ರೊಮಾಪೂರ 8:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ಯೆಸುನೆ ಮೌತಕ್ಹು ಉಟಾಡಲ ಕ್ಹುದಾನಿ ಆತ್ಮಾ ತುಮೊಮಾ ರ‍್ಹಯಮ, ಕ್ರಿಸ್ತನೆ ಮೌತಕ್ಹು ಉಟಾಡಲವಾಲೊ ತುಮಾರಿ ಆತ್ಮಾ ಕಂತೊ ತುಮಾರಾ ಮರಲ ಅಂಗೊನೆ ಜ಼ಲಮ ದಿವಸ.

ರೊಮಾಪೂರ 8:11 ပူးပေါင်းရင်းမြစ်များ

ಯೊಹಾನ 14:17

ಕ್ಹರಿನೊ ಆತ್ಮಾಜ಼಼ ತೆ ಸಹಾಯಕ ವ್ಹೈ. ಎ ದುನಿಯಾ ತಿನೆ ಸ್ವಿಕಾರ ನೈ ಕರತು. ಕಾಕದ್ಯಾಮ ದುನಿಯಾ ತಿನೆ ದೆಕ್ತಾ ನೈ, ತಿಳ್ದಿಲೆತಾಬಿ ನೈ. ತೆನೈಸೊ ತುಮೆ ತಿನೆ ತಿಳ್ದಿಲಿದ್ಯಾಸ. ತಿನಾಹುತಿ ತೆ ತುಮಾರಾ ಕ್ಹಾತೆ ಜಿವ್ನಾ ಕರಸ ವರಿ ತುಮಾರಾಮಾ ರ‍್ಹವಸ.

ಯೊಹಾನ 5:21

ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾಲಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ.

ಅಪೊಸ್ತಲೊ 2:24

ಯೆಸು ಮೌತನೊ ತ್ರಾಸ ಖಾದ್ಯೊ. ತೆನೈಸೊ ಕ್ಹುದಾ ತಿನೆ ಛೊಡಾಯೊ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಮೌತನೆಬಿ ಯೆಸುನೆ ಧರಲಿವಾನೆ ಥಯು ನೈ.

ರೊಮಾಪೂರ 16:10

ಅಪೆಲನ್ನೆಬಿ ಮಾರಿ ವಂದನಾ ಕವೊ. ತೆ ಕ್ಹರಿಮಾಜ಼ ಕ್ರಿಸ್ತನೆ ಮಯಾ ಕರಸ ಕೈನ ಮೆಚ್ಚಿಕೆನೆ ಪಾತ್ರ ಥೈನ ದೆಕಾಡಿನ ದಿದ್ಯೊಸ. ಕರಕರಿನೆ ದೆಕ್ಯಾತಾ. ಅರಿಸ್ತೊಬುಲನಾ ಕುಟುಂಬಮಾ ರ‍್ಹಯಲ ಕ್ಹಾರಾ ಮನಕ್ಹೊನೆ ಮಾರು ವಂದನಾ ಕವೊ.

ರೊಮಾಪೂರ 16:3

ಪ್ರಿಸ್ಕಿಳನೆ ಅಕ್ವಿಳನೆ ಮಾರಿ ವಂದನಾ ಕವೊ. ತ್ಯುನೆ ಕ್ರಿಸ್ತ ಯೆಸುಮಾ ಮಾರಾ ಕ್ಹಾತೆ ಸೆವೆ ಕರಾಡಾಸ.

ರೊಮಾಪೂರ 16:7

ಅಂದ್ರೊನಿಕನೆ ವರಿ ಯುನ್ಯನೆ ಮಾರಿ ವಂದನಾ ಕವೊ. ತ್ಯುನೆ ಮಾರಾ ಕಳಬಳ ವ್ಹೈ. ತೆನೈಸೊ ತ್ಯುನೆ ಮಾರಾ ಕ್ಹಾತೆ ಜೆಲಮಾ ವ್ಹತ್ತಾ. ಅಪೊಸ್ತಲೊನೆ ತ್ಯುನೆ ವಳಕ ವ್ಹತ್ತಾ. ಅಪೊಸ್ತಲೊನೆ ತ್ಯುನೆ ವಳಕ ವ್ಹತ್ತಾ. ತ್ಯುನೆ ಪೈಲಾಜ಼ ಕ್ರಿಸ್ತನಾ ವಿಸ್ವಾಸಿಯೊ ವ್ಹೈ.

ರೊಮಾಪೂರ 16:9

ಉರಬಾನನೆ ಬಿ ಮಾರಿ ವಂದನಾ ಕವೊ. ತೆ ಕ್ರಿಸ್ತನಾ ಹುತಿ ಮಾರಾ ಕ್ಹಾತೆ ಸೆವೆ ಕರ್ತೊತೊ. ಮಾರೊ ಮಯಾನೊ ದೊಸ್ತ ಥಯಲ ಸ್ತಾಖುನೆಬಿ ಮಾರಿ ವಂದನಾ ಕವೊ.

ರೊಮಾಪೂರ 6:12

ತೆನೈಸೊ ಪಾಪ ತುಮಾರಾ ಮರಾನಾ ಅಂಗಮಾ ಇತ್ತಿ ಉಪ್ಪರ ಅದಿಕಾರ ಕರು ನೈ, ತಿನಾಹುತಿ ತುಮೆ ತುಮಾರಾ ಸ್ವಾಭಾವಿಕ ಸ್ವಭಾವನಾ ಆಸೊ ಪುರಾ ಕರು.

ರೊಮಾಪೂರ 8:1

ತಿನಾಹುತಿ ಹಮ್ನಾ ಕ್ರಿಸ್ತ ಯೆಸುಮಾ ರ‍್ಹವಾಲಾ ಮನಕ್ಹೊನೆ ಅಪರಾದಿಯೊ ವ್ಹೈ ಕೈನ ಫೈಸಲೊ ನೈ ಥಾತೊ.

ರೊಮಾಪೂರ 8:12

ತಿನಾಹುತಿ ಮಾರಾ ಭಾಯೊ, ಭೆನೊ, ಅಪೊನೆ ಯೊಗ್ಯತಾ ಛೆ, ತೆನೈಸೊ ಅಪ್ನಿ ಮಾನವ ಸ್ವಭಾವ ಅಪೊನೆ ಪಸಂದ ಆಯಲ ಲಿಂಗತ ಜಿವ್ಸಾನೆ ಸಾಧ್ಯ ನತ್ತಿ.

ರೊಮಾಪೂರ 8:2

ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ನಿಲಯ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ‍್ಯುಸ.

ರೊಮಾಪೂರ 8:9

ತೆನೈಸೊ ತುಮೆ ತುಮಾರಾ ಪಾಪೊನಾ ಸ್ವಭಾವ ಲಿಂಗತ ನತ್ತಿ. ಕ್ಹುದಾನಿ ಆತ್ಮಾ ತುಮೊಮಾ ಕ್ಹರಿಬಿ ರ‍್ಹಯಲ ರ‍್ಹಯುಮ, ತುಮೆ ಆತ್ಮಾನಾ ಹತ್ಮಾ ಛೆ. ಕಿನಾಮಾಬಿ ಕ್ರಿಸ್ತನಿ ಆತ್ಮಾ ನೈ ರ‍್ಹಯುಮ, ತೆ ಕ್ರಿಸ್ತಮಾ ರ‍್ಹಯಲವಾಲೊ ನ್ಹವೈ.

1 ಕೊರಿಂಥ 15:16

ಮರಲವಾಲಾ ಪುನರುತ್ಥಾನ ನೈ ಥಾತಾ ಕೈನ ಕದ್ಯಾಮ ಕ್ರಿಸ್ತ ಯೆಸುಬಿ ಪುನರುತ್ಥಾನ ನತ್ತಿ ಥಯೊ.

1 ಕೊರಿಂಥ 6:14

ಪ್ರಭುನೆ ಪುನರುತ್ಥಾನ ಕರಲ ಕ್ಹುದಾ ಅಪೊನೆ ತಿನಿ ಮ್ಹೊಟಿ ತಾಕತಕ್ಹು ಉಟಾಡಸ.

2 ಕೊರಿಂಥ 4:11

ಅಪೆ ಜಿವ್ತಾ ರ‍್ಹಯಾತುಬಿ ಯೆಸುನಾ ಹುತಿ ಹಮೆಶಾಬಿ ಮರಣನಿ ಅಪಯಮಾ ಛೆ. ಮರಿಜಾ಼ವಾನು ಅಪ್ನಾ ಅಂಗಮಾ ತಿನೊ ಜ಼ಲಮ ದಿಕ್ಹಾದೆ ಕೈನ ಎ ಅಪ್ನಾ ಕ್ಹಾತೆ ಥಯು.

2 ಕೊರಿಂಥ 4:14

ಪ್ರಭು ಥಯಲ ಯೆಸುನೆ ಮರಲವಾಲಾವೊಮಾತೊ ಉಟಾಡಲ ಕ್ಹುದಾ ಅಪೊನೆಬಿ ಕ್ರಿಸ್ತನಾ ಕ್ಹಾತೆ ಉಟಾಡಸ. ಕವಾನು ಅಪೊನೆ ಗ್ವತ್ತ ಛೆ. ಕ್ಹುದಾ ಹಮೊನೆ ತುಮಾರಾ ಕ್ಹಾತೆಜ ತಿನಾ ಕ್ಹಾಮೊ ಹುಬ್ರಾಡಸ.

2 ಕೊರಿಂಥ 5:4

ಎ ಘರಮಾ ರ‍್ಹಯೆ ಲಕ್ಕಾ ಅಪೊನೆ ಯಕ್ಕ ವಜ್ಜು ಛೆ. ವರಿ ಅಪೆ ನೆಳ್ಳಿಯೆಸ. ಉಗಾಡಾ ರ‍್ಹವಾನು ಅಪೊನೆ ನೈ ಚೊ಼ಕು ರ‍್ಹಯಲ ಹುತಿ ಪರಲೊಕನು ಘರ ಘಾಲ್ಲಿವಾನೆ ಮನಸ ಕರಿಯೆಸ. ಮರಿ ಜಾ಼ವಾನು ಎ ಅಂಗ ಅಪ್ನಾ ಪುರಾ ಅಂಗನೆ ಔಳಗಿಲಿವಸ.

ಗಲಾತ್ಯ 6:8

ಯಕ್ಲೊ ತಿನಾ ಅಂಗನಿ ಆಸ ಪುರಾ ಕರು ಕೈನ ಪಾಪನಾ ಕಾಮೊ ಕರ‍್ಯೊಮ ತಿನಿ ಅಂಗನಿ ಆಸ ತಿನೆ ಹಮೆಶಾ ಹಾಳ ಕರಸ. ತೆನೈಸೊ ಯಕ್ಲೊ ಪವಿತ್ರ ಆತ್ಮಾನೆ ಮೆಚ್ಚಸಾನೆ ಹುತಿ ಚೊ಼ಕಾ ಕಾಮೊ ಕರತೊ ರ‍್ಹಯುಮ, ತೆ ಪವಿತ್ರ ಆತ್ಮಾಕ್ಹು ಹಮೆಶಾನು ಜ಼ಲಮ ಪಡ್ದಿಲಿವಸ.

ಎಫೆಸ 2:5

ಅಪೆ ಕ್ಹುದಾನೆ ವಿರುದ್ದ ಥೈನ ಕರಲ ಕಾಮೊಕ್ಹು ಆತ್ಮಿಕಮಾ ಮರಲವಾಲಾ ಥಯಾತಾ. ತೆ ನೈಸೊ ಅಪೊನೆ ಕ್ರಿಸ್ತನಾ ಕ್ಹಾತೆ ವಚಾ಼ಡ್ಯೊ. ತುಮೆ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ.

ಫಿಲಿಪ್ಪಿ 3:21

ತೆ ಕ್ಹಾರುಜ ತಿನಾ ಅದಿನಮ್ಮಾ ಕರಲಿವಾನು ಕ್ಹಾರಾವೊ ಪರ ಅದಿಕಾರ ವ್ಹಂದಲವಾಲೊ ಥೈನ ದಿನ್ನ ಸ್ವಭಾವಾಲೊ ಥೈನ ಅಪನು ಅಂಗ ಘನು ತಾಕತವರ ಥೈನ ತಿನಾ ಅಂಗ ಲಿಂಗತ ರುಪಾಂತರ ಕರಸ.

ಇಬ್ರಿಯ 13:20

ಹಮೆಶಾ ರ‍್ಹಯಲ ವಡಂಬಡಿಕೆನೆ, ರಗತಕ್ಹು ಪುರಾ ಕರಾನಾ ಹುತಿ, ಸಭೆ ಕವಾನು ಹಿಂಡನೆ ಮ್ಹೊಟೊ ಪಾಲಕ ಥಯಲ ಅಪ್ನೊ ಕರ್ತಾ ಥಯಲ ಯೆಸುನೆ ಮರಲವಾಲಾಮಾತೊ ಆವಾಲಗಾಡ್ಯಲ, ಶಾಂತಿದಾಯಕ ಥಯಲ ಕ್ಹುದಾ,

1 ಪೆತ್ರಾ 1:21

ತುಮೆ ಕ್ರಿಸ್ತನಾ ಮುಲಕ ಕ್ಹುದಾನೆ ವಳಕ್ಯಾ. ಕ್ಹುದಾ ಕ್ರಿಸ್ತನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಪಾಚಲ್ತೊ ಕ್ಹುದಾ ತಿನೆ ತಾಕತ ದಿದ್ಯೊ. ತಿನಾಹುತಿ ತುಮಾರೊ ಬರೊಕ್ಹೊ ವರಿ ಆಸ ಕ್ಹುಹುದಾಪರ ರ‍್ಹವಾದೆ.

1 ಪೆತ್ರಾ 3:18

ತುಮಾರಾ ಪಾಪೊನಾ ಹುತಿ ಕ್ರಿಸ್ತ ಯಕ್ಕಸಲಾ ತ್ರಾಸ ಖೈನ ಮರ‍್ಯೊ ಕ್ಹರಿಕ್ಹು ರ‍್ಹಯಲ ತೆ ಅಪರಾದಿಯೊನಾ ಹುತಿ ಜ಼ಲಮ ದಿದ್ಯೊ. ತುಮೊನೆ ಕ್ಹಾರಾವೊನೆ ಕ್ಹುದಾ ಕನ ಚ಼ಲಾವಾನಾಹುತಿ ತೆ ತಿಮ್ಮ ಕರ‍್ಯೊ. ತಿನೊ ಅಂಗ ಖಲಾಸ ಕರಾಯಾ. ತೆನೈಸೊ ತೆ ಆತ್ಮಾನಿ ಸಂಭದಮಾ ಜಿವ್ತೊ ಥಯೊ.

ಪ್ರಕಟನೆ 1:18

ಮಿಜ಼ ಜಿವ್ತೊ ರ‍್ಹವಾಲೊ ವ್ಹೈ. ಮಿ ಮರ‍್ಯೊ. ತೆನೈಸೊ ಹಮ್ನಾ ದೆಕ ಮಿ ಯುಗ ಯುಗಾಂತರಮಾ ಜಿವ್ತೊ ರ‍್ಹವಾಲೊ ಥಯೊಸ. ಮರಣ ವರಿ ಪಾತಳನಿ ಅದಿಕಾರ ಮಕನ ಛೆ"

ಪ್ರಕಟನೆ 11:11

ತೆನೈಸೊ ಕ್ಹಡಾ ತನ್ನ ದಿನ್ನ ಥಯಲ್ಪರ ಕ್ಹುದಾ ತೆ ಭಂಬಿ ಪ್ರವಾದಿಯೊಮಾ ವರಿ ಜ಼ಲಮ ಆಯೆಲಿಂಗತ ಕರ‍್ಯೊ. ತೆಳಾಮಾ ತ್ಯುನೆ ತ್ಯುನಾ ಪಗೊಪರ ಹುಬ್ರಯಾ. ತ್ಯುನೊನೆ ದೆಕಲ ಕ್ಹಾರಾ ಮನಕ್ಹೊ ಭೆಕ್ಹು ಭರಿ ಗಯಾ.