸ ವ್ಹೈ.

ರೊಮಾಪೂರ 8:19

ಕ್ಹುದಾ ತಿನಾ ಬಚ್ಚಾ಼ವೊನೆ ದೆಕಾಡಾನಾ ದಿನೊಮಾ ಕ್ಹುದಾನಿ ಕ್ಹಾರಿ ಸೃಷ್ಟಿ ಉತ್ಸಾಹಕ್ಹು ಆಸ ಕರಾಡ್ಯುಸ.

ಕೊಲೆಸ್ಸೆ 3:4

ತುಮಾರೊ ಜುವ ಥೈಯಲ ಕ್ರಿಸ್ತ ಆತಾಖು ತುಮೆಬಿ ತಿನಾ ಕ್ಹಾತೆ ಮಹಿಮೆ ಆವೊಶಿ.

2 ಥೆಸಲೊನಿಕ 2:14

ತುಮೆ ರಕ್ಷಣೆನೆ ಹೊಂದಿಲಿದಲ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಮಹಿಮಾನಿ ಪಾಲ ಲಿವಾಲಾ ಥಾವೊ ಕೈನ, ಹಮೆ ಕದಲ ಸುವಾರ್ತೆನಾ ಮುಲಕ ಕ್ಹುದಾ ತುಮೊನೆ ಬಲಾಯೊಸ.

ತಿತನೆ 2:13

ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ‍್ಹಯಲವಾಲಾ ಅಪೆ ತಿನಾಲಿಂಗತ ರ‍್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.

ಇಬ್ರಿಯ 11:35

ಬಾಕ್ಡಿಯೊ ಮರಿಗಯಲವಾಲಾ ತ್ಯುನಾ ಮನಕ್ಹೊನೆ ಪುನರುತ್ಥನಕ್ಹು ವರಿ ವಚಾ಼ಡಿಲಿದ್ಯಾ. ಬಿಜಾ಼ ದಕ್ಹಾಜ಼಼ನಾ ತ್ರಾಸ ಖಾತಾಮಾಬಿ ಪುನರುತ್ಥಾನ ಥಯಲ್ಪರ ಚೊ಼ಕಿ ರ‍್ಹಯಲ ಜಿವಿತನಾ ಹುತಿ ಬಿಡುಗಡೆ ಥಾವಾನೆ ಒಪ್ಪಿಲಿದ್ಯಾ ನೈ.

1 ಪೆತ್ರಾ 1:13

ತಿನಾಹುತಿ ತುಮೆ ತುಮಾರು ಮನಸ ಸೆವೆನಾ ಹುತಿ ತಯ್ಯಾರ ಕರಿಲಿವೊ. ತೆನೈಸೊ ತುಮೊನೆ ತುಮಾರಿ ಹತೊಟಿಮಾ ಮ್ಹೆಲ್ಲಿವೊ. ಯೆಸು ಕ್ರಿಸ್ತ ಅಪೊನೆ ದಿಕ್ಹಾನಾ ಟೈಮ್ಮಾ ತುಮೊನೆ ಮಳಾನಿ ಮರಗಾ ವರಿ ಮಳಾನಿ ವರಾ ಪರ ತುಮಾರಿ ಆಸ ಪುರಾ ರ‍್ಹೌ.

1 ಪೆತ್ರಾ 4:13

ತೆನೈಸೊ ತುಮೆ ಕ್ರಿಸ್ತನೊ ತ್ರಾಸ ವಾಟಿಲಿವಾಡ್ಯಾಸ ಕೈನ ತುಮೆ ಖುಶಿಕ್ಹು ರ‍್ಹವೊ. ಕ್ರಿಸ್ತ ತಿನಿ ಮಹಿಮಾ ದೆಕಾಡಾನಾ ಹುತಿ ತುಮೆ ಖುಶಿ ಕರೊಶಿ.

1 ಪೆತ್ರಾ 5:1

ತುಮಾರಿ ಸಬೆಮಾ ಮ್ಹೊಟಾ ರ‍್ಹಯಲವಾಲಾವೊನಾ ಮಿ ದಕ್ಹಿಯೊ ವಾತೊ ಕೌ ಕೈನ ಛೆ. ಮಿ ಯಕ್ಲೊ ಮ್ಹೊಟೊ ಥಯೊಸ. ಮಿ ಕ್ರಿಸ್ತನೆ ತ್ರಾಸ ದಿವಾನು ಡೊಳೆ ದೆಕ್ಯೊಸ. ಹಮೊನೆ ದಿಕ್ಹಾನಾ ಟೈಮ್ಮಾ ಮಿ ತಿಮಾ ಭಾಗಿದಾರ ಥಯೊಸ.

1 ಯೊಹಾನ 3:2

ಮಯಾನಾ ದೊಸ್ತೊ, ಹಮ್ನಾ ಅಪೆ ಕ್ಹುದಾನಾ ದಿಕ್ರಾ ಥಯಾಸ. ಅಗಾ ಅಪೆ ಸು ಥೈಯೆಸ ಕೈನ ಅಪೊನೆ ದೆಕಾಡಿನ ದಿದ್ಯೊ ನತ್ತಿ.